ព័ត៌មានជាតិ

រកឃើញបង្គាស្រស់ ៣ គីឡូក្រាម មានចាក់បញ្ចូលចាហួយ

បានផុស

៥ ខែ មុន

នៅ

ថ្ងៃអង្គារ ១០ តុលា ២០២៣

ដោយ

មន្ទីរពាណិជ្ជកម្មខេត្តកំពង់ចាម ចុះពិនិត្យទំនិញ ម្ហូបអាហារគ្រប់ប្រភេទនៅលើទីផ្សារ ឃ្លាំងស្តុកសម្រាប់ចែកចាយតាមផ្ទះលក់ទំនិញ និងក្នុងផ្សារផ្អាវ ស្រុកបាធាយ ខេត្តកំពង់ចាម រកឃើញបង្គាស្រស់ ៣ គីឡូក្រាម មានចាក់បញ្ចូលចាហួយ ចំណោមទំនិញហួសកាលបរិច្ឆេទប្រើប្រាស់ជាច្រើនមុខទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី ០៩ ខែតុលា ឆ្នាំ ២០២៣ មន្ទីរពាណិជ្ជកម្មខេត្តកំពង់ចាម សហការជាមួយសាខាការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ (កបប) ខេត្តកំពង់ចាម ចុះពិនិត្យទំនិញ ម្ហូបអាហារគ្រប់ប្រភេទនៅលើទីផ្សារ ឃ្លាំងស្តុកសម្រាប់ចែកចាយតាមផ្ទះលក់ទំនិញ និងក្នុងផ្សារផ្អាវ ស្រុកបាធាយ ខេត្តកំពង់ចាម ដើម្បីធានាបាននូវការចរាចរណ៍ទំនិញដែលអនុលោមទៅតាមច្បាប់កំណត់។

កិច្ចប្រតិបត្តិការខាងលើ ជាលទ្ធផល មន្ត្រីជំនាញ បានរកឃើញទំនិញហួសកាលបរិច្ឆេទប្រើប្រាស់ដូចជា ៖

-បង្គាស្រស់ចំនួន ៣ គីឡូក្រាម មានចាក់បញ្ចូលចាហួយ។

-ត្រីបបែលក្រៀមចំនួន ៦ គីឡូក្រាម មានផ្ទុកសារធាតុគីមីហាមឃាត់។

-ទឹកក្រូចដបជ័រម៉ាក wei wei ចំនួន ១៥ យួរ ស្មើ ១៨ គីឡូក្រាម ហួសកាលបរិច្ឆេទ។

-ទឹកក្រូចម៉ាក Pensul ចំនួន ៣ យួរ ស្មើ ៤,៥ គីឡូក្រាម ហួសកាលបរិច្ឆេទ។

ចំពោះគ្រឿងសមុទ្រ និងផលិតផលទំនិញខាងលើ ត្រូវបានដកហូតយកទៅសាខា ដើម្បីចាត់ការតាមនីតិវិធីបន្ត។

ជាមួយគ្នានេះ មន្ត្រីជំនាញ បានធ្វើការណែនាំដល់អាជីវករឲ្យលក់ផលិតផលដែលមានគុណភាព អនុលោមតាមច្បាប់ ដើម្បីធានាសុខភាពអ្នកប្រើប្រាស់ និងទប់ស្កាត់អំពើមិនស្មោះត្រង់។ បន្ថែមនោះ មន្ត្រីជំនាញ ក៏បានណែនាំឲ្យអាជីវករបិទស្លាកថ្លៃជាប្រាក់រៀលលើគ្រប់មុខទំនិញដែលបានដាក់លក់ ដើម្បីមានតម្លាភាពរវាងលក់ និងអ្នកទិញផងដែរ៕

អត្ថបទ ៖ ពិសី