ព័ត៌មានជាតិ

ពិធីចុះហត្ថលេខាលើកិច្ចព្រមព្រៀងជាដៃគូសហការរវាង ក្រុមហ៊ុន ព្របណិកស៍ (ខេមបូឌា) ឯ.ក និងគម្រោងលំនៅឋានវង្ស

បានផុស

៣ ខែ មុន

នៅ

ថ្ងៃពុធ ៨ កុម្ភៈ ២០២៣

ដោយ

បច្ចុប្បន្ន វិស័យអភិវឌ្ឍន៍សំណង់ និងសេវាផ្គត់ផ្គង់លំនៅឋាន នៅព្រះរាជាណាចក្រកម្ពុជា គឺជាចំណែកមួយដ៏សំខាន់ ក្នុងការផ្ដល់សេចក្ដីសុខក្សេមក្សាន្ត និងសហគមន៍រស់នៅក្នុងតំបន់នីមួយៗ ឲ្យមានគុណភាព សោភ័ណភាព ឈានឡើងមួយកម្រិតទៀត។ ប៉ុន្តែអ្វីទាំងនោះក៏មិនមែនត្រឹមម្ចាស់គម្រោងវិនិយោគតែឯងអាចសម្រេចគោលដៅជូនដល់អតិថិជនឲ្យបានប្រសិទ្ធភាព និងទំនុកចិត្តនោះទេ។ ម្ល៉េះហើយ គម្រោងលំនៅឋានវង្ស បានតែងតែស្វះស្វែងលើការចាប់យកដៃគូសហការ ក្នុងការផ្ដល់សេវា និងផ្ដល់ទំនុកចិត្តបន្ថែមជូនដល់អតិថិជនឲ្យបានកាន់តែប្រសើរឡើងថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ ព្រឹត្តិការណ៍កាលពីថ្ងៃទី ៨ ខែកុម្ភៈ ឆ្នាំ ២០២៣ គម្រោងលំនៅឋានវង្ស បានសម្រេចរៀបចំពិធីចុះហត្ថលេខាលើកិច្ចព្រមព្រៀងជាដៃគូសហការរវាង ក្រុមហ៊ុន ព្របណិកស៍ (ខេមបូឌា) ឯ.ក និងគម្រោងលំនៅឋានវង្ស។

លោកជំទាវអគ្គនាយិកា នៃគម្រោង លំនៅឋានវង្ស ម៉ឺន ស្រីណែត ក៏បានមានប្រសាសន៍ផងដែរថា “ក្រោមការសិក្សាសម្រេចចិត្តដោយថ្នាក់ដឹកនាំរបស់នាងខ្ញុំ រួមនឹងការស្វែងយល់ និងសង្កេតឃើញពីវត្តមាន នៃសកម្មភាពការងារដ៏មានជំនាញ និងវិជ្ជាជីវៈ ក្រុមការងារដែលពេញដោយសមត្ថភាព គួបផ្សំនឹងលទ្ធផលស្នាដៃក្នុងការជំរុញទីផ្សារអចលនទ្រព្យ ក៏ដូចជាទីប្រឹក្សាសម្រាប់អតិថិជនកន្លងមក គឺប្រកបដោយគុណភាព ប្រសិទ្ធភាពពិតប្រាកដ។ ដោយនាងខ្ញុំរំពឹងថា ការចាប់ផ្ដើមពីថ្ងៃនេះតទៅ គម្រោង លំនៅឋានវង្ស និង ក្រុមហ៊ុន ព្របណិកស៍ គឺនឹងនាំមកនូវការពង្រឹងលើប្រសិទ្ធភាព និងសមត្ថភាពសម្រាប់គម្រោងនាងខ្ញុំ ព្រមទាំងសម្រាប់អតិថិជនទាំងអស់ ឲ្យកាន់តែមានទំនុកចិត្តប្រកបដោយប្រសិទ្ធភាពពិតជាក់ជាពុំខាន”។

គួររំលឹកផងដែរថា គម្រោង លំនៅឋានវង្ស គឺមានចក្ខុវិស័យក្នុងការបង្កើតនូវបរិបទថ្មី នៃការរស់នៅជាសហគមន៍ល្អ ដែលមានភាពសុខដុម ក្នុងលំនៅឋានបែបស៊ីវិល័យ រួមមានអគារពាណិជ្ជកម្ម អគារការិយាល័យ ផ្ទះអាជីវកម្ម និងវីឡា ដែលកំពុងលេចត្រដែតជារូបរាងឡើង ឋិតក្នុងតំបន់មានសក្ដានុពលខ្លាំង ជាប់នឹងផ្លូវធំរដ្ឋ ៥០ ម៉ែត្រ ជិតនឹងអាកាសយានដ្ឋានថ្មី និងផ្លូវក្រវាត់ក្រុងទី ៣៕