វប្បធម៌ ជំនឿ
រាសីមនុស្សឆ្នាំ «ជូត» កំលុងឆ្នាំ ២០២២ មិនសូវសមប្រកបទេ
កណ្តុរ ឆ្នាំ២០២២ រាសីមធ្យមនៅដើមឆ្នាំ។ ចូលឆ្នាំថ្មីអ្នកមានភាពមមាញឹកបន្តិច និងមិនសូវជួបភាពរីករាយប៉ុន្មានទេ។ ក្រៅពីការខកចិត្តដែលមិននឹកស្មានដល់ និងមានរឿងស្មុគស្មាញចៀសមិនរួចមួយចំនួន លុះណាតែ កណ្ដុរ រៀនជម្នះឧបសគ្គឱ្យបានខ្លាំងណាស់ ទើបឆាកជីវិតមិនសូវតឹងតែងពេក។
ទោះយ៉ាងណា នៅឆ្នាំ ២០២២ កណ្តុរទទួលបានការការការពារពិសេសម្យ៉ាង អាចនិយាយបានថា ជាថាមពលវិជ្ជមាន ជួយឱ្យអ្នករឹងមាំ ពេលផ្លូវចិត្តទន់ខ្សោយ។
ឆ្នាំថ្មីមកដល់ កណ្ដុរ នឹងរងភាពឯកកោបន្តិច ដូច្នេះគួរស្វែងរកជំនួយ និងការគាំទ្រពីមិត្តជិតស្និទ្ធ ទើបអ្នកអាចឆ្លងផុតរឿងលំបាកៗជាច្រើន។
ក្នុងរឿងស្នេហា ភាពមិនច្បាស់លាស់នៃពេលនេះអាចជាដើមចមនៃការបែកបាក់នាពេលអនាគត។ ហេតុនេះ ត្រូវប្រមូលភាពក្លាហានដើម្បីប្រឈម ក៏ដូចជាដោះស្រាយឱ្យចប់សព្វគ្រប់ ទើបអ្នកអាចទទួលបាននូវផ្លូវចិត្តស្ងប់ស្ងាត់ និងមានទំនុកចិត្តចំពោះដៃគូស្នេហា។
រឿងរ៉ាវកើតឡើងចំពោះមុខ កណ្តុរមិនគួរធ្វើការសម្រេចចិត្តលើរឿងសំខាន់ៗដែលផ្ទុយនឹងតម្លៃផ្ទាល់ខ្លួន និងសម្បជ្ជញៈរបស់ខ្លួនឡើយ ព្រោះរឿងមិនសមបំណងនឹងកើតឡើងជាបន្តបន្ទាប់ មិនចេះចប់ មិនចេះហើយ។
ចំពោះការងារ អាជីព ពាណិជ្ជកម្ម និងភាពជោគជ័យអាចត្រូវបានរួមតូចជាងមុន។ ឆ្នាំ ២០២២ អ្នកកើតឆ្នាំជូតអាចមានអារម្មណ៍ចុះខ្សោយ ហើយថែមទាំងជួបប្រទះនឹងការថប់បារម្ភរយៈពេលខ្លីផង។ ដូច្នេះហើយ តាមក្បួនហោរាសាស្ត្រចិន ឆ្នាំ២០២២ កណ្តុរ ត្រូវចេះអត់ធ្មត់ដោយសុទិដ្ឋិនិយមជាទីបំផុត ទើបមិនមានបញ្ហាវែងឆ្ងាយ។
ជាមួយគ្នាដែរ អ្នកនឹងរងការខូចខាតសម្ភារតិចតួចដោយមិនអាចចៀសវាងបាន ប៉ុន្តែវានឹងត្រូវជំនួសដោយរបស់ម្យ៉ាងផ្សេងទៀតមកវិញ។
បើទោះបីជា កណ្ដុរ អាចទទួលរងនូវការលំបាក និងការបរាជ័យមួយចំនួនក៏ដោយ ជាក់ស្តែងរាសីមិនល្អរបស់អ្នក នៅឆ្នាំ ២០២២ មិនមានរយៈពេលវែងទេ ព្រោះបន្ទាប់ពីព្យុះភ្លៀង អ្នកនឹងទទួលបានសុភមង្គលមកវិញ រីឯការបណ្ដាក់ទុននានានឹងងើបប្រសើរឡើង៕
អត្ថបទ៖ សន្យា
ចុចអាន៖ រឿងសំណាងចំពោះមនុស្សកើត “ឆ្នាំជូត”
ចុចអាន៖ ព្យាករណ៍រាសីមនុស្សឆ្នាំ «ខាល» ២០២២ខាងមុខ លាភឬគ្រោះអ្វីខ្លះ?
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង