ព័ត៌មានជាតិ
កម្ពុជាជាប់ចំណាត់ថ្នាក់ជាប្រទេសនាំចេញដំឡូងមីធំជាងគេទី៤ នៅអាស៊ី និងទី១០ នៅលើពិភពលោក
សហព័ន្ធដំឡូងមីកម្ពុជាបានលើកឡើងថា អនុវិស័យដំឡូងមីបានរកចំណូលបានប្រមាណ ៧២៨ លានដុល្លារដល់សេដ្ឋកិច្ចជាតិ ដែលធ្វើឱ្យកម្ពុជាក្លាយជាប្រទេសនាំចេញដំឡូងមីធំជាងគេទី៤ នៅអាស៊ី និងទី១០ នៅលើពិភពលោក។
ការលើកឡើងរបស់លោកលោក ច្រាយ សុន ធ្វើឡើងក្នុងជំនួបជាមួយលោក ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍កាលពីថ្ងៃទី១៦ខែធ្នូ ដោយលោកបានលើកឡើងពីសក្តានុពលដ៏ធំនៃអនុវិស័យដំឡូងមី និងបានរាយការណ៍ថា បច្ចុប្បន្ន កម្ពុជានាំចេញដំឡូងមីស្រស់ ៩៥% ហើយកែច្នៃក្នុងស្រុក ៥% ដែលបានរួមចំណែកប្រមាណ ៧២៨ លានដុល្លារដល់សេដ្ឋកិច្ចជាតិ។
លោកថា៖«កម្ពុជាជាប់ចំណាត់ថ្នាក់ជាប្រទេសនាំចេញដំឡូងមីធំជាងគេទី៤ នៅអាស៊ី និងទី១០ នៅលើពិភពលោក ដែលមានផ្ទៃដីដាំដុំដំឡូងមីប្រមាណ ៦០០.០០០ ទៅ ៨០០.០០០ ហិកតា។ មើមដំឡូងមីអាចត្រូវបានកែច្នៃទៅជាផលិតផលច្រើនប្រភេទ រួមមានម្សៅដំឡូងមី និងកែច្នៃបន្ត (reprocessing) ទៅជាផលិតផលចំណីអាហារ ដូចជានំប៉័ង នំស្រួយ ភេសជ្ជៈ ឬចំណីសត្វជាដើម»។
លោក ហែម វណ្ណឌី បានលើកឡើងថា ការផ្លាស់ប្តូរពីការនាំចេញមើមដំឡូងមីស្រស់ ទៅជាការកែច្នៃក្នុងស្រុក គឺជាគន្លឹះក្នុងការបង្កើតតម្លៃបន្ថែម, លើកកម្ពស់ជីវភាពរបស់ប្រជាកសិករ, និងធ្វើពិពិធកម្មឧស្សាហកម្មរបស់កម្ពុជា។
លោកបានលើកឡើងពីតួនាទីសំខាន់របស់សហព័ន្ធដំឡូងមីកម្ពុជា ក្នុងការកៀរគរអ្នកដាំ, ជំរុញការប្រើប្រាស់ពូជដែលសម្បូរម្សៅ និងការអនុវត្តកសិកម្មតាមកិច្ចសន្យាដោយយុត្តិធម៌។
លោករដ្ឋមន្រ្តីបានលើកឡើងថា៖« ក្រសួងគាំទ្រចំពោះសំណើររបស់សហព័ន្ធ ក្នុងការអនុវត្តផលិតកម្មស្អាត និងការបង្កើតចង្កោមខ្សែច្រវាក់តម្លៃដំឡូងមី ព្រមទាំងបានចាត់ឱ្យវិទ្យាស្ថានស្តង់ដារកម្ពុជា ធ្វើបច្ចុប្បន្នភាព “ស្តង់ដារកម្ពុជា” សម្រាប់អនុវិស័យដំឡូងមី ដើម្បីបំពេញតាមលក្ខខណ្ឌតម្រូវរបស់ទីផ្សារ»។
ជាមួយគ្នានោះដែរលោករដ្ឋមន្រ្តីក៏បានលើកទឹកចិត្តឱ្យសហព័ន្ធ សហការជាមួយសហគ្រិនខ្មែរ និងគ្រឹះស្ថានហិរញ្ញវត្ថុ ដូចជាធនាគារសហគ្រាសធុនតូចនិងមធ្យម និងធនាគារ ARDB ដើម្បីទទួលបានការគាំទ្រផ្នែកហិរញ្ញវត្ថុការធ្វើផែនការអាជីវកម្ម ការចូលរួមពិព័រណ៍អន្តរជាតិ និងការពង្រីកទីផ្សារជាដើម។
កាលពីថ្ងៃទី ១៤ ខែសីហា ឆ្នាំ២០២០ រដ្ឋាភិបាលសម្រេចអនុម័តសេចក្តីព្រាងច្បាប់ស្តីពីគោលនយោបាយជាតិដំឡូងមី ២០២០-២០២៥ ក្នុងគោលបំណងដើម្បីជំរុញការផលិតកែច្នៃសម្រាប់នាំចេញទៅកាន់ទីផ្សារអន្តរជាតិ។
បើតាមសេចក្តីព្រាងច្បាប់នេះមានគោលបំណងដើម្បីប្រែក្លាយប្រទេសកម្ពុជាជាទីតាំងផលិត កែច្នៃ និងអ្នកផ្គត់ផ្គង់ផលិតផលដំឡូងមីប្រកបដោយនិរន្តរភាពសម្រាប់ទីផ្សារក្នុងតំបន់ និងពិភពលោក។
គោលនយោបាយជាតិបានលើកឡើងថា៖ «ក្នុងស្ថានភាពបច្ចុប្បន្ន និងអនាគត ដំណាំដំឡូងមីដែលជាដំណាំធំទី២ បន្ទាប់ពីស្រូវនឹងមានការគាំទ្រពិសេសដើម្បីទាញយកផលប្រយោជន៍ឲ្យបានជាអតិបរមា និងការអភិវឌ្ឍដំណាំនេះឲ្យក្លាយជាកម្លាំងចលករដ៏ខ្លាំងក្លាមួយក្នុងការធ្វើបដិវត្តន៍ឧស្សាហកម្មនៅកម្ពុជាឆ្នាំ ២០១៥-២០២៥»។
សព្វថ្ងៃ ដំឡូងមី គឺជាដំណាំកសិឧស្សាហកម្មដែលបាននាំចេញដ៏សំខាន់របស់ប្រទេសកម្ពុជាដោយបានរួមចំណែកពី ៣ ទៅ ៤ ភាគរយ នៃផលិតផលសរុបក្នុងស្រុក។
បើយោងតាមការសិក្សាស្រាវជ្រាវរបស់អង្គការ UNDP ស្តីពីការរៀបចំករណីវិនិយោគសម្រាប់ដំឡូងមីដែលចេញផ្សាយកាលពីចុងឆ្នាំ ២០១៩ បង្ហាញថា ការវិនិយោគលើដំណាំដំឡូងមីអាចទទួលបានផលច្រើនជាងការវិនិយោគក្នុងវិស័យផលិតកម្មស្រូវ ចិញ្ចឹមសត្វ ស្បៀងអាហារ និងទេសចរណ៍។
ការសិក្សានេះបានឲ្យដឹងទៀតថា កំណើនចំណូលពីសារពើពន្ធផ្ទាល់សម្រាប់វិស័យដំឡូងមីទទួលបានប្រមាណ ១៣០ លានដុល្លារក្នុងរយៈពេល ១០ ឆ្នាំ ដែលប្រហាក់ប្រហែលនឹងចំណូលពីស្រូវ ការចិញ្ចឹមសត្វ និងស្បៀងអាហារ។ លើកលែងតែវិស័យទេសចរណ៍ដែលផ្តល់ផលចំណេញច្រើនជាងគេគឺ ១៥១ លានដុល្លារ។
ការអភិវឌ្ឍក្នុងវិស័យដំឡូងមីកម្ពុជាត្រូវការកញ្ចប់ថវិកាវិនិយោគសាធារណៈចំនួន ២៩៦ លានដុល្លារ ខណៈការអភិវឌ្ឍវិស័យនេះភាគច្រើនពុំទាន់យកចិត្តទុកដាក់ខ្ពស់លើការកែច្នៃក្នុងប្រទេសនោះទេ។ នេះបើតាមការសិក្សារបស់ UNDP៕
បណ្ឌិត គិន ភា ស្នើពលរដ្ឋខ្មែរជួយប្រមូលរូបថតជាភស្តុតាង ដែលថៃឈ្លានពានកម្ពុជា ទុកឱ្យពិភពលោកដឹង និងកូនខ្មែរចងចាំ
[វិភាគ] តើយោធាក្រោមបង្គាប់ស្តេចថៃ ប្រុងយកដីកម្ពុជា ធ្វើដង្វាយខួបកំណើតស្តេចរាមាទី១០ ដែលលើកបន្តុបខ្លួនឬ?
ប្អូនស្រី គីម ជុងអ៊ុន ថាកូរ៉េខាងជើងមិនចាប់អារម្មណ៍ចរចាជាមួយកូរ៉េខាងត្បូងទេ
ក្រសួងការងារ អំពាវនាវទៅម្ចាស់ម៉ាក អ្នកបញ្ជាទិញ និងអ្នកប្រើប្រាស់ផលិតផលថៃលើពិភពលោក ការពារសិទ្ធិពលករខ្មែរ ខណៈកំណើន នៃហិង្សាដែលប្រព្រឹត្តដោយក្រុមជ្រុលនិយមថៃ
ត្បិតមានកម្ពុជាជម្លោះព្រំដែនជាមួយថៃ ក៏រដ្ឋនៅតែបន្តបើកប្រាក់ឧបត្ថម្ភដល់ពលរដ្ឋមានបណ្ណសមធម៌ធម្មតា
ថៃ បន្តប្រព្រឹត្តឧក្រិដកម្មសង្គ្រាមតាមរយៈការទម្លាក់អាវុធគីមី លើកម្ពុជា
ថៃ កំពុងបំបាក់មុខលោក ត្រាំ និងមិនឲ្យតម្លៃប្រទេសមហាអំណាចផុតលេខ អាមេរិក
ក្រសួងការងារ អំពាវនាវទៅម្ចាស់ម៉ាក អ្នកបញ្ជាទិញ និងអ្នកប្រើប្រាស់ផលិតផលថៃលើពិភពលោក ការពារសិទ្ធិពលករខ្មែរ ខណៈកំណើន នៃហិង្សាដែលប្រព្រឹត្តដោយក្រុមជ្រុលនិយមថៃ
[វិភាគ] តើយោធាក្រោមបង្គាប់ស្តេចថៃ ប្រុងយកដីកម្ពុជា ធ្វើដង្វាយខួបកំណើតស្តេចរាមាទី១០ ដែលលើកបន្តុបខ្លួនឬ?
តើការចរចាគ្នានឹងទទួលបានលទ្ធផលទេ បើថៃនៅតែប្រកាន់ជំហរ ប្រើប្រាស់ផែនទីគូសដោយខ្លួនឯង?
-
ព័ត៌មានអន្ដរជាតិ២ ថ្ងៃ agoពលរដ្ធថៃ រត់ប្រសាចគ្នា ក្រោយបាក់ទំនប់បាវខ្សាច់ លិចក្រុងសុខោទ័យភ្លាមៗ
-
ព័ត៌មានអន្ដរជាតិ១ សប្តាហ៍ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានអន្ដរជាតិ១ ថ្ងៃ agoចិន ច្រានចោលព័ត៌មានក្លែងក្លាយរបស់ថៃ ដែលថាខ្លួនផ្តល់អាវុធថ្មីដល់កម្ពុជា
-
ព័ត៌មានអន្ដរជាតិ៤ ថ្ងៃ agoថាក់ស៊ីន ត្រូវពលរដ្ធថៃប្រមាថ ដល់ថ្នាក់បិទបញ្ចេញមតិ ក្រោយថា កម្ពុជាបាញ់មុន
-
ព័ត៌មានអន្ដរជាតិ៦ ថ្ងៃ agoរដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
បច្ចេកវិទ្យា១ សប្តាហ៍ agoជោគជ័យលើសពីការរំពឹងទុក! OPPO Reno14 Series 5G First Sale Event មានមនុស្សចូលរួមច្រើនធ្វើឲ្យកក្រើកពេញផ្សារ AEON MALL តែម្តង
-
ព័ត៌មានអន្ដរជាតិ៣ ថ្ងៃ agoអាមេរិក អាចចាត់វិធានការលើថៃ បើរកឃើញថា ថៃ បំពានលក្ខខណ្ឌប្រើ F-16 វាយប្រហារកម្ពុជា
-
ព័ត៌មានអន្ដរជាតិ៤ ថ្ងៃ agoអត់ខ្មាស់ពិភពលោក បាញ់មកកម្ពុជាមុន តែ ផែថងតាន ថា ខាងខ្លួនខំអត់ធ្មត់ និងចាស់ទុំជាងគេទៅវិញ