ព័ត៌មានជាតិ
កម្ពុជាបានរកឃើញវីរុសកូវីដ-១៩ប្រភេទថ្មី ចំនួន៦ករណី
ឆ្លើយតបទៅនឹងសំណួរបស់ កម្ពុជាថ្មី នៅក្នុងសន្និសីទសារព័ត៌មាន ស្ដីពី “ការបំភ្លឺពីមន្ទីរពិសោធន៍លើបញ្ហាវីរុសកូវីដ-១៩” ដែលរៀបចំដោយ ក្រសួងសុខាភិបាល នៅថ្ងៃទី២៣ ខែកុម្ភ: ឆ្នាំ២០២១នេះ នាយកវិទ្យាស្ថានប៉ាស្ទ័រកម្ពុជា បង្ហាញថា កម្ពុជាបានរកឃើញប្រភេទវីរុសកូវីដ-១៩ប្រភេទថ្មី ៦ករណីហើយ ក្នុងនោះក៏មានពាក់ព័ន្ធការឆ្លងចូលសហគមន៍ “ព្រឹត្តិការណ៍ ២០ កុម្ភៈ” ផងដែរ។
លោកស្រីវេជ្ជបណ្ឌិត ឡូរ៉ង់ បារីល នាយកវិទ្យាស្ថានប៉ាស្ទ័រកម្ពុជា បានឆ្លើយតបទៅនឹងសំណួររបស់ កម្ពុជាថ្មី ដោយបានបង្ហាញថា ទាក់ទងទៅនឹងការពិនិត្យរកមេរោគកូវីដ-១៩ប្រភេទថ្មី គឺយើងមិនពិនិត្យរកគ្រប់សំណាកដែលមានលទ្ធផលវិជ្ជមានទាំងអស់នោះទេ។ យើងពិនិត្យរកប្រភេទវីរុសថ្មី តែលើសំណាកណាដែលមានវីរុសច្រើន យើងចង់ដឹងថា តើសំណាកដែលមានមេរោគច្រើនហ្នឹងវាជាប្រភេទមេរោគអ្វី។
លោកស្រីវេជ្ជបណ្ឌិត ឡូរ៉ង់ បារីល មានប្រសាសន៍ថា៖ “ក្នុងចំណោមមេរោគថ្មីហ្នឹង វាមានចំនួន៦ករណី ហើយក្នុងនោះ៣ករណីមកពីព្រះរាជាណាចក្រអង់គ្លេស និង៣ករណីទៀត គឺពាក់ព័ន្ធនឹងការឆ្លងក្នុងសហគមន៍ “ព្រឹត្តិការណ៍ ២០ កុម្ភៈ” នេះ។
លោកស្រីវេជ្ជបណ្ឌិត ឡូរ៉ង់ បារីល មានប្រសាសន៍បន្តថា៖ “នាងខ្ញុំចង់បញ្ជាក់ថា វិទ្យាស្ថានប៉ាស្ទ័រ មានសមត្ថភាពពិនិត្យរកមើលគ្រប់ប្រភេទវីរុសថ្មីទាំងអស់នៅក្នុងពិភពលោក ប៉ុន្តែកន្លងមកនេះ អ្វីដែលយើងបានរកឃើញវីរុសនៅប្រទេសកម្ពុជា យើងទើបតែរកឃើញវីរុសដែលមានប្រភពពីអង់គ្លេសហ្នឹងទេ”។
គួរឱ្យដឹងដែរថា គិតដល់ព្រឹកថ្ងៃទី២២ ខែកុម្ភៈ ឆ្នាំ២០២១នេះ កម្ពុជាបានរកឃើញអ្នកឆ្លងកូវីដ-១៩ ពាក់ព័ន្ធការឆ្លងចូលសហគមន៍លើកទី៣ “ព្រឹត្តិការណ៍ ២០ កុម្ភៈ” សរុបចំនួន ៩៩នាក់ ក្នុងនោះទើបរកឃើញថ្មី២៣នាក់។
ដូចនេះកម្ពុជាមានអ្នកជំងឺកូវីដ-១៩ សរុបទាំងអស់ចំនួន៥៩៣នាក់ ដោយក្នុងនោះ មានអ្នកជាសះស្បើយចំនួន ៤៧៧នាក់ និងអ្នកកំពុងសម្រាកព្យាបាលនៅមន្ទីរពេទ្យចំនួន ១១៦នាក់៕
អត្ថបទ៖ ច័ន្ទ វីរៈ
សូមអានព័ត៌មានពាក់ព័ន្ធ៖ WHO បង្ហាញឈ្មោះវ៉ាក់សាំងកូវីដ-១៩ បានប្រកាសប្រើក្នុងគ្រាអាសន្ន
WHOប្រចាំកម្ពុជាបង្ហាញប្រភពមេរោគកូវីដ-១៩ថ្មី កំពុងឆ្លងជាង១០០ប្រទេស
-
ព័ត៌មានអន្ដរជាតិ៣ ថ្ងៃ ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
KPT+២ ថ្ងៃ ago
ខ្លះៗពីទិវាកុហក ១ មេសា ឬ April Fools’ Day
-
ព័ត៌មានជាតិ៣ ថ្ងៃ ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានជាតិ៣ ថ្ងៃ ago
ក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល
-
ចរាចរណ៍៥ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានអន្ដរជាតិ២ ថ្ងៃ ago
អ៊ីស្រាអែល វាយប្រហារកម្ទេចស្ថានកុងស៊ុលអ៊ីរ៉ង់ សម្លាប់ទាំងមេទ័ពកំពូល
-
ព័ត៌មានអន្ដរជាតិ១ សប្តាហ៍ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore
-
ព័ត៌មានជាតិ១ សប្តាហ៍ ago
ផ្លូវប្របមាត់ព្រែកពីគល់ស្ពានថ្មីដល់ស្ពានចាស់ រួមជាមួយសួនកម្សាន្ត និងលេចរូបរាងឆាប់ៗក្នុងខេត្តកំពត