ព័ត៌មានជាតិ
ខេត្តបាត់ដំបងមានប្រភពប្រព័ន្ធធារាសាស្រ្តធំៗចំនួន ៤ ស្រោចស្រពដីស្រែពលរដ្ឋរាប់ម៉ឺនហិកតា
ខេត្តបាត់ដំបងដែលជាខេត្តផលិតស្រូវដ៏ធំមួយ កសិករនៅតាមតំបន់មួយចំនួនធ្វើស្រែពីរដងក្នុង ១ ឆ្នាំគឺស្រូវវស្សា និងស្រូវប្រាំង។ ការធ្វើស្រូវវស្សារបស់កសិករពឹងផ្អែកទៅលើទឹកភ្លៀង ហើយការធ្វើស្រែប្រាំងពឹងទៅលើប្រភពទឹកដែលបានបន្សល់ពីទឹកភ្លៀងក្នុងរដូវចុងដៃឈានចូលរដូវប្រាំង ឬអាស្រ័យលើប្រភពទឹកដែលបានផ្ទុកក្នុងប្រព័ន្ធធារាសាស្ត្រ។
យ៉ាងណាមិញ អាជ្ញាធរខេត្តបានកំណត់នៃការធ្វើស្រែប្រាំងលើទំហំផ្ទៃដីឲ្យស្របតាមទំហំទឹកស្រោចស្រពដែលមានស្តុកតាមប្រព័ន្ធធារាសាស្ត្រ ជៀសវាងការខូចខាតដោយសារតែខ្វះទឹកស្រោចស្រពទើបមន្ត្រីជំនាញត្រូវតែធ្វើការកំណត់មិនឲ្យលើសពីផែនការដែលត្រូវកំណត់។
ដូចជានៅក្នុងឆ្នាំ២០២៣-២០២៤ តាមផែនការ មន្ទីរធនធានទឹកនិងឧតុនិយមអនុញ្ញាតឲ្យការងារបង្កបង្កើនផលស្រូវរដូវប្រាំងលើផ្ទៃដីសរុបចំនួន ២១.០០០ ហិកតាតែប៉ុណ្ណោះ។
បើតាមមន្ទីរធនធានទឹកនិងឧតុនិយមខេត្តបាត់ដំបង ក្នុងខេត្តបាត់ដំបងមានប្រព័ន្ធធារាសាស្រ្តធំៗចំនួន ៤ ដែលជាប្រភពផ្គត់ផ្គង់ដីស្រែកសិកររាប់ម៉ឺនហិកតាក្នុងនោះមាន÷
១,ប្រព័ន្ធធារាសាស្ត្រ”អាងកំពីងពួយ” ស្រោចស្រពទៅលើភូមិសាស្ត្រស្រុកចំនួន ២ លើឃុំចំនួន ៦ ក្នុងនោះមាន ឃុំតាគ្រាម បានចំនួន ៥២៥០ ហិកតា ឃុំស្នឹងបាន ៨០០ ហិកតា ឃុំភ្នំសំពៅបាន ៣៥០ ហិកតា ក្នុងស្រុកបាណន់ និងឃុំអូរតាគី ៦០០ ហិកតា ឃុំជ្រៃ ១៥០០ហិកតា ឃុំអន្លង់រុន ១៥០០ហិកតា ក្នុងស្រុកថ្មគោលដែលមានផ្ទៃដីស្រែប្រាំងសរុបចំនួន ១០.០០០ហិកតា។
២,ប្រព័ន្ធធារាសាស្ត្រ “អាងភាស” ស្រោចស្រពលើផ្ទៃដីស្រែប្រាំងសរុបចំនួន ២.៦០០ ហិកតាលើស្រុកចំនួន ២ គឺ ស្រុកឯកភ្នំ និងស្រុកថ្មគោល លើឃុំចំនួន ៣ គឺ ឃុំពាមឯក មាន ១២០០ហិកតា ក្នុង ស្រុកឯកភ្នំ និង ឃុំតាពួង ៩០០ ហិកតា ឃុំតាមុឺន ៥០០ហិកតា ក្នុងស្រុកថ្មគោល ។
៣, ប្រព័ន្ធធារាសាស្ត្រ “កង្ហត” ឬ”ស្ទឹងសង្កែ” ស្រោចស្របលើផ្ទៃដីសរុបចំនួន ៧.០០០ ហិកតា លើស្រុកចំនួន ៤ គឺ ស្រុកបាណន់ ស្រុកគាស់ក្រឡ ស្រុកសង្កែ ស្រុកមោងឫស្សី លើភូមិសាស្ត្រឃុំផ្សេងៗគ្នាចំនួន ៥ ក្នុងនោះមានឃុំកន្ទី ១ ចំនួន ១៥៥០ ហិកតា ក្នុងស្រុកបាណន់ ឃុំធិបតី ១ ៧៥០ ហិកតា ក្នុងស្រុកគាស់ក្រឡ ឃុំរាំងកេសី ១៧០០ ហិកតា ក្នុងស្រុកសង្កែ ឃុំកកោះ ១០ ០០ ហិកតា ឃុំព្រៃតូច ១០០០ហិកតា ក្នុង ស្រុកមោងឫស្សី។
៤, ប្រព័ន្ធធារាសាស្ត្រ “បវេល” ឬ”ស្ទឹងមង្គលបូរី” ស្រោចស្របលើផ្ទៃដីសរុបចំនួន ១.៤០០ ហិកតា លើឃុំចំនួន ៤ ក្នុងនោះមាន ឃុំបវេល ៣៥០ហិកតា ឃុំបួវិល ៣៦០ហិកតា ឃុំល្វា ៣៥០ហិក តា និងឃុំខ្ពស់ ៣៤០ហិកតា ក្នុងស្រុកបវេល៕
អត្ថបទ៖ សៅ សារិទ្ធ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង