ព័ត៌មានជាតិ

អ្នកប្រកបរបរសេដ្ឋកិច្ចក្រៅប្រព័ន្ធ សម្ដែងក្ដីរីករាយចំពោះជំនួបលើកទី ២ ជាមួយ សម្ដេចធិបតី នាថ្ងៃទី ២៧ មេសា ខាងមុខ

បានផុស

១ year មុន

នៅ

ថ្ងៃសុក្រ ២៥ មេសា ២០២៥

ដោយ

អ្នកប្រកបរបរសេដ្ឋកិច្ចក្រៅប្រព័ន្ធ បានសម្ដែងក្ដីរីករាយចំពោះជំនួបលើកទី ២ ជាមួយ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា នៅថ្ងៃទី ២៧ ខែមេសា ឆ្នាំ ២០២៥ ខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពួកគាត់បានលើកឡើងថា ក្រោមគោលនយោបាយ និងការគិតគូរយកចិត្តទុកដាក់របស់ប្រមុខរាជរដ្ឋាភិបាលកម្ពុជា តាំងពីអាណត្តិ សម្តេចអគ្គមហាសេនាបតីតេជោ ហ៊ុន សែន បន្តដល់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីបច្ចុប្បន្ន ថ្នាក់ដឹកនាំ តែងតែបាននៅកៀកជាមួយអ្នកសេដ្ឋកិច្ចក្រៅប្រព័ន្ធ ដែលធ្វើឱ្យពួកគាត់មានភាពកក់ក្តៅ និងធ្វើឱ្យជីវភាពកាន់តែរីកចម្រើន។

ពួកគាត់បន្តលើកឡើងទៀតថា នេះដោយសារកត្តាសុខសន្តិភាព ទើបប្រទេសមានការអភិវឌ្ឍ និងរីកចម្រើនទៅមុខជារៀងរហូត។ ពួកគាត់សង្កត់ធ្ងន់ថា កត្តាសន្តិភាព មិនមែនកើតឡើងដោយចៃដន្យនោះទេ គឺកើតឡើងដោយការគិតគូរយ៉ាងច្បាស់លាស់ពិតប្រាកដ ក្រោមការដឹកនាំរបស់ សម្ដេចតេជោ ហ៊ុន សែន អតីតនាយករដ្ឋមន្ត្រី។

គួរបញ្ជាក់ថា នៅក្នុងអាណត្តិរាជរដ្ឋាភិបាល នីតិកាលទី ៧ នេះ ប្រមុខថ្នាក់ដឹកនាំ នៃកម្ពុជា បានរៀបចំជំនួប ១ លើក កន្លងមកហើយ ជាមួយអ្នកប្រកបរបរសេដ្ឋកិច្ចក្រៅប្រព័ន្ធ កាលពីពាក់កណ្ដាលខែធ្នូ ឆ្នាំ ២០២៤ ហើយជំនួបនៅថ្ងៃទី ២៧ ខែមេសា ឆ្នាំ ២០២៥ ខាងមុខនេះ គឺជាជំនួបលើកទី ២ ដើម្បីបង្ហាញភាពស្និទ្ធស្នាលរបស់ថ្នាក់ដឹកនាំជាមួយប្រជាពលរដ្ឋ៕

អត្ថបទ ៖ សុភា