ការ​ផ្លាស់​ប្តូរ​ចុង​ក្រោយ កម្ពុជាដាក់​កីឡាករ​អាយុ​ក្រោម​២៣​ឆ្នាំ​ ១៦នាក់ ត្រៀម​ប៉ះ តាហ្ស៊ីគីស្ថាន

សហព័ន្ធ​កីឡា​បាល់ទាត់​កម្ពុជា​ បាន​ធ្វើ​ការ​ផ្លាស់​ប្តូរ​សមាជិក​កីឡាករ​មួយ​ចំនួន បន្ទាប់​ពី​ចេញ​បញ្ជីឈ្មោះ​ជា​ផ្លូវ​ការ​កាល​ពី​ថ្ងៃ​ទី​២៨ ខែ​ឧសភា ឆ្នាំ​២០២៥ ដើម្បី​ប្រកួត​មិត្តភាព​អន្តរជាតិ​ជា​មួយ តាហ្ស៊ីគីស្ថាន នៅ​ថ្ងៃ​ទី​៥ ខែ​មិថុនា​នេះ។

ស្រប​ពេល​កីឡាករ​ចូល​សញ្ជាតិ​មិន​បាន​ចូល​រួម​ កីឡាករ​សំខាន់​ៗ​មួយ​ចំនួន​ទៀត​មាន​បញ្ហា​របួស និង​ជាប់​ពិន័យ ហើយ​មាន​ការផ្លាស់​ប្តូរ​កីឡាករ​ពីរ​បី​នាក់​បន្ថែម​ទៀត​ធ្វើ​ឲ្យ​​កីឡាករ​អាយុ​ក្រោម​២៣​ឆ្នាំ​មាន​រហូត​ដល់​​១៥​នាក់ ក្នុង​ចំណោម​បញ្ជី​ឈ្មោះ​២៣​នាក់ ខណៈ​កីឡាករ​អាយុ​ចាប់​ពី​២៤​ឆ្នាំ​ឡើង​មាន​តែ​៧​នាក់​ប៉ុណ្ណោះ។

ការ​ផ្លាស់​ប្តូរ និង​បង្កើត​កីឡាករ​វ័យ​ក្មេង​កាន់​តែ​ច្រើន​នេះ​គឺ​ដើម្បី​ត្រៀម​ការ​ប្រកួត​​ពាន​រង្វាន់​យុវជន​អាស៊ី​ AFC U23 Asian Cup 2026 ​ដែល​ប្រទេស​កម្ពុជា​ទទួល​ធ្វើ​ម្ចាស់​ផ្ទះ​ជម្រុះ​ពូល G ​ពីថ្ងៃ​ទី​១ ដល់​ទី ៩ ខែ​កញ្ញា ឆ្នាំ​២០២៥​ ព្រម​ទាំង​ពាន ASEAN U23 Championship និង​កីឡា​ស៊ីហ្គេម។

កីឡាករ​ទាំង​១៥​នាក់​ដែល​មាន​អាយុ​ក្រោម​២៣​ឆ្នាំមាន​ដូច​ខាង​ក្រោម៖

អ្នក​ចាំទី​

• វីរៈ ដារ៉ា អាយុ ២១​ឆ្នាំ មក​ពីក្លិបព្រះ​ខ័ន​រាជ​ស្វាយរៀង
• រ៉េត លីហេង អាយុ ២១​ឆ្នាំ មក​ពីក្លិបណាហ្គាវើលដ៍

ខ្សែ​ការពារ

• ឡេង ណូរ៉ា អាយុ​ ២០​ឆ្នាំ មក​ពីក្លិបវិសាខា
• ហ៊ួត វ៉ាន់ណេត អាយុ​ ២១​ឆ្នាំ មក​ពីក្លិបណាហ្គាវើលដ៍
• អ៊ីម វ៉ាឃីម អាយុ​ ១៩​ឆ្នាំ មក​ពីក្លិបអង្គរថាយហ្គឺរ
• ផាត សុខា អាយុ​២២​ឆ្នាំ មក​ពី​ក្លិបណាហ្គាវើលដ៍

ខ្សែ​បម្រើ

• ប៉ុង សាំម៉ូអែល អាយុ​ ១៩​ឆ្នាំ មក​ពីក្លិបភ្នំពេញ​ក្រោន
• ស៊ីន សុវណ្ណមករា អាយុ​ ២០​ឆ្នាំ មក​ពីក្លិប​វិសាខា
• មិន រតនៈ អាយុ​ ២២ ឆ្នាំ មក​ពីក្លិប​ព្រះ​ខ័ន​រាជ​ស្វាយរៀង
• ជូ ស៊ីនទិ អាយុ​ ២២​ឆ្នាំ មក​ពីក្លិប​ព្រះ​ខ័ន​រាជ​ស្វាយរៀង

ខ្សែ​ប្រយុទ្ធ​

• សៀង ចន្ធា អាយុ ២២​ឆ្នាំ​ មក​ពី​ក្លិបបឹងកេត
• ឃាន់ សុបិន អាយុ ២១​ឆ្នាំ មក​ពី​ក្លិបបឹងកេត
• ញាណ សុស៊ីដាន អាយុ ២៣​​ឆ្នាំ​ មក​ពី​ក្លិបព្រះ​ខ័ន​រាជ​ស្វាយរៀង
• លឹម ពិសុទ្ធ អាយុ ២៣​ឆ្នាំ មក​ពី​ក្លិបភ្នំពេញ​ក្រោន
• សារ ទី អាយុ ២៣​ឆ្នាំ មក​ពី​ក្លិបវិសាខា
• ហាវ សុខនេត្រ អាយុ ២១​ឆ្នាំ​ មក​ពី​ក្លិបអាយ​អេស​អាយ ដង្កោសែន​ជ័យ

អត្ថបទ៖ វីរបុត្រ