ព័ត៌មានជាតិ
កម្ពុជា-កូរ៉េនឹងចុះហត្ថលេខាលើកិច្ចព្រមព្រៀងពាណិជ្ជកម្មសេរីនៅពាក់កណ្តាលឆ្នាំនេះ
តាមការគ្រោងទុក រាជរដ្ឋាភិបាលកម្ពុជា និងកូរ៉េខាងត្បូង នឹងចុះហត្ថលេខាលើកិច្ចព្រមព្រៀងពាណិជ្ជកម្មសេរី នៅពាក់កណ្តាលឆ្នាំ ២០២១ ដ៍ខ្លីខាងមុខនេះ។
សេចក្តីប្រកាសព័ត៌មាន របស់ក្រសួងពាណិជ្ជកម្ម ចេញផ្សាយនៅថ្ងៃទី ៣ ដើមខែកុម្ភៈនេះ ស្តីពីការបញ្ចប់ការចរចាកិច្ចព្រមព្រៀងពាណិជ្ជកម្មសេរីរវាងកម្ពុជា និងសាធារណរដ្ឋកូរ៉េឲ្យដឹងថា កិច្ចព្រមព្រៀងពាណិជ្ជកម្មទ្វេភាគីរវាងប្រទេសទាំងពីរបានបញ្ចប់ហើយ បន្ទាប់ពីការជួបគ្នារវាងរដ្ឋមន្ត្រីពាណិជ្ជកម្មកម្ពុជា លោក ប៉ាន សូរសក័ក្តិ និងលោក ស្រី Yoo Myung-hee រដ្ឋមន្ត្រីពាណិជ្ជកម្មកូរ៉េ តាមរយៈប្រព័ន្ធវីឌីអូ។
ក្រសួងពាណិជ្ជកម្មបញ្ជាក់ថា កិច្ចព្រមព្រៀងពាណិជ្ជកម្មទ្វេភាគរវាងប្រទេសទាំងពីរ នឹងបង្កើតផលប្រយោជន៍សេដ្ឋកិច្ច និងធុរកិច្ចរនៃប្រទេសទាំងពីរឲ្យកាន់តែប្រសើឡើងថែមទៀត។
ម្យ៉ាងទៀតកិច្ចព្រមព្រៀងនេះ នឹងជួយស្តារសេដ្ឋកិច្ច របស់ប្រទេសទាំងពីរ អំឡុងពេល និងក្រោយពេលដែលមានការរាតត្បាតជំងឺកូវីដ១៩ ជាសកល។
ទិន្នន័យពីសមាគមពាណិជ្ជកម្មអន្តរជាតិកូរ៉េ (KITA) បង្ហាញថា កម្ពុជានាំទំនិញទៅកូរ៉េក្នុងតម្លៃជាង ៣១៧ លានដុល្លារឆ្នាំ២០២០ ធ្លាក់ចុះ ៥,៤ ភាគរយ ខណៈកម្ពុជានាំចូលមានតម្លៃជាង ៥៦៧ លានដុល្លារ ធ្លាក់ចុះ ១៨,៦ ភាគរយ បើធៀបនឹងឆ្នាំ ២០១៩ មានជាង ៦៩៦ លានដុល្លារ។
ទំនិញសំខាន់ៗដែលកម្ពុជានាំទៅកូរ៉េខាងត្បូងមានដូចជាសម្លៀកបំពាក់ ផលិតផលធ្វើដំណើរ ស្បែកជើង ភេសជ្ជៈ គ្រឿងបន្លាស់អេឡិចត្រូនិក កៅស៊ូ និងផលិតផលកសិកម្ម រីឯកម្ពុជានាំចូលវិញរួមមាន យានយន្ត គ្រឿងអេឡិចត្រូនិក សម្ភារផ្ទះបាយ ភេសជ្ជៈ ថ្នាំពេទ្យ និងផលិតផលប្លាស្ទិក៕
អត្ថបទ៖ ឡេង ដេត
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៦ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ១០ ម៉ោង ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានអន្ដរជាតិ៧ ម៉ោង ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ៧ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច១ សប្តាហ៍ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ