ព័ត៌មានជាតិ

កងកម្លាំងខេត្តត្បូងឃ្មុំ ចុះបង្ក្រាបបទល្មើសនេសាទខុសច្បាប់ ក្នុងភូមិសាស្ត្រស្រុកក្រូចឆ្មារ

បានផុស

៦ years មុន

នៅ

ថ្ងៃចន្ទ ៣០ វិច្ឆិកា ២០២០

ដោយ

លោក ម៉ៅ ឌុង នាយករដ្ឋបាលសាលាខេត្ត តំណាងឯកឧត្ដមបណ្ឌិត ជាម ច័ន្ទសោភ័ណ អភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្តត្បូងឃ្មុំ នៅថ្ងៃទី២៩ ខែវិច្ឆិកា ឆ្នាំ២០២០ បានដឹកនាំកម្លាំងចម្រុះចុះបង្ក្រាបបទល្មើសនេសាទខុសច្បាប់ ក្នុងភូមិសាស្ត្រស្រុកក្រួចឆ្មារ ដែលបានរុះរើនិងកម្ទេចឧបករណ៍នេសាទខុសច្បាប់ និងចាប់ឃាត់បានជនល្មើសនៅនឹងកន្លែង ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងប្រតិបត្តិការនោះ មានការចូលរួមពីសំណាក់ ប្រធានមន្ទីរកសិកម្ម អភិបាលស្រុកត្បូងឃ្មុំ អភិបាលរងស្រុកក្រូចឆ្មារ កម្លាំងស្នងការខេត្ត អធិការស្រុកត្បូងឃ្មុំ និងក្រូចឆ្មារ ៤០នាក់, កងរាជអាវុធហត្ថខេត្ត ២០នាក់, ព្រមទាំងកម្លាំងអធិការរដ្ឋបាលជលផលមេគង្គ និងខណ្ឌរដ្ឋបាលជលផល សរុបប្រមាណ៨០នាក់។ បើតាមរបាយការណ៍ចុះបង្ក្រាបជាលទ្ធផលក្នុងប្រតិបត្តិការនេះរួមមាន៖

១-បានរុះរើរបាំងផ្ដិតដៃព្រែក ប្រវែង ៥០ម នៅចំណុចព្រែកចង្វារ ស្ថិតនៅឃុំស្វាយឃ្លាំង ស្រុកក្រូចឆ្មារ។

២-បានរុះរើរបាំងព្រួលចំណុចឈូងដៃព្រះខ្លា ប្រវែង ១០០ម ស្ថិតនៅឃុំទួលស្នួល ស្រុកក្រូចឆ្មារ។

៣-បានរុះរើរបាំងព្រួលចំណុចឈូងព្រៃខ្មារ ឃុំទួលស្នួលប្រវែង ១២០ម

៤-បានរុះរើធ្នស់ដៃព្រែក (បាំងផ្ជិត) ប្រវែង ៣៥ម នៅចំណុចព្រែកស្រះអង្កាម ស្ថិតនៅឃុំក្រូចឆ្មារ ស្រុកក្រូចឆ្មារ។

៥-បានមុជទឹកអារផ្ដាច់បង្គោលរបាំងធ្នស់ នៅព្រែកស្រះអង្កាម ដែលមានទ្រង់ទ្រាយធំ ហើយបានបញ្ចប់នៅវេលាម៉ោង៣ និង៤៥នាទីរសៀល ដោយបានធ្វើកំណត់ហេតុនិងអប់រំណែនាំដល់ម្ចាស់របាំងធ្នស់ និងរបាំងព្រួល កុំឲ្យមានប្រព្រឹត្តជាបន្តទៀត។ ករណីមានលើកទី២ ត្រូវទទួលខុសត្រូវចំពោះច្បាប់៕

សូមចុចអាន៖ រកឃើញឡដុតភាជន៍បុរាណ នៅខាងជើងខ្លោងទ្វារដីឆ្នាំង នៃក្រុងអង្គរធំ

Related Topics:ចុះបង្ក្រាប បទល្មើសនេសាទ

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា