ជំនឿ

តាមជំនឿចិន តែងដាក់ស៊ុតឆ្អិនពណ៌ក្រហមក្នុងពិធី តើមានអត្ថន័យនិងតំណាងឲ្យអ្វី?

បានផុស

១ ខែ មុន

នៅ

ថ្ងៃព្រហស្បតិ៍ ១៦ កញ្ញា ២០២១

ដោយ

ស៊ុតឆ្អិនលាបពណ៌ក្រហម តាមជំនឿរបស់ជនជាតិចិនឬសែស្រឡាយចិន តើមានន័យយ៉ាងដូចម្តេច ជាពិសេសនឹងត្រូវផ្តល់ឲ្យនរណាម្នាក់ក្នុងឱកាសអ្វី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្ងៃនេះកម្ពុជាថ្មី នឹងពន្យល់ពីជំនឿនៃស៊ុតក្រហមរបស់ជនជាតិចិន ឬខ្មែរជាប់សែស្រឡាយចិននិយមធ្វើ។

ស៊ុតដែលលាបសម្បកក្រហម នៅក្នុងវប្បធម៌ចិន គឺជានិមិត្តរូបនៃការអបអរសាទរសមាជិកថ្មីក្មេងជាងគេ ដែលទើបតែចាប់កំណើតនៅក្នុងគ្រួសារ។ នេះគឺជាប្រពៃណីដែលឪពុកម្តាយជនជាតិចិន ឬខ្មែរជាប់សែស្រឡាយចិនតែងប្រារព្ធធ្វើឡើង ដោយលាបសំបកស៊ុតឲ្យជាពណ៌ក្រហម។ ជាពិសេសគឺដើម្បីនាំយកមកហូបជុំគ្នាក្នុងគ្រួសារ ឬផ្តល់ឲ្យសាច់ញាតិ ដោយសារតែវាត្រូវបានគេជឿថា ស៊ុតគឺជានិមិត្តសញ្ញាដែលបង្ហាញពីការមានកូនចៅ។ ចំណែកពណ៌សំបកក្រហម វាគឺជានិមិត្តរូបនៃការបង្កើតសំណាងល្អ និងសុភមង្គលក្នុងគ្រួសារមួយនោះ។

លើសពីនេះ ស៊ុតដែលបានលាបពណ៌ក្រហម វាក៏ត្រូវបានគេប្រើដើម្បីគោរពបូជានៅក្នុងព្រឹត្តិការណ៍សំណាងផ្សេងៗ និងទីសក្ការៈបូជា មិនថាជាថ្ងៃបុណ្យឬថ្ងៃសែនទេ រួមទាំងការស្បថស្បែផ្សេងៗ។

នៅពេលការថ្វាយបង្គំត្រូវបានបញ្ចប់ ស៊ុតក្រហមនឹងត្រូវបានចែកចាយដល់អ្នកស្គាល់ ឬសាច់ញាតិ ក៏ដូចជារក្សាទុកសម្រាប់ខ្លួនឯង ដើម្បីនាំភាពរុងរឿងមកឲ្យគ្រួសារនាពេលអនាគត៕

ប្រែសម្រួល៖ សាង ស្រីល័ក្ខ

ចុចអាន៖កូនចៅសែស្រឡាយចិន គួរដឹងប្រភេទនំដែលពេញនិយម សម្រាប់សែនព្រះខែក្នុងឆ្នាំនេះ

ចុចអាន៖ប្រពៃណីសែស្រឡាយចិនអាក់ខានមិនបាន ក្នុងពិធីសែននំព្រះខែ