សន្តិសុខសង្គម

សមត្ថកិច្ចសម្រេចឃាត់ខ្លួនស្ត្រីជាម្ដាយចិញ្ចឹម ដែលប្រើហិង្សាលើក្មេងស្រីអាយុ៩ឆ្នាំបញ្ជូនទៅតុលាការ

បានផុស

៤ years មុន

នៅ

ថ្ងៃចន្ទ ១៥ វិច្ឆិកា ២០២១

ដោយ

ស្ត្រីចិត្តឃោឃៅលើកូនចិញ្ចឹមម្នាក់បញ្ជូនខ្លួនដល់ដៃតុលាការហើយក្រោយអង្កេតឃើញថាបានប្រើហិង្សាទៅលើក្មេងស្រីជាកូនចិញ្ចឹមយ៉ាងធ្ងន់ធ្ងរកន្លងមក

សមត្ថកិច្ចសម្រេចឃាត់ខ្លួនស្ត្រីជាម្តាយចិញ្ចឹមកុម៉ារីរងគ្រោះដើម្បីកសាងសំណុំរឿងបញ្ជូនទៅតុលាការចាត់ការផ្លូវច្បាប់ លើករណីប្រើហិង្សាលើកូនស្រីចិញ្ចឹមដែលបច្ចុប្បន្នមានអាយុ០៩ឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចឲ្យដឹងថា ការឃាត់និងបញ្ជូនខ្លួនស្ត្រីរូបនេះក្រោយលោក កែវ សុជាតិ ព្រះរាជអាជ្ញានៃអយ្យការអមសាលាដំបូងខេត្ត បញ្ជាឲ្យបើកការស៊ើបអង្កេតលើករណីនេះ កាលពីថ្ងៃទី១២ ខែវិច្ឆិកាកន្លងទៅថ្មីៗនេះ។

ការឃាត់ខ្លួនស្ត្រីខាងលើនេះ ក្រោយបែកធ្លាយប្រើអំពើហិង្សាទៅលើរាងកាយកូនស្រីចិញ្ចឹមជាច្រើនឆ្នាំរហូតមកដល់ពេលនេះត្រូវបានសមត្ថកិច្ចឃាត់ខ្លួនកសាងសំណុំរឿងបញ្ជូនទៅតុលាការកាលពីរសៀលថ្ងៃទី១៣ ខែវិច្ឆិកា ឆ្នាំ២០២១ពីបទអំពើហិង្សាក្នុងគ្រួសារដោយចេតនាមានស្ថានទម្ងន់ទោសទាក់ទងទៅនឹងជនរងគ្រោះ។

មន្ត្រីការិយាល័យប្រឆាំងការជួញដូរមនុស្សនិងការពារអនិតិជននៃស្នងការដ្ឋាននគរបាលខេត្តបាត់ដំបងបានអោយដឹងថា សំណុំរឿងស្ត្រីជាជនសង្ស័យខាងលើពាក់ព័ន្ធករណីប្រើអំពើហិង្សាក្នុងគ្រួសារបានកើតឡើងតាំងពីអំឡុងខែធ្នូ ឆ្នាំ២០២០ នៅចំណុចក្រុមទី១២ ភូមិវត្តគរ សង្កាត់វត្តគរ ក្រុងបាត់ដំបង នេះបើយោងតាមការបំភ្លឺពីសាក្សីជាអ្នកជិតខាងជាច្រើននាក់។ ស្ត្រីជាជនសង្ស័យមានឈ្មោះ អ៊ឹង សុគុណធី ភេទស្រីអាយុ៥៧ឆ្នាំ(ជាម្តាយចិញ្ចឹមរបស់កុមារីជាជនរងព្រោះ)មានទីលំនៅជាមួយគ្នាក្នុងចំណុចកើតហេតុខាងលើ។