សន្តិសុខសង្គម
អគ្គិភ័យឆេះកាស៊ីណូនៅប៉ោយប៉ែតបានរលត់អស់ទាំងស្រុងហើយ អ្នកស្លាប់កើនដល់ទៅចំនួន២៧នាក់ បន្តបាត់ខ្លួន១៥ នាក់ របួសជាង១០០នាក់
បន្ទាយមានជ័យ ៖ អគ្គិភ័យឆេះកាស៊ីណូនៅប៉ោយប៉ែត តាំងពីម៉ោងជាង១១យប់ថ្ងៃទី២៨ ខែធ្នូ ឆ្នាំ ២០២២ កន្លងមករហូតដល់ថ្ងៃទី ៣០ ល្ងាចខែ ធ្នូ ឆ្នាំ ២០២២ បានរលត់អស់ទាំងស្រុងហើយ ក្រុមការងារកំពុងរុករកសង្គ្រោះបន្តក្នុងនោះមានសមាសភាគីថៃ និង ភាគីខ្មែរ រុករកជាមួយគ្នា រហូតដល់វេលាម៉ោង ៤ល្ងាច អ្នកស្លាប់បានកើនឡើងដល់ទៅចំនួន២៧នាក់ភាគច្រើនជាជនជាតិថៃហើយ នៅបាត់ខ្លួន១៥ នាក់បន្តទៀត ចំណែកអ្នករបួសជាង១០០នាក់ សមាសភាគីថៃ បានដឹកអ្នករបួសយកទៅសង្គ្រោះនៅប្រទេសថៃអស់ហើយដែរ កាស៊ីណូដាយមេនរីសត Royal G Clubឬ Grand Diamond City និងកាស៊ីណូ Casino Poipet Resortនេះមាន ជាង ៣០០បន្ទប់ និងកន្លែងរាប់រយផ្សេងទៀត ទើបក្រុមការងាររុករកសពពិបាកហើយយូរ។
លោកអ៊ុំ រាត្រី អភិបាលខេត្តបន្ទាយមានជ័យបានប្រាប់អ្នកយកព័ត៌មានឲ្យដឹងថា អគ្គិភ័យបានរលត់ទាំងស្រុងកាលពីម៉ោង៤ទៀបភ្លឺ ថ្ងៃទី៣០ ខែនេះ បន្ទាប់ពីវាបានឆេះ តាំងពីម៉ោងជាង១១យប់ ថ្ងៃទី២៨ ខែធ្នូឆ្នាំ២០២២ កន្លងមក ហើយការងារសង្គ្រោះនិងគ្រប់គ្រង់ស្ថានការណ៍បន្តរុករក ផ្ទៀងផ្ទាត់ជនរងគ្រោះស្លាប់ របួស មិនរបួសនិង បាត់ខ្លួន។
ក្នុងនោះក៏បានសហការជាមួយផ្នែកពាក់ព័ន្ធពិនិត្យ ដោះស្រាយរុះរើ កាត់ផ្តាច់កាយ រំលំនិងដឹកកាកសំណល់សំណង់អគារចេញ រថយន្តពន្លត់អគ្គិភ័យ របស់នគរបាលខេត្តបន្ទាយមានជ័យ និង ស្រុក ក្រុង និងរបស់ក្រុមហ៊ុនកាស៊ីណូនានា និងរបស់សមាគមខ្មែរ-ចិនជិត៣០គ្រឿងបានដកចេញបណ្តើរៗផងដែរ។
លោកអ៊ុំ រាត្រី បានបញ្ជាក់ឲ្យដឹងបន្តទៀតថា តួលេខនៃទំហំខូចខាត នៅវាយតម្លៃ មិនទាន់បានទេ រីឯ ចំនួនជនរងគ្រោះជាផ្លូវការ អ្នកបាត់បង់ជីវិតយោងប្រភពពីអាជ្ញាធរមានសមត្ថកិច្ចផ្សេងទៀតបង្ហាញថា មកទល់ថ្ងៃត្រង់ទី៣០ខែធ្នូនេះ ជនរងគ្រោះបានស្លាប់កើនដល់មាន២៧នាក់ ក្នុងនោះភាគច្រើនជាជនជាតិថៃ ចិន ម្នាក់ នេប៉ាល់ម្នាក់ និងអឺរ៉ុប១នាក់ របួសមានចំនួន ១០៨នាក់ សង្គ្រោះមនុស្សពីក្នុងកាស៊ីណូមាន១០០នាក់។
គួរបញ្ជាក់ផងដែរថា ក្នុងការជួយសង្គ្រោះនោះ ខាងភាគថៃបានប្រើប្រាស់រថយន្តជំនួយសង្គ្រោះចំនួន១៨ គ្រឿង(ពន្លត់អគ្គិភ័យ រថយន្តបច្ចេកទេស) និងរថយន្តសង្គ្រោះ(គិលានសង្គ្រោះឬឡានពេទ្យនិងរថយន្តដឹកសព)ចំនួន ៤០ គ្រឿង ។ កម្លាំងចម្រុះរបស់អាជ្ញាធរខ្មែរ មានសមត្ថកិច្ចខេត្តបន្ទាយមានជ័យ មាន ស្នងការដ្ឋាននគរបាល កងរាជអាវុធហត្ថ ភូមិភាគ៥ ទិសបន្ទាយមានជ័យ និងយោធាខេត្ត យោធាកងពលលេខ៥១ របស់គណៈកម្មាធិការជាតិគ្រប់គ្រងគ្រោះមហន្ដរាយ សហការជាមួយកងប្រតិបត្តិការរុករក និងសង្គ្រោះ ៧១១ នៃកងពលតូចលេខ៧០ ព្រមទាំងមានការចូលរួមសហប្រតិបត្តិការពីកងកម្លាំងសមត្ថកិច្ចចម្រុះយ៉ាងច្រើនរបស់ថៃពីខេត្តស្រះកែវ ខេត្តនានានិងពីថ្នាក់ជាតិដែលមានមធ្យោបាយ សម្ភារ:ឧបករណ៍ បច្ចេកទេសសមស្របផងដែរ។
សូមរំលឹកថា អគ្គិភ័យនៅកាស៊ីណូដាយមេនរីសត Royal G Clubឬ Grand Diamond City និងកាស៊ីណូ Casino Poipet Resort នៅក្រុងប៉ោយប៉ែត ភ្លើងឆាបឆេះកើតឡើងនៅវេលា ម៉ោងជាង១១យប់ថ្ងៃទី ២៨ខែធ្នូ ឆ្នាំ២០២២ មានទីតាំងស្ថិតនៅក្នុងកណ្តាលតំបន់ច្រកទ្វារព្រំដែនអន្តរជាតិប៉ោយប៉ែត នាភូមិក្បាលស្ពាន១ និងភូមិប៉ោយប៉ែត សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ៕
ដោយ ៖ វ៉ាន់ ណាង
អ្នកចិញ្ចឹមត្រីនៅកម្ពុជាស្នើរដ្ឋាភិបាលចាត់វិធានការនាំចូលត្រីពីប្រទេសជិតខាង ដើម្បីជួយគាំទ្រការចិញ្ចឹមត្រីក្នុងស្រុក
ផ្ទះទេវតាមួយខ្នង ជាអំណោយសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ត្រូវបានលោកជំទាវ ហ៊ុន ម៉ាណា ប្រគល់ជូនប្រជាពលរដ្ឋនៅខេត្តកំពង់ចាម
វឌ្ឍនភាពទំនប់អូរតេធិបតី ៖ ក្រោយដាក់សម្ពោធ អាជ្ញាធរត្រៀមតបណ្តាញផ្គត់ផ្គង់ទឹកស្អាតជូនពលរដ្ឋក្នុងខេត្តមណ្ឌលគិរី
មាស ម៉ើ ប្រសិនបើមានការឧបត្ថម្ភណាមួយលោកនឹងបន្តបើកក្លឹបមហិទ្ធិឬទ្ធិគុនខ្មែរ
អាស៊ានឯកភាពមិនទទួលយកការបោះឆ្នោតនៅមីយ៉ាន់ម៉ាគ្រោងធ្វើចុងឆ្នាំនេះ
ព្យុះទី៣ និងទី៤ អស់ឥទ្ធិពល តែកម្ពុជានៅតែមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់
ត្រឡប់មកពីក្រៅប្រទេសភ្លាម លោកឧកញ៉ា ហ៊ួត ជា នាំយកសម្ភារៈសំណង់ទៅជួយកញ្ញា ពេជ្រ ចរណៃ ភ្លាម និងទទួលធ្វើជា BA ថ្នាំលាប MC PAINT ថែមទៀត
ភ្នាក់ងារចារកម្មជាន់ខ្ពស់អ៊ុយក្រែន ត្រូវបានគេបាញ់សម្លាប់នៅរដ្ឋធានីកៀវ
ជំនន់ទឹកភ្លៀងអូរព្រំដែនកម្ពុជា ថៃ បានលិចច្រោះក្បាលស្ពាន និងផ្លូវវាងក្នុងស្រុកសំឡូត
អានុទីន មានប្រវត្តិសិក្សា មុខជំនួញ និង នយោបាយ មិនធម្មតា នៅមុនកើតជម្លោះក្ដៅគគុកជាមួយ ផែថងថាន
-
ព័ត៌មានអន្ដរជាតិ១ សប្តាហ៍ agoGoogle នឹងមិនប្តូរផែនទីនៅលើកម្មវិធី Maps តាមសំណើរបស់ថៃ ឡើយ
-
សេចក្ដីជូនដំណឹង១ សប្តាហ៍ agoអ្នកឧកញ៉ា ឡេង ណាវ៉ាត្រា ចាត់ក្រុមការងារសហព័ន្ធយុវជនបូជាការពារយុត្តិធម៌ ទាំងយប់ចុះជួបវីរកងទ័ពកម្ពុជាដ៏អង់អាចក្លាហាន ដេញកងទ័ពថៃឈ្លានពាន ចេញនៅចំណុចភ្នំខ្មោច
-
ព័ត៌មានជាតិ១ ថ្ងៃ agoរុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
-
ព័ត៌មានជាតិ២ ថ្ងៃ agoសមត្ថកិច្ចចាប់ខ្លួនបុគ្គលក្លែងរូបភាព AI ដើម្បីឆបោក និងប្រមូលលុយតាមបណ្តាញសង្គម
-
ព័ត៌មានជាតិ១ សប្តាហ៍ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៣ ឈ្មោះ មូន(Mun)
-
ព័ត៌មានជាតិ១៦ ម៉ោង agoព្យុះទី៣ និងទី៤ អស់ឥទ្ធិពល តែកម្ពុជានៅតែមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់
-
ព័ត៌មានអន្ដរជាតិ៣ ថ្ងៃ agoកាសែតថៃ៖ ឧកញ៉ាកុកអានប្រឈមការចាប់ខ្លួននៅថៃ ក្រោយសមត្ថកិច្ចបង្ក្រាបបទល្មើសអនឡាញ១៩ទីតាំងមានជាប់ពាក់ព័ន្ធ
-
សេដ្ឋកិច្ច២ ថ្ងៃ agoបណ្តាពាណិជ្ជករថៃបង្វែរទិសនាំចូលទំនិញមកកម្ពុជាតាមផ្លូវទឹក ក្រោយការបិទច្រកទ្វារព្រំដែនគោក