ព័ត៌មានជាតិ
កសិករដាំដុះដំឡូងមីខេត្តឧត្តរមានជ័យ កែច្នៃនាំចេញទៅចិន និងវៀតណាម
ប្រធានមន្ទីរកសិកម្មខេត្តឧត្តរមានជ័យ លោក សូត្រ ស៊ីសុខឃាងបានឱ្យដឹងថា នាពេលបច្ចុប្បន្ន ប្រជាកសិករដាំដំឡូងមីនៅក្នុងខេត្តរបស់លោកក្រៅតែពីដាំដុះដំឡូងមី ដើម្បីផ្គត់ផ្គង់ទីផ្សារក្នុងស្រុក ក៏នៅមានកែច្នៃសម្រាប់ការនាំចេញទៅកាន់ទីផ្សារប្រទេសចិន និងវៀតណាមផងដែរ។
ថ្លែងប្រាប់«កម្ពុជាថ្មី» លោក សូត្រ ស៊ីសុខឃាង បានមានប្រសាសន៍ថា បច្ចុប្បន្ននៅក្នុងខេត្តមានផ្ទៃដីដាំដុះដំឡូងមី ប្រមាណជាង ៧ម៉ឺនហិតា ក្នុងនោះកសិករមិនត្រឹមប្រមូលផលសម្រាប់កែច្នៃលក់នៅស្រុកប៉ុណ្ណោះទេ តែក៏សម្រាប់នាំចេញទៅក្រៅប្រទេសដូចគ្នាដែរ។ មកដល់ពេលបច្ចុប្បន្ន ទីផ្សារដំឡូងមីនៅក្នុងខេត្តមិនមានបញ្ហាប្រឈមនោះទេ ព្រោះដំឡូងមី ចាប់ផ្តើមប្រមូលផលពេញដៃចាប់ពីខែធ្នូ រហូតមកដល់ខែមេសា ហើយមកដល់បច្ចុប្បន្ននេះនៅក្នុងខេត្តមានតិចតួចប៉ុណ្ណោះដែលសល់ពីការប្រមូលផល ប៉ុន្តែមិនមានបញ្ហាអ្វីនោះទេ ព្រោះកសិករបង្វែរការនាំចេញទៅកាន់ទីផ្សារវៀតណាមជំនួសវិញ។
លោកបានបន្ថែមថា សម្រាប់ផលដំណាំដំឡូងមី នៅក្នុងខេត្តក៏មានរោងចក្រកែច្នៃមួយ ដែលទទួលទិញដំឡូងមីពីកសិករ ដើម្បីយកទៅកែច្នៃចេញជាផលិតផលពាក់កណ្តាលសម្រេចជាម្សៅ សម្រាប់នាំចេញទៅទីផ្សារខាងក្រៅប្រទេស។
ជុំវិញការបិទព្រំដែនគោកកម្ពុជា-ថៃ លោក សូត្រ ស៊ីសុខឃាង បានអះអាងថា មកទល់ពេលបច្ចុប្បន្ន មិនមានការជិះឥទ្ធិពលអ្វីអាក្រក់ដល់ការនាំចេញផលិតផលកសិកម្មនៅក្នុងខេត្តឡើយ។ ផ្ទុយទៅវិញលោកយល់ឃើញថា នេះជាឱកាសមួយសម្រាប់កសិករ ព្រោះកន្លងមកយើងពឹងផ្អែកទៅលើទីផ្សាររបស់គេមួយចំនួនពាក់ព័ន្ធបន្លែ ត្រី សាច់ ជាដើម ប៉ុន្តែនៅពេលបិទព្រំដែន កសិករ ក៏ដូចជាសហគមន៍ពួកគេខិតខំផលិតដើម្បីផ្គត់ផ្គង់លើទីផ្សារ ដែលនិងជួយឱ្យអ្នកផលិតកាន់តែទទួលបានប្រាក់ចំណូលកាន់តែល្អប្រសើរជាងមុន និងអាចឱ្យការហូបចុកតាមមូលដ្ឋានកាន់តែមានសុវត្ថិភាពជាងមុន។
«ប្រសិនបើបញ្ហាព្រំដែនរវាងប្រទេសទាំងពីរនៅតែបន្តអូសបន្លាយពេលតទៅទៀត ពាក់ព័ន្ធទៅនិងទីផ្សារដំឡូងមី យើងក៏មានការព្រួយបារម្ភដូចគ្នាដែរ ព្រោះកន្លងមកយើងក៏នាំចេញទៅកាន់ទីផ្សារប្រទេសថៃដែរ តែក្រៅពីនេះ យើងក៏នៅមានទីផ្សារសម្រាប់នាំចេញទៅកាន់ប្រទេសចិន និងនាំចេញទៅកាន់ទីផ្សារវៀតណាម»។ លោក ប្រធានមន្ទីរបន្ថែមបែបនេះ។
ដោយឡែក ពាក់ព័ន្ធទៅនិងការកែច្នៃមួយចំនួនសម្រាប់ទីផ្សារក្នុងស្រុក កសិករក៏មានការប្រយ័ត្នប្រយែងនៅក្នុងការផលិត ព្រោះទៅមុខទៀតយើងរំពឹងតែទៅលើទីផ្សារផ្សេងក្រៅពីថៃ។ កន្លងមកទីផ្សារប្រទេសថៃ និងប្រទេសវៀតណាមមានការប្រទាញប្រទង់គ្នាទៅវិញទៅមក មានន័យថា ប្រសិនបើទីផ្សារមួយណាក្នុងចំណោមទីផ្សារទាំងពីរនេះបានថ្លៃជាង នោះកសិករនាំចេញទៅកាន់ទីផ្សារដែលមានតម្លៃល្អជាងមិនខាន ព្រោះដំឡូងមីជាវត្ថុធាតុដើមមួយមុខដែលអាចកែច្នៃបានច្រើនប្រភេទនៅក្នុងឧស្សាហកម្មកែច្នៃ។
កម្ពុជាជាប់ចំណាត់ថ្នាក់ជាប្រទេសនាំចេញដំឡូងមីធំជាងគេទី៤ នៅអាស៊ី និងទី១០ នៅលើពិភពលោក ដែលមានផ្ទៃដីដាំដុំដំឡូងមីប្រមាណ ៦០ ម៉ឺនហិកតា ទៅ ៨០ ម៉ឺន ហិកតា។
មើមដំឡូងមីអាចត្រូវបានកែច្នៃទៅជាផលិតផលច្រើនប្រភេទ រួមមានម្សៅដំឡូងមី និងកែច្នៃបន្ត ទៅជាផលិតផលចំណីអាហារ ដូចជានំប៉័ង នំស្រួយ ភេសជ្ជៈ ឬចំណីសត្វ៕
កសិករដាំដុះដំឡូងមីខេត្តឧត្តរមានជ័យ កែច្នៃនាំចេញទៅចិន និងវៀតណាម
ថៃព្រមានឲ្យខេត្តក្រុង១១ប្រយ័ត្នខ្លួន ព្រោះទំនប់ចៅប្រាយ៉ា បង្កើនការបង្ហូរទឹក ទប់ទល់នឹងព្យុះវីពផា
ថៃ ក្រពុលមុខ រឿងចៅអធិការវត្តនិងស្រីស្នេហ៍ ទើបពន្លឿនការស៊ើបអង្កេត កុំឲ្យកាន់តែអាម៉ាស់
ថៃ រៀបចំ«បន្ទប់សង្គ្រាម» ត្រៀមឆ្លើយតបគ្រោះមហន្តរាយ ព្រោះព្យុះវីពផា នាថ្ងៃ២២-២៣កក្កដា
អ្នកតាមដាន៖ ពលរដ្ឋកម្ពុជាគួរតែទៅលេងឱ្យច្រើន នៅប្រាសាទតាមាន់តូច តាមាន់ធំ តាក្របី
មេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
ជនកំសាកថៃ អួតខ្លួនថា វាយទាហានកម្ពុជាដើម្បីការពារទឹកដី, ចុះរត់ធ្វើអីបើក្នុងដីខ្លួនមែន?
ថៃ អះអាងរកឃើញមីនថ្មីរាប់រយគ្រាប់ក្នុងដីខ្លួន, តើនរណាចូលទៅដាក់ ឬថៃដាក់ខ្លួនឯងរួចចោទកម្ពុជា?
អ្នកស្លាប់ព្រោះភ្លៀងធ្លាក់ខ្លាំង៥ថ្ងៃជាប់គ្នានៅកូរ៉េខាងត្បូង កើនដល់ ១៤នាក់ និងបាត់ខ្លួន ១២នាក់
លីគបាល់ទះពិភពលោក VNL រកឃើញវគ្គ ៨ ក្រុមខ្លាំង ខណៈ ជប៉ុន ប៉ះ ក្រុមលេខ ១ ក្នុងលោក
-
ព័ត៌មានអន្ដរជាតិ១ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានជាតិ២ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៥ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១ សប្តាហ៍ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ១ សប្តាហ៍ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ៥ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ១ សប្តាហ៍ ago«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ
-
សន្តិសុខសង្គម២ ថ្ងៃ agoជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន