កីឡា
កុំភ្លេចគាំទ្រ! យប់នេះ កម្ពុជាត្រូវការឈ្នះឥណ្ឌូណេស៊ីដើម្បីបន្តក្តីសង្ឃឹម
បន្ទាប់ពីចាញ់ម៉ាឡេស៊ីក្នុងថ្ងៃបើកឆាកពូល B ពានរង្វាន់ AFF Championship ឆ្នាំ២០២០ កាលពីថ្ងៃទី៦ ខែធ្នូ កម្ពុជាត្រូវការឈ្នះដើម្បីបន្តក្តីសង្ឃឹមទៅវគ្គបន្តនៅពេលត្រូវប្រកួតវគ្គសន្សំពិន្ទុលើកទី២ជាមួយក្រុមជម្រើសជាតិឥណ្ឌូណេស៊ីវេលាម៉ោង៧:៣០នាទីយប់នេះ។
កាលប្រកួតបើកឆាក កម្ពុជាបានចាញ់ម៉ាឡេស៊ីដោយលទ្ធផល ៣-១ ខណៈជម្រើសជាតិឥណ្ឌូណេស៊ីយប់នេះជាការប្រកួតលើកដំបូងរបស់ខ្លួន ដូច្នេះឥណ្ឌូណេស៊ីមានកម្លាំងពេញល្អជាង ពីព្រោះកម្ពុជាទើបសម្រាកបាន៣ថ្ងៃប៉ុណ្ណោះ។
ក្រុមឥណ្ឌូណេស៊ីជាក្រុមខ្លាំងមួយប្រជែងកៅអីវគ្គពាក់កណ្តាលផ្តាច់ព្រ័ត្រដែរនៅក្នុងពូល B ។ ក្រុមនេះមានកីឡាករសំខាន់មួយចំនួនដែលលេងនៅតំបន់អឺរ៉ុប។ ជាក់ស្តែងកីឡាករវ័យក្មេង Elgan Bagot ជាខ្សែការពារវ័យក្មេងលេងនៅក្លឹបអង់គ្លេស Ipswich Town។ រូបគេទទួលបានការចាប់អារម្មណ៍ពីក្លឹបធំៗដូចជា Manchester United, Everton និង West Ham ក្នុងឆ្នាំនេះ ប៉ុន្តែសម្រេចបន្តកុងត្តាជាមួយក្លឹប Ipswich។
ជាមួយគ្នានេះ ខ្សែបម្រើពេញដោយទេពកោសល្យវ័យក្មេង Witan Sulaeman ដែលកំពុងលេងនៅក្លឹប Lechia Gdansk ប្រទេសប៉ូឡូញក៏ជាតួសំខាន់ដែលអាចនឹងបង្កគ្រោះថ្នាក់ដល់កម្ពុជាដែរ។
កម្ពុជាគ្មានសមាជិកលេងក្រៅប្រទេសឡើយ និងដាក់បញ្ចូលកីឡាករវ័យក្មេងច្រើនដូចជា លឹម ពិសុទ្ធ, សៀង ចន្ធា, ញាណ សុស៊ីដាន និង ប្រាក់ ធីវ៉ា ជាដើម។ ការដាក់យុវជនច្រើននេះគឺដើម្បីផ្តោតលើកីឡាស៊ីហ្គេមទាំងនៅប្រទេសវៀតណាម និងឆ្នាំ២០២៣នៅកម្ពុជា។ ជាមួយគ្នានេះ ក៏មានរៀមច្បងជាកម្លាំងស្នួល គួច សុកុម្ភៈ, ចាន់ វឌ្ឍនាកា, កែវ សុខផេង និង អ៊ន ចាន់ប៉ូលីនជាដើម។
ប្រវត្តិជួបគ្នារវាងកម្ពុជា និងឥណ្ឌូណេស៊ី ក្នុងពានរង្វាន់ AFF Cup នេះ កម្ពុជាមិនដែលមានប្រវត្តិឈ្នះឡើយក្នុងចំណោមជួបគ្នា៤លើក ហើយនៅឆ្នាំ២០០៤ កម្ពុជាចាញ់ឥណ្ឌូណេស៊ីធ្ងន់បំផុតរហូតដល់២-៨។
ប្រវត្តិជួបគ្នាក្នុងពានរង្វាន់ AFF Cup នេះ
- ឆ្នាំ១៩៩៦៖ ឥណ្ឌូណេស៊ី ៣-០ កម្ពុជា
- ឆ្នាំ២០០២៖ កម្ពុជា ២-៤ ឥណ្ឌូណេស៊ី
- ឆ្នាំ២០០៤៖ ឥណ្ឌូណេស៊ី ៨-២ កម្ពុជា
- ឆ្នាំ២០០៨៖ កម្ពុជា ០-៤ ឥណ្ឌូណេស៊ី
នៅពូលជាមួយគ្នានេះ ម៉ាឡេស៊ី ប្រកួតជាមួយ ឡាវ នៅវេលាម៉ោង៤:៣០នាទីល្ងាច៕
អត្ថបទ៖ វីរបុត្រ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម១៩ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ