WHO បង្ហាញឈ្មោះវ៉ាក់សាំងកូវីដ-១៩ បានប្រកាសប្រើក្នុងគ្រាអាសន្ន
Connect with us
Helistar Cambodia - Helicopter Charter Services

ព័ត៌មានជាតិ

WHO បង្ហាញឈ្មោះវ៉ាក់សាំងកូវីដ-១៩ បានប្រកាសប្រើក្នុងគ្រាអាសន្ន

បានផុស

នៅ

ឆ្លើយតបទៅនឹងសំណួរបស់ កម្ពុជាថ្មី នៅក្នុងសន្និសីទសារព័ត៌មាន ស្ដីពី “ការបំភ្លឺពីមន្ទីរពិសោធន៍លើបញ្ហាវីរុសកូវីដ-១៩”  ដែលរៀបចំដោយ ក្រសួងសុខាភិបាល នៅថ្ងៃទី២៣ ខែកុម្ភ: ឆ្នាំ២០២១នេះ តំណាងអង្គការសុខភាពពិភពលោកប្រចាំនៅកម្ពុជា បានបង្ហាញឈ្មោះវ៉ាក់សាំង ដែលអង្គការសុខភាពពិភពលោក (WHO) បានអនុញ្ញាតឱ្យប្រើប្រាស់គ្រាមានអាសន្នក្នុងវិបត្តិកូវីដ-១៩។

លោកស្រីវេជ្ជបណ្ឌិត លី អាយលែន តំណាងអង្គការសុខភាពពិភពលោក (WHO) ប្រចាំនៅកម្ពុជា បានឆ្លើយតបទៅនឹងសំណួររបស់ កម្ពុជាថ្មី ដោយមានប្រសាសន៍បង្ហាញថា បច្ចុប្បន្នមានបេក្ខភាពវ៉ាក់សាំងជាច្រើនដែលកំពុងស្ថិតក្នុងការផលិត ចំណែកវ៉ាក់សាំងដែលស្ថិតក្នុងបញ្ជីប្រើប្រាស់ពេលអាសន្ន ឬបន្ទាន់នេះ ដោយមកដល់ថ្ងៃទី១៥ កុម្ភៈនេះ មានចំនួន១៥វ៉ាក់សាំងហើយ។

លោកស្រីវេជ្ជបណ្ឌិត លី អាយលែន មានប្រសាសន៍ថា៖ “WHO បានអនុញ្ញាតឱ្យប្រើប្រាស់វ៉ាក់សាំងក្នុងគ្រាអាសន្នចំនួន៣ហើយ។ សម្រាប់ការអនុញ្ញាតិឱ្យប្រើប្រាស់ក្នុងគ្រាអាសន្ននេះ ទី១​ គឺកាលពីថ្ងៃទី៣១ ធ្នូ ២០២០ អង្គការសុខភាពពិភពលោក បានអនុញ្ញាតវ៉ាក់សាំង Pfizer បន្ទាប់មកទៀតនៅថ្ងៃទី១៥ ខែកុម្ភៈនេះ WHO បានអនុញ្ញាតវ៉ាក់សាំងចំនួន២ទៀត ឈ្មោះតែមួយទេគឺ Astrazeneca មួយមកពីកូរ៉េខាងត្បូង និងមួយទៀតផលិតនៅប្រទេសឥណ្ឌា”។

តំណាងអង្គការសុខភាពពិភពលោក (WHO) ប្រចាំនៅកម្ពុជារូបនេះ បញ្ជាក់បន្ថែមថា៖ “ក៏មានបេក្ខភាពវ៉ាក់សាំងផ្សេងៗទៀតដែលស្ថិតក្នុងដំណាក់កាលចុងក្រោយហើយ ក្រោមការវាយតម្លៃរបស់WHO រួមទាំងវ៉ាក់សាំងពីប្រទេសចិនគឺ Sinopharm​ និង Sinovac។ ហើយក្នុងពេលឆាប់ៗខាងមុននេះ កម្ពុជានឹងទទួលបានវ៉ាក់សាំងពីWHO តាមរយៈយន្តការសម្របសម្រួលពីWHO គឺវ៉ាក់សាំង Astrazeneca”។

គួររំលឹកថា ក្នុងខែកុម្ភៈ​ ឆ្នាំ២០២១ ក្រសួងសុខាភិបាលនៃព្រះរាជាណាចក្រកម្ពុជា បានអនុញ្ញាតឱ្យប្រើប្រាស់នូវវ៉ាក់សាំងកូវីដ១៩ ចំនួន៣ មានឈ្មោះដូចជា Sinopharm COVID-19 និង Sinovac’s COVID-19 ដែលផលិតដោយសាធារណរដ្ឋប្រជាមានិតចិន និងវ៉ាក់សាំង AstraZeneca’s COVID-19 ដែលបានប្រើប្រាស់ប្រកបដោយសុវត្ថិភាពនៅក្នុងប្រទេសចិន និងចក្រភពអង់គ្លេស ព្រមទាំងបណ្ដាប្រទេសមួយចំនួន ក្នុងលក្ខខណ្ឌនៃការប្រើប្រាស់ជាបន្ទាន់ (Emergency Use Authorization)៕

អត្ថបទ៖ ច័ន្ទ វីរៈ

សូមអានព័ត៌មានពាក់ព័ន្ធ៖

WHOប្រចាំកម្ពុជាបង្ហាញប្រភពមេរោគកូវីដ-១៩ថ្មី កំពុងឆ្លងជាង១០០ប្រទេស

ហេតុផលតំណាង WHO ប្រចាំនៅកម្ពុជា និង នាយិកាវិទ្យាស្ថានប៉ាស្ទ័រកម្ពុជាមិនទាន់ចាក់វ៉ាក់សាំងកូវីដ-១៩

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៦ នាទី មុន

ក្តី​សង្ឃឹម​សម្រាប់​ប្រទេស​ក្រី​ក្រ​​ WHO រៀប​គម្រោង​ទិញ​ថ្នាំ​ Molnupiravir​ តម្លៃ​តែ​១០​ដុល្លារ​ក្នុង​១សិត

ព័ត៌មានជាតិ១០ នាទី មុន

ដើរល្បាតតាមព្រំដែន​ ប្រទះការ៉ុង​សង្ស័យ​​ បើក​មើល​សុទ្ធ​តែ​បង់​គ្រាប់​កំាភ្លើង

ព័ត៌មានជាតិ៤២ នាទី មុន

លោកស្រី ឱ វណ្ណឌីន ណែនាំឱ្យស្រង់ចំនួនតាមផ្ទះ នូវអ្នកមិនទាន់ចាក់វ៉ាក់សាំងកូវីដ-១៩

ព័ត៌មានជាតិ១០ ម៉ោង មុន

​មន្ត្រីជាន់ខ្ពស់​ក្រសួងព័ត៌មាន​ឆ្លើយ​បំភ្លឺ​ពាក់ព័ន្ធ​ករណី​ឃ្លាំ​មើល​ប្រចាំ​ត្រី​មាស​ជាលើក​ដំបូង​របស់ខ្លួន​ស្តី​ពីស្ថានភាព​អ្នកសារព័ត៌មាន​នៅកម្ពុជា

ព័ត៌មានជាតិ១០ ម៉ោង មុន

កម្មករ​សំណង់​ម្នាក់ទៀត​ បាន​ពុល​ស្រាថ្នាំ​សញ្ញា​ទំពាំង​បាយជូ​បណ្តាល​ឲ្យ​ស្លាប់

Sokha Hotels

ព័ត៌មានពេញនិយម

Helistar Cambodia - Helicopter Charter Services