Connect with us

វប្បធម៌ ជំនឿ

ស្លាកលេខឡានឬម៉ូតូបែបណា ទើបចាត់ទុកជាលេខហុងស៊ុយល្អ?

បានផុស

នៅ

មិនថាជនជាតិ​ចិន ប្រជាជនអាស៊ី រួមទាំង​ខ្មែរ​នោះទេ សុទ្ធសឹងមានជំនឿ​លើហុងស៊ុយ ស្លាក​លេខ​រថយន្តឬម៉ូតូ ដោយគេជឿ​ថា លេខទាំងនោះមាន​ឥទ្ធិពលលើរាសីរបស់ម្ចាស់យានជំនិះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្លាក​លេខហុងស៊ុយ មិនសម្ដៅដល់លេខ៣ខ្ទង់ដូចៗគ្នា ឬលេខការរ៉េឡើយ។ ស្លាកលេខហុងស៊ុយជាតួលេខទាំងអស់​​បូក​បញ្ចូល​គ្នា រហូត​នៅ​សល់​លេខ​តែ​មួយ​ខ្ទង់ចុងក្រោយ។ ឧទាហរណ៍ ស្លាក​លេខម៉ូតូ 1D-4335 គឺ 4+3+3+5= 15= 1+5= 6…។

លទ្ធផលលេខបូក មានអត្ថន័យដូចតទៅ៖

លេខ​1: តំណាងពន្លឺ។ ម្ចាស់លេខនឹងមានឋានៈខ្ពង់ខ្ពស់ មុខរបររកស៊ីរីកចម្រើន។

លេខ​2: តំណាងឱ្យទឹក។ ផ្ដល់សេចក្តីសុខភាពសប្បាយ ត្រជាក់ត្រជុំ មានអ្នកតាមជួយជ្រោមជ្រែង។

លេខ​3: ជាលេខ​តំណាងមេឃដី។ ម្ចាស់ទ្រព្យនឹងទទួលបានព្រះពរហូរហៀរ ព្រមទាំងជោគជ័យគ្រប់ភារកិច្ច។

លេខ​4: លេខតំណាងសេចក្ដីស្លាប់។ តាមក្បួនហុងស៊ុយគេជឿថា មានតែរឿងជម្លោះទាំងក្នុងគ្រួសារនិងជាមួយអ្នកដទៃ ​ហើយចេះតែមានបញ្ហា​មិន​ល្អមកពីគ្រប់ទិសទី។

លេខ​5: និមិត្តរូបនៃជីវិត។ ប៉ុន្តែតាមជំនឿមិនសូវជាល្អនោះទេ។ គេជឿថា បញ្ហាហិរញ្ញវត្ថុត្រូវជាប់គាំង។ យ៉ាងណាមិញបញ្ហាជីវិតនឹងតែជួបសុភមង្គល។

លេខ​6: លេខតំណាងឱ្យពពួកអមនុស្ស។ បើសែនត្រូវមាន​អ្នក​ជួយថែរក្សា បើខុស​ភាព​ចម្រុងចម្រើននឹងអន់ថយ មានតែជំងឺតម្កាត់តាមយារយី។ ​

លេខ​7: តំណាងព្រះជាម្ចាស់។ ជួយឱ្យសុខសប្បាយ មាន​ប្រាក់​ច្រើន និង​រួចផុត​ពី​គ្រោះថ្នាក់ទាំងឡាយទាំងពួង ។​

​​លេខ​8: តំណាងទិសទាំង៨។ ម្ចាស់យាននឹងទទួលបានភាពរុងរឿង ​សុខភាព​ល្អ​បរិបូណ៌ សម្បូរទ្រព្យសម្បត្តិ​ និងទទួលបាន​ជោគជ័យ​ក្នុងការងារ។​

លេខ​9: តំណាងឋានសួគ៌។ សេចក្ដីសុខគ្រប់ប្រការ ចម្រុងចម្រុងរុងរឿងទាំងអាជីពនិងជំនួញ រីឯគ្រួសារនឹងចៀសឆ្ងាយពីរឿងអពមង្គល៕

ប្រែសម្រួល៖ សន្យា

ប្រភព៖ Feng Shui

ចុចអាន៖ ទិញ​រថយន្តឬម៉ូតូថ្មី ត្រូវគិតតាមរាសីខែទាំង១២​ ទើបអាចបញ្ចៀសគ្រោះឧបទ្រព

ចុចអាន៖ ធូបមិនមែនចេះតែអុជតាមនឹកឃើញឡើយ សរសៃនីមួយៗបញ្ជាក់អត្ថន័យនិងតំណាងឲ្យការគោរពបូជាផ្សេងគ្នា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម