សន្តិសុខសង្គម

Update ៖ ករណីនារីម្នាក់ ធ្លាក់ពីលើអគារនៅខណ្ឌចំការមន

បានផុស

២ ខែ មុន

នៅ

ថ្ងៃចន្ទ ១៩ ឧសភា ២០២៥

ដោយ

នារីម្នាក់ សង្ស័យធ្លាក់ពីលើអគារដោយមិនទាន់ដឹងពីមូលហេតុ ចំនឹងកណ្ដាលផ្លូវចេញចូលអគារ បង្កឲ្យមានការភ្ញាក់ផ្អើលដល់សមត្ថកិច្ចមូលដ្ឋានចុះអន្តរាគមន៍ហ៊ុមព័ទ្ធខ្សែទីតាំងកន្លែងកើតហេតុធ្វើការស្រាវជ្រាវភ្លាមៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង ៣ និង ៤០ នាទីល្ងាច ថ្ងៃទី ១៨ ខែឧសភា ឆ្នាំ ២០២៥ ម្សិលមិញ ស្ថិតនៅផ្លូវលំ ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។

បើតាមប្រភពពីកន្លែងកើតហេតុបានឲ្យដឹងថា នៅម៉ោងកើតហេតុគេបានឃើញនារីម្នាក់ មានវ័យប្រហែលជាង ២០ ឆ្នាំ បានធ្លាក់ពីលើអគារ ដោយមិនដឹងជាន់ទីប៉ុន្មាននោះទេ ធ្លាក់ចុះមកក្រោម ភ្លាមៗ អ្នកនៅជិតកន្លែងកើតហេតុបានព្យាយាមទាក់ទងហៅរថយន្តសង្គ្រោះបន្ទាន់មកទទួលទៅសង្គ្រោះ តែជាអកុសលជនរងគ្រោះបានស្លាប់បាត់ទៅហើយ។ ជនរងគ្រោះជានារីខាងលើពាក់អាវយឺតពណ៌ខ្មៅ ខោក្រណាត់ពណ៌ខ្មៅ មានសាក់រូប តុក្កតា Kitty ពណ៌ក្រហម នៅកំភួនដៃខាងឆ្វេង បានស្លាប់នៅកណ្ដាលផ្លូវតែម្ដង។

ក្រោយពេលកើតហេតុសមត្ថកិច្ចមូលដ្ឋាន ប៉ុស្តិ៍ទន្លេបាសាក់ បានរាយការណ៍បន្តទៅកម្លាំងអធិការដ្ឋាននគរបាលខណ្ឌចំការមន ចុះអន្តរាគមន៍ និង ហ៊ុមព័ទ្ធជុំវិញកន្លែងកើតហេតុ ហើយបើកការស្រាវជ្រាវរកមូលហេតុផងដែរ៕

អត្ថបទ ៖ ម៉េង