WHOប្រចាំកម្ពុជាបង្ហាញប្រភពមេរោគកូវីដ-១៩ថ្មី កំពុងឆ្លងជាង១០០ប្រទេស
Connect with us
Helistar Cambodia - Helicopter Charter Services

ព័ត៌មានជាតិ

WHOប្រចាំកម្ពុជាបង្ហាញប្រភពមេរោគកូវីដ-១៩ថ្មី កំពុងឆ្លងជាង១០០ប្រទេស

Published

on

ឆ្លើយតបទៅនឹងសំណួរបស់ កម្ពុជាថ្មី នៅក្នុងសន្និសីទសារព័ត៌មាន ស្ដីពី “ការបំភ្លឺពីមន្ទីរពិសោធន៍លើបញ្ហាវីរុសកូវីដ-១៩”  ដែលរៀបចំដោយ ក្រសួងសុខាភិបាល នៅថ្ងៃទី២៣ ខែកុម្ភ: ឆ្នាំ២០២១នេះ តំណាងអង្គការសុខភាពពិភពលោកប្រចាំនៅកម្ពុជា បានបង្ហាញរបកគំហើញប្រភពមេរោគកូវីដ-១៩ថ្មី ចេញពី៣ប្រទេស ដែលកំពុងចម្លងប្រជាជនជាង១០០ប្រទេសលើសកលលោក។

លោកស្រីវេជ្ជបណ្ឌិត លី អាយលែន តំណាងអង្គការសុខភាពពិភពលោកប្រចាំនៅកម្ពុជា បានឆ្លើយតបទៅនឹងសំណួររបស់ កម្ពុជាថ្មី ដោយមានប្រសាសន៍បង្ហាញថា លក្ខណៈធម្មជាតិរបស់វីរុស ក៏ដូចជាកូវីដ-១៩ គឺវាមានការបំប្លែងពីមួយដំណាក់កាល ទៅមួយដំណាក់កាល។

លោកស្រីវេជ្ជបណ្ឌិត លី អាយលែន មានប្រសាសន៍ថា៖ “យើងបានរកឃើញវីរុសថ្មីចំនួន៣ដែលគួរឱ្យចាប់អារម្មណ៍ និងព្រួយបារម្ភ ដែលប្រភេទ វីរុសទី១ ត្រូវបានរកឃើញនៅព្រះរាជណាចក្រអង់គ្លេស វីរុសនេះមានលទ្ធភាពចម្លងពីមនុស្សម្នាក់ទៅមនុស្សម្នាក់មានលក្ខណៈខ្ពស់ជាងវីរុសផ្សេងៗ ហើយវីរុសនេះបានចម្លងនៅ៨៦ប្រទេសលើសាលកលោក”។

លោកស្រីវេជ្ជបណ្ឌិត លី អាយលែន មានប្រសាសន៍បន្តថា៖ “វីរុសទី២ ត្រូវបានរកឃើញនៅប្រទេសអាហ្វ្រិចខាងត្បូង ហើយវីរុសប្រភេទនេះត្រូវបានរាយការណ៍ថា បានចម្លងនៅ៤២ប្រទេសលើសកលលោក ចំណែកវីរុសទី៣នេះ ត្រូវបានរកឃើញនៅប្រទេសប្រេស៊ីល ហើយបានចម្លងនៅ១៥ប្រទេសនៅលើពិភពលោក”។

គួរបញ្ជាក់ថា ចាប់តាំងពីការផ្ទុះនូវការរកឃើញមេរោគកម្ពុជាជាដំបូង តាំងពីថ្ងៃ២៧ ខែមករា ឆ្នាំ២០២០ មកដល់ ទី២២ ខែកុម្ភៈម្សិលមិញនេះ កម្ពុជាបានរកឃើញអ្នកឆ្លងជំងឺកូវីដ-១៩ សរុបចំនួន៥៩៣នាក់ ក្នុងនោះ មាន ៦ករណី ដែលមានផ្ទុកមេរោគកូវីដ១៩ ប្រភេទថ្មី៕

អត្ថបទ៖ ច័ន្ទ វីរៈ

សូមអានព័ត៌មានពាក់ព័ន្ធ៖ កម្ពុជាបានរកឃើញវីរុសកូវីដ-១៩ប្រភេទថ្មី ចំនួន៦ករណី

ហេតុផលតំណាង WHO ប្រចាំនៅកម្ពុជា និង នាយិកាវិទ្យាស្ថានប៉ាស្ទ័រកម្ពុជាមិនទាន់ចាក់វ៉ាក់សាំងកូវីដ-១៩

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services