ព័ត៌មានជាតិ
មិនធ្លាប់មាន អគាររដ្ឋដំបូងគេមានកម្ពស់ ៣៥ ជាន់ លើផ្លូវព្រះនរោត្តម បានបញ្ចប់ការសាងសង់ទាំងស្រុង
អគាររដ្ឋបាលដ៏ខ្ពស់សន្លឹមរបស់អគ្គនាយកដ្ឋានគយ និងរដ្ឋាករ លើមហាវិថីព្រះនរោត្ដម បានបញ្ចប់ការសាងសង់ទាំងស្រុង បានក្លាយជាអគាររដ្ឋខ្ពស់បំផុតមិនធ្លាប់មាន។
អគាររដ្ឋបាលរបស់អគ្គនាយកដ្ឋានគយនិងរដ្ឋបាលនេះ មានកម្ពស់ ១២២ ម៉ែត្រ មាន ៣៥ ជាន់ បានបញ្ចប់ការសាងសង់នៅឆ្នាំ២០២០។

អគារនេះត្រូវបានប្រើប្រាស់ដោយមន្រ្តីគយ និងរដ្ឋាករ និងក៏មានស្ថាប័នរដ្ឋមួយចំនួន ប្រើប្រាស់អគារនេះក្នុងការបំពេញការងារដល់ប្រជាពលរដ្ឋ។
កម្ពុជាថ្មីនៅមិនទាន់អាចស្វែងរកព័ត៌មានបន្ថែម ជុំវិញដំណើរការសាងសង់អគាររដ្ឋបាលរបស់អគ្គនាយកដ្ឋានគយនិងរដ្ឋាការ រួមទាំងតម្លៃក្នុងការសាងសង់។ កាលពីថ្ងៃទី១៧ ខែកុម្ភ: ឆ្នាំ២០១៧ អគ្គនាយកដ្ឋានគយ និងរដ្ឋាករ បានជូនដំណឹងពីតម្រូវការចាំបាច់ក្នុងការសាងសង់អគាររដ្ឋបាលគយនិងរដ្ឋាករថ្មីលើទីតាំងចាស់ ដែលស្ថិតនៅតាមបណ្តោយមហាវិថីព្រះនរោត្តម។

ប៉ុន្មានឆ្នាំចុងក្រោយនេះ រដ្ឋាភិបាលបានប្រើប្រាស់ថវិកាជាតិ ក្នុងការសាងសង់អគារក្រសួងរួមទាំងស្ថាប័នជាតិមួយចំនួនទៀត ដើម្បីសម្រួលការបំពេញការងាររបស់មន្រ្តីជូនដល់ប្រជាពលរដ្ឋ។ អាគារទីស្តីការថ្មីក្រសួងសាធារណការ និងដឹកជញ្ជូនស្ថិតនៅផ្លូវលេខ៥៩៨ (ផ្លូវជាសុផារ៉ា) ក្នុងសង្កាត់ច្រាំងចំរេះ២ ខណ្ឌឫស្សីកែវ ទើបដាក់ឲ្យប្រើប្រាស់ បន្ទាប់ពីបើកការដ្ឋានសាងសង់ពាក់កណ្តាលឆ្នាំ២០១៩។ ចំណែកអគារក្រសួងដែនដី នគរោបនីយកម្មនិងសំណង់នៅលើផ្លូវជាសុផារ៉ា ក៏ស្ទើររួចរាល់ទាំងស្រុង អាចបញ្ចប់នៅដើមឆ្នាំ២០២១ នេះ៕

-
ព័ត៌មានអន្ដរជាតិ៧ ថ្ងៃ ago
ពលរដ្ឋថៃ នៅជាប់ព្រំដែនមីយ៉ាន់ម៉ា កំពុងត្រៀមខ្លួនសម្រាប់ភាពអាសន្ន
-
បច្ចេកវិទ្យា៣ ថ្ងៃ ago
OPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ៥ ថ្ងៃ ago
ថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ៥ ថ្ងៃ ago
កម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ៣ ថ្ងៃ ago
រដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានជាតិ១ សប្តាហ៍ ago
ព្យុះទី៣ និងទី៤ អស់ឥទ្ធិពល តែកម្ពុជានៅតែមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់
-
ព័ត៌មានអន្ដរជាតិ៥ ថ្ងៃ ago
«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ
-
សន្តិសុខសង្គម៤ ថ្ងៃ ago
អាវុធហត្ថបង្ក្រាបរថយន្ត ១ គ្រឿង លួចដឹកទឹកដោះគោស្រស់ ២៧ កេះ នាំចូលពីថៃ