ព័ត៌មានជាតិ
មន្ត្រីនៃក្រសួងសេដ្ឋកិច្ច២រូប បានបញ្ចប់ការសិក្សានៅអ៊ុយក្រែន
ក្រោយថ្ងៃជ័យជំនះ៧មករា រដ្ឋាភិបាលនៃសាធារណរដ្ឋប្រជាមានិតកម្ពុជា និងរដ្ឋកម្ពុជា បានបញ្ជូននិស្សិតដើម្បីឲ្យទៅសិក្សានៅបរទេសជាបន្តបន្ទាប់ ជាពិសេស នៅបណ្ដាប្រទេសនៃសហភាពសូវៀត។ ក្នុងនោះ មានអតីតនិស្សិតកម្ពុជាបានទៅសិក្សានៅប្រទេសអ៊ុយក្រែនផងដែរ ខណៈបច្ចុប្បន្ន អតីតនិស្សិតទាំងនោះ បាន និងកំពុងបម្រើការក្នុងជួរកិច្ចការរដ្ឋ។ បើនិយាយដោយឡែក ចំពោះក្របខណ្ឌក្រសួងសេដ្ឋកិច្ច និងហិរញ្ញវត្ថុ គឺមានមន្ត្រីចំនួន២រូប ជាអតីតនិស្សិតកម្ពុជាដែលបានបញ្ចប់ការសិក្សានៅអ៊ុយក្រែន។ តើមន្ត្រីជាន់ខ្ពស់នៃក្រសួងសេដ្ឋកិច្ចទាំង២រូបនេះ ជានរណា?
១/ លោក ហ៊ាន សាហ៊ីប
បច្ចុប្បន្ន លោក ហ៊ាន សាហ៊ីប មានតំណែងជារដ្ឋមន្ត្រីប្រតិភូអមនាយករដ្ឋមន្ត្រី និងជារដ្ឋលេខាធិការនៃក្រសួងសេដ្ឋកិច្ច និងហិរញ្ញវត្ថុ។ លោក ហ៊ាន សាហ៊ីប កាន់តំណែងជារដ្ឋលេខាធិការនៃក្រសួងសេដ្ឋកិច្ច និងហិរញ្ញវត្ថុ តាំងពីឆ្នាំ២០១៣ ខណៈឆ្នាំ២០២២ លោកត្រូវបានទទួលការតែងតាំងមុខតំណែងជាន់ខ្ពស់បន្ថែមជារដ្ឋមន្ត្រីប្រតិភូអមនាយករដ្ឋមន្ត្រី។
លោក ហ៊ាន សាហ៊ីប គឺជាអតីតនិស្សិតកម្ពុជាដែលបានបញ្ចប់ការសិក្សាសញ្ញាបត្រអនុបណ្ឌិត និងសញ្ញាបត្របណ្ឌិត (PhD) ផ្នែកវិទ្យាសាស្ត្រសេដ្ឋកិច្ច នៅសាកលវិទ្យាល័យរដ្ឋគៀវ នៃប្រទេសអ៊ុយក្រែន នៅក្នុងចន្លោះឆ្នាំ១៩៨៥ ដល់ឆ្នាំ ១៩៩៤។
២/ លោក ទេព ភិយ្យោរិន្ទ្រ
លោក ទេព ភិយ្យោរិន្ទ្រ បានបញ្ចប់ការសិក្សាកម្រិតសញ្ញាបត្របរិញ្ញាបត្រជាន់ខ្ពស់ផ្នែកសេដ្ឋកិច្ច នៅសាកលវិទ្យាល័យសេដ្ឋកិច្ចនៃរដ្ឋ KHARKOV ប្រទេសអ៊ុយក្រែន កាលពីឆ្នាំ១៩៩២ ដល់ឆ្នាំ១៩៩៧។ បច្ចុប្បន្ន លោក ទេព ភិយ្យោរិន្ទ្រ មានតំណែងជាអនុរដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ។ មុនកាន់តែងតាំងជាអនុរដ្ឋលេខាធិការ លោក ទេព ភិយ្យោរិន្ទ្រ ធ្លាប់មានតួនាទីជាអគ្គនាយកនៃអគ្គនាយកនាយកដ្ឋានគោលនយោបាយសេដ្ឋកិច្ច និងហិរញ្ញវត្ថុសាធារណៈ ធ្លាប់ធ្វើជាទីប្រឹក្សានាយកប្រតិបត្តិនៃការិយាល័យធនាគារពិភពលោក ធ្លាប់ធ្វើជាប្រធាន-អនុប្រធាននៃនាយកដ្ឋានគោលនយោបាយហិរញ្ញវត្ថុសាធារណៈ ខណៈលោកផ្ដើមបម្រើការជាមន្រ្តីផ្នែកថវិកានៃនាយកដ្ឋានកិច្ចការហិរញ្ញវត្ថុ ក្រសួងសេដ្ឋកិច្ច និងហិរញ្ញវត្ថុ តាំងពីឆ្នាំ២០០០៕
ដោយ៖ ធឿន វ៉ាន់សុង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ