កូវីដ-១៩

កូវីដនៅឥណ្ឌា! ឃើញអ្នកស្លាប់កើនឡើងរាល់ថ្ងៃ គិលានុបដ្ឋាយិកាម្នាក់ឈប់ធ្វើការងារប្រាក់ខែខ្ពស់ មកជួយបូជាសពអ្នកជំងឺកូវីដវិញ

បានផុស

៥ years មុន

នៅ

ថ្ងៃចន្ទ ២៤ ឧសភា ២០២១

ដោយ

គិលានុបដ្ឋាយិកាមួយរូបនៅរដ្ឋ Odisha នាង Madhusmita Prusty បានលាឈប់ពីការងារថែទាំដែលមានប្រាក់ខែខ្ពស់ នៅឯមន្ទីរពេទ្យ Fortis ក្នុងទីក្រុង Kolkata ដើម្បីមកជួយការងារប្ដីរបស់នាង ដែលជាអ្នកបូជាសព ខណៈឥណ្ឌាកំពុងកើនឡើងមនុស្សឆ្លងនិងស្លាប់រាល់ថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាង Prusty និយាយថា “ ខ្ញុំបានធ្វើការជាគិលានុបដ្ឋាយិកានៅមន្ទីរពេទ្យកុមារ Fortis ក្នុងទីក្រុង Kolkata អស់ពេលជាយូរមកហើយ” ។ នាងសម្រេចចិត្តត្រលប់ទៅប្រទេសកំណើតវិញ គឺរដ្ឋ Odisha ដើម្បីជួយប្ដីរបស់នាង ព្រោះគាត់មិនអាចបំពេញការងារបូជាសពបានឡើយ បន្ទាប់ពីរងរបួសជើង។ ជាពិសេសខណៈពេលដែលប្រទេសឥណ្ឌាកំពុងតែទទួលរងនៅរោគរាតត្បាត ដែលបណ្ដាលឲ្យមានសាកសពច្រើនគរលើគ្នា។

ស្ត្រីអាយុ ៣៧ ឆ្នាំនេះ តាមពិតទៅបានធ្វើការងារបូជាសពអស់រយៈពេលជាង ២ ឆ្នាំកន្លះមកហើយ និងបានប្រាប់ ANI ថា នាងធ្វើជាពេទ្យមើលថែទាំអ្នកជំងឺអស់រយៈពេល ៩ ឆ្នាំហើយ។ បច្ចុប្បន្នប្ដីប្រពន្ធមួយគូនេះចាប់ផ្ដើមការងារជាអ្នកបូជាសាកសព ដែលបានឆ្លងមេរោគកូវីដនៅ Bhubaneswar ។

នាងបានធ្វើពិធីដង្ហែសពចុងក្រោយជូនញាតិរបស់សពចំនួនជាង ៣០០ នាក់ដែលសុទ្ធសឹងជាសពឆ្លងកូវីដ ដោយមិនគិតថ្លៃសេវាពីប្រជាជន ចាប់តាំងពីការរាតត្បាតកាលពីខែ មីនា ឆ្នាំមុន និង ៥០០ សាកសពក្នុងរយៈពេល ២ ឆ្នាំកន្លះនៅ Bhubaneswar នៅពេលណានាងត្រលប់ទៅផ្ទះនៅឯស្រុកកំណើត ។ ប៉ុន្តែច្រើនដងហើយមនុស្សថែមទាំងប្រឆាំងនឹងវត្តមានរបស់ស្ត្រីក្នុងពិធីបុណ្យសព។

នាងបន្ថែមចុងក្រោយថា “ ក្នុងនាមជាស្ត្រីម្នាក់ខ្ញុំត្រូវបានគេរិះគន់ ចំពោះការបូជាសព ប៉ុន្តែខ្ញុំបានបន្តការងាររបស់ខ្ញុំនៅក្រោម Pradeep Seva Trust ដែលគ្រប់គ្រងដោយឈ្មោះប្ដីរបស់ខ្ញុំ” ។

ប្ដីរបស់នាង Pardeep Kumar Prusty បាននិយាយថា លោកបានធ្វើការនេះអស់រយៈពេល ១១ ឆ្នាំមកហើយនៅ Bhubaneswar ។ លោក Pardeep បានបន្ថែមទៀតថា ភរិយារបស់លោកបានចាប់ផ្ដើមធ្វើការជាមួយលោក នៅពេលដែលលោកមានការពិបាកក្នុងការបូជាសាកសពដ៏ច្រើននេះតែម្នាក់ឯង៕

ប្រែសម្រួល៖ សាង ស្រីល័ក្ខ

ប្រភព៖shethepeople

ចុចអាន៖ទោះមួយថ្ងៃឆ្លងជាង១ពាន់ករណី ទីក្រុង ញូវ ដែលី ប្រកាសចាប់ផ្តើមបន្ធូរបន្ថយវិធានការរឹតត្បិត

ចុចអាន៖ប្រយ័ត្នខ្លួនបន្ថែម! គ្រូពេទ្យជំនាញព្រមានថា ទោះអ្នកជាសះស្បើយពីកូវីដ តែបើមានជំងឺរ៉ាំរ៉ៃប្រចាំកាយ ងាយនឹងឆ្លងម្ដងទៀត ហើយអាចធ្ងន់ធ្ងរជាងមុន

Related Topics:ប្រទេសឥណ្ឌា