ព័ត៌មានជាតិ

កម្លាំងជំនាញចុះចាប់សាច់មាន់ខូចគុណភាពសរុប៣០០គីឡូក្រាមយកទៅកម្ទេចចោល

បានផុស

៥ years មុន

នៅ

ថ្ងៃអង្គារ ២៦ មករា ២០២១

ដោយ

កម្លាំងអន្តរាគមការិយាល័យផលិតកម្ម និងបសុព្យាបាលនៃមន្ទីរកសិកម្មរុក្ខាប្រមាញ់ និងនេសាទខេត្តបន្ទាយមានជ័យ បានសហការជាមួយសមត្ថកិច្ចគយ និងរដ្ឋាករ នៃការិយាល័យស្រាវជ្រាវ និងបង្ក្រាបអំពើរត់ពន្ធតំបន់៥ នៃអគ្គនាយកដ្ឋានគយ និងរដ្ឋាករកម្ពុជា បានធ្វើការស្ទាក់ឃាត់រថយន្ត១គ្រឿង ដែលលួចដឹកផលិតផលមានដើមកំណើតពីសត្វមាន់ខូចគុណភាពចំនួន៣០កេស ស្មើនឹង ៣០០គីឡូក្រាម នៅចំណុចមុខស្នាក់ការគយនិងរដ្ឋាករ ខាងលិចស្ពានទឹកថ្លា ក្រុងសិរីសោភ័ណដែលបង្កប់ក្នុងរថយន្តTaxi ១គ្រឿង នៅវេលាម៉ោង៣រសៀល ថ្ងៃទី២៥ ខែមករា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់មកកម្លាំងចម្រុះបានធ្វើការត្រួតពិនិត្យជាក់ស្តែងរួចមកឃើញថា ផលិតផលទាំងនោះបានប្រែប្រួលខុសពីសភាពដើម មានក្លិនស្អុយ រលាយទឹកកកអស់ និងដោយមានការឯកភាពពីម្ចាស់វត្ថុតាង ដោយយល់ព្រមប្រគល់ជូនដល់សមត្ថកិច្ចជំនាញដើម្បីធ្វើការដុតកម្ទេចចោលតាមវិធានបសុពេទ្យ នៅចំណុចភូមិខ្លាកូន សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ នៅវេលាម៉ោង៤រសៀលថ្ងៃទី២៥ ខែមករា ឆ្នាំ២០២១៕

អត្ថបទ ៖ វ៉ាន់ ណាង