កីឡា

វ័យទើប២១ឆ្នាំ អ្នកចាំទី វីរៈ ដារ៉ា ឈ្នះពានចំនួន៩ទាំងក្រុម និងឯកត្តជន

បានផុស

១ year មុន

នៅ

ថ្ងៃអង្គារ ៣ មិថុនា ២០២៥

ដោយ

chean virakbot

អ្នកចាំទី វីរៈ ដារ៉ា កំពុងជោគជ័យក្នុងអាជីពបាល់ទាត់របស់ខ្លួន បន្ទាប់ពីបានចាប់ផ្តើមលេងបាល់ទាត់កាលពីឆ្នាំ២០១៨។

ព្រះខ័នរាជស្វាយរៀង ឈ្នះពានលីគកម្ពុជា ២០២៤-២៥

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផ្តើមចេញពីយុវជននៅក្លិប វិសាខា អ្នកចាំទី វីរៈ ដារ៉ា ត្រូវបានខ្ចីជើងទៅក្រុមខេត្តព្រៃវែង ដើម្បីមានឱកាសបង្ហាញខ្លួនក្នុងការប្រកួតពានរង្វាន់សម្តេចតេជោ ហ៊ុន សែន និងលីគបាល់0ទាត់កម្ពុជា ចន្លោះឆ្នាំ២០២០-២០២២។ ក្រោយមក រូបគេបានចូលរួមជាមួយ វិសាខា វិញជាកន្លែង ដែលរូបគេបានឈ្នះពានសម្តេចតេជោ ហ៊ុន សែន នៅឆ្នាំ២០២២។

ព្រះខ័នរាជស្វាយរៀង ឈ្នះពានសម្តេចតេជោ ហ៊ុន សែន ២០២៣-២៤

ឆ្នាំ២០២៣ វីរៈ ដារ៉ា ត្រូវបានខ្ចីជើងទៅក្លិប ព្រះខ័នរាជស្វាយរៀង ដែលជាកន្លែងរូបគេបានជួយក្លិបឈ្នះជើងឯកលីគកម្ពុជា លើកដំបូងសម្រាប់ខ្លួន និងបានឈ្នះពានសម្តេចតេជោ ហ៊ុន សែន លើកទី២ គឺរដូវកាល២០២៣-២៤។

ព្រះខ័នរាជស្វាយរៀង ឈ្នះពានលីគកម្ពុជា ២០២៣-២៤

ចូលរដូវកាល២០២៤-២៥ វីរៈ ដារ៉ា ត្រូវបានក្លិប ព្រះខ័នរាជស្វាយរៀង ទិញផ្តាច់ពី វិសាខា ហើយរូបគេបានជួយក្លិបឈ្នះពានលីគកម្ពុជា លើកទី២ ព្រមទាំងជួយក្លិបទទួលបានចំណាត់ថ្នាក់លេខ២ពានរង្វាន់អាស៊ី AFC Challenge League និងចំណាត់ថ្នាក់លេខ២ពានសម្តេចតេជោ ហ៊ុន សែន រដូវកាល២០២៤-២៥។

ក្រុមព្រះខ័នរាជស្វាយរៀង លេខ២ ពាន AFC Challenge League 2024-25

ក្រៅពីពានរង្វាន់ទទួលបានជាមួយក្រុម វីរៈ ដារ៉ា ក៏បានឈ្នះពានឯកត្តជនជាច្រើនទៀតគឺពានស្រោមដៃមាសចំនួន៤ ក្នុងនាមជាអ្នកចាំទីល្អបំផុត និងជាអ្នកចាំទីល្អជាងគេ។ សរុបទៅ អ្នកចាំទីវ័យទើប២១ឆ្នាំរូបនេះបានឈ្នះពានជាមួយក្រុមចំនួន៥ និងពានឯកត្តជនចំនួន៤។