ព័ត៌មានជាតិ

ក្រុមហ៊ុន Cambodia Securities Plc និងក្រុមហ៊ុនបុត្រសម្ព័ន្ធរបស់ China Cinda’s រួមគ្នាបង្កើតគម្រោងវិនិយោគ

បានផុស

២ years មុន

នៅ

ថ្ងៃចន្ទ ១០ មេសា ២០២៣

ដោយ

ក្រោមការធ្វើជាសាក្សីរបស់ផ្សារមូលបត្រកម្ពុជានៅថ្ងៃនេះ Cambodia Securities Plc បានចុះហត្ថលេខាលើកិច្ចព្រមព្រៀងសហប្រតិបត្តិការជាផ្លូវការជាមួយក្រុមហ៊ុន Cinda Plunkett International Capital Management Limited ដែលជាក្រុមហ៊ុនបុត្រសម្ព័ន្ធរបស់ China Cinda ដើម្បីរួមគ្នាបង្កើតគម្រោងវិនិយោគ។ នេះជាកិច្ចសហប្រតិបត្តិការលើកដំបូង នៃកិច្ចសហប្រតិបត្តិការជាមួយស្ថាប័នហិរញ្ញវត្ថុចិនដ៏ធំមួយ។ ខណៈក្រុមហ៊ុន China Cinda គឺជាសហគ្រាសហិរញ្ញវត្ថុដែលគ្រប់គ្រងដោយរដ្ឋនៅក្នុងប្រទេសចិន។ Cinda International Holdings Limited (“Cinda International”, លេខកូដភាគហ៊ុន HKEX: 111) គឺជាស្ថាប័នសេវាកម្មហិរញ្ញវត្ថុដែលគ្រប់គ្រងដោយប្រយោលដោយក្រុមហ៊ុន China Cinda Asset Management Co., LTD. (“China Cinda”) តាមរយៈក្រុមហ៊ុនបុត្រសម្ព័ន្ធកាន់កាប់ភាគហ៊ុន 78.67% របស់ខ្លួន គឺ Cinda Securities Co., LTD។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមហ៊ុន Cambodia Securities Plc បង្កើតគម្រោងវិនិយោគដំបូងនៅក្នុងទីផ្សារហិរញ្ញវត្ថុ និងមូលធនកម្ពុជា។

លោក TENG CHENG YUEH នាយកប្រតិបត្តិ នៃក្រុមហ៊ុន Cambodia Securities Plc មានប្រសាសន៍ថា វិសាលភាពវិនិយោគ នៃគម្រោងវិនិយោគនេះ នឹងផ្តោតជាសំខាន់លើក្រុមហ៊ុនដែលមិនបានចុះបញ្ជីល្អប្រសើរនៅក្នុងប្រទេសកម្ពុជា បង្កើតគម្រោងវិនិយោគ និងហិរញ្ញវត្ថុផ្ទាល់សម្រាប់ប្រទេសកម្ពុជា និងបញ្ចូលបណ្ដាញហិរញ្ញវត្ថុថ្មីៗសម្រាប់ក្រុមហ៊ុន។ នាពេលបច្ចុប្បន្ននេះ ប្រទេសកម្ពុជា ត្រូវបានកម្រិតដោយការអភិវឌ្ឍផ្នែកហិរញ្ញវត្ថុផ្ទាល់តិចតួច ហើយការផ្តល់ហិរញ្ញប្បទានសាជីវកម្មអាចពឹងផ្អែកតែលើប្រតិបត្តិការជាមួយធនាគារ ដែលជារឿយៗ ត្រូវបានកំណត់ដោយលក្ខខណ្ឌ នៃការផ្តល់ប្រាក់កម្ចីរបស់ធនាគារ ដែលរារាំងលទ្ធភាព នៃការអភិវឌ្ឍចម្រុះ នៃសហគ្រាស ហើយដោយសារតែអាជីវកម្មដែលធ្វើឡើងដោយធនាគារ អាចសម្រាប់តែប្រាក់កម្ចីប៉ុណ្ណោះ វានឹងធ្វើឲ្យដើមទុនរបស់ក្រុមហ៊ុនកើនឡើង ដោយសារអត្រាការប្រាក់ខ្ពស់ ហើយវានឹងមិនអាចប្រើប្រាស់ភាគហ៊ុនសម្រាប់ផ្តល់ហិរញ្ញប្បទានបានទេ។ មូលនិធិបណ្ដាក់ទុនរួមគ្នាដែលចេញដោយស្ថាប័នទាំងពីរនេះ នឹងផ្តល់ឱកាសដល់សេដ្ឋកិច្ចកម្ពុជា ការអភិវឌ្ឍឧស្សាហកម្ម និងហិរញ្ញប្បទានសាជីវកម្ម

ទំហំ នៃគម្រោងវិនិយោគនេះលើសពី ២០០ លានដុល្លារអាមេរិក

អគ្គនាយកផ្សារមូលបត្រកម្ពុជា បានអញ្ជើញចូលរួមក្នុងពិធីចុះហត្ថលេខា នៃក្រុមហ៊ុនទាំងពីរ។ កិច្ចសហប្រតិបត្តិការរវាងក្រុមហ៊ុនទាំងពីរនៅក្នុងគម្រោងវិនិយោគនេះចែកចេញជាបីដំណាក់កាល ហើយដំណាក់កាលនីមួយៗមានទំហំមូលនិធិច្បាស់លាស់។ ដំណាក់កាលទី១ នឹងត្រូវបានចេញនៅក្នុងមូលនិធិសាធារណៈរបស់ CSX ហើយទំហំមូលនិធិត្រូវបានកំណត់នៅទំហំ ២០ លានដុល្លារអាមេរិក។ ដំណាក់កាលទី២ នឹងកើនឡើង ៥០ លានដុល្លារទៀត ហើយដំណាក់កាលទី៣ នឹងពង្រីកដល់ជាង ១០០ លានដុល្លារអាមេរិក។ វិសាលភាព នៃការវិនិយោគរបស់វានឹងផ្តោតទៅក្រុមហ៊ុនដែលមិនបានចុះបញ្ជីជាចម្បង ហើយវិធីសាស្ត្រ នៃការវិនិយោគគឺភាគច្រើនជាទម្រង់មូលធន រួមផ្សំជាមួយនឹងមូលបត្របំណុលសាជីវកម្មដែលអាចបំប្លែងបាន ឬការវិនិយោគហិរញ្ញវត្ថុចម្រុះផ្សេងទៀត។ ក្រៅពីអាជ្ញាប័ណ្ណធានាទិញមូលបត្រ Cambodia Securities Plc ក៏មានលទ្ធភាពក្នុងការចុះកិច្ចសន្យាទិញលក់ និងផ្តល់ប្រឹក្សាដល់ក្រុមហ៊ុននានាដែលចង់បោះផ្សាយមូលបត្រជាសាធារណៈផងដែរ។ ដូច្នេះហើយ កិច្ចសន្យាទិញលក់ និងណែនាំក្រុមហ៊ុនឲ្យដំណើរការជាសាធារណៈអាចចាប់ផ្ដើមភ្លាមៗមុន និងក្រោយការវិនិយោគដែលនឹងជាជំនួយកាន់តែច្រើនដល់សហគ្រាស។ ក្រៅពីការដាក់ចេញដើមទុនក៏មានឱកាសចេញផ្សាយជាសាធារណៈក្នុងពេលតែមួយដែរ។ វាក៏នឹងក្លាយជាឧបករណ៍វិនិយោគដ៏ល្អបំផុតសម្រាប់អ្នកវិនិយោគក្នុងការចូលរួមក្នុងការអភិវឌ្ឍឧស្សាហកម្ម និងសេដ្ឋកិច្ច។

មូលនិធិអភិវឌ្ឍន៍អចលនទ្រព្យ នឹងត្រូវបានចេញផ្សាយឡើងវិញនាពេលអនាគត

លោក PAN CHUNYUN នាយកគ្រប់គ្រងទូទៅ នៃក្រុមហ៊ុនមូលបត្រកម្ពុជា មានប្រសាសន៍ថា Cambodia Securities Plc មានសុទិដ្ឋិនិយមយ៉ាងខ្លាំងចំពោះការអភិវឌ្ឍសេដ្ឋកិច្ច និងឧស្សាហកម្មរួមរបស់ប្រទេសកម្ពុជា។ គម្រោងវិនិយោគនេះ នឹងត្រូវបានចុះបញ្ជីនៅក្នុងទីផ្សារមូលធនកម្ពុជា ដែលនឹងមិនត្រឹមតែអនុញ្ញាតឲ្យអ្នកវិនិយោគបរទេសចូលមកក្នុងប្រទេសកម្ពុជាតាមរយៈមូលនិធិនេះប៉ុណ្ណោះទេ ប៉ុន្តែថែមទាំងអាចឲ្យអ្នកវិនិយោគក្នុងស្រុកទទួលបានអត្ថប្រយោជន៍ពីការគ្រប់គ្រងស្ថាប័នវិនិយោគប្រកបដោយវិជ្ជាជីវៈផងដែរ។ នេះគ្រាន់តែជាជំហានដំបូងឆ្ពោះទៅរកកំណើន និងការអភិវឌ្ឍន៍រយៈពេលវែងរបស់កម្ពុជា។

បន្ទាប់ពីនេះ យើងគ្រោងនឹងដាក់ចេញនូវមូលនិធិអភិវឌ្ឍន៍អចលនទ្រព្យជាលើកទីពីរ ដើម្បីនាំយកស្ថាប័នបរទេសមកចូលរួមក្នុងការអភិវឌ្ឍគម្រោងដីធ្លី និងអចលនទ្រព្យ ដែលមានតម្លៃទាបនៅកម្ពុជា៕

ចំណាំ ៖ ប្រវត្តិសង្ខេបរបស់ China Cinda Group