ជីវិតកម្សាន្ដ

លោក សាវិន ហ្វីលីព ក្តាប់បានឱកាសប៉ះ សេង រដ្ឋា លើកដំបូង

បានផុស

៤ years មុន

នៅ

ថ្ងៃពុធ ៣ កុម្ភៈ ២០២១

ដោយ

មិនខុសពីពាក្យចាស់បុរាណតែងពោលថាខ្ញីពេលចាស់កាលណាកាន់តែហិរនោះទេ ជាក់ស្តែងបើក្រឡេកមើលតារាសម្ដែងលោក សាវិន ហ្វីលីព ឯណេះវិញ ថ្វីត្បិតតែលោកបានប្រឡូកវិស័យសិល្បៈយូរឆ្នាំក៏ពិតមែន តែសម្រាប់ប្រជាប្រិយភាពនិងការគាំទ្រនៅតែមានសន្ទុះខ្លាំងដដែល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សាវិន ហ្វីលីព បានប្រាប់កម្ពុជាថ្មីឲ្យដឹងថា សម្រាប់ទីផ្សារសិល្បៈបច្ចុប្បន្នគឺចាប់ផ្តើមមានការមមាញឹកខ្លាំងក្រោយពេលស្ងប់ស្ងាត់ជំងឺកូវីដ-១៩ ។ ម្យ៉ាងទៀតសព្វថ្ងៃនេះលោកក៏ក្តាប់បានឱកាសក្លាយជាតួសម្តែងក្នុងសាច់រឿងថ្មីមួយទៀតជាមួយអតីតMiss Grand Canbodai 2020កញ្ញា សេង រដ្ឋា ផងដែរ។

តារាសម្តែងលោក សាវិន ហ្វីលីព ក៏បានបញ្ជាក់ថា សាច់រឿងថ្មីដែលលោកប៉ះជាមួយ សេង រដ្ឋា គឺមានចំណងជើងថា បាបស្នេហ៍អតីត។ លោកថាក្នុងសាច់រឿងនេះលោក សាវិន ហ្វីលីព គ្រងតំណែងជាតួអង្គឪពុករបស់តារាសម្តែងតួឯកប្រុសម្នាក់ទៀត។

លោក សាវិន ហ្វីលីព បានបន្ថែមទៀតថា ចំពោះភាពយន្តភាគថ្មីនេះ បានចាន់ផ្តើមធ្វើពិធីក្រុងពាលីនៅព្រឹកថ្ងៃនេះ។ ខណៈកញ្ញា សេង រ ដ្ឋា ទទួលបានតំណែងថ្មីជាតួឯកស្រីហើយខ្ញុំនឹងសម្ដែងជាឪពុករបស់លោក ឃឹម ហ្សានីត ដែលនឹងសម្ដែងជាតួឯកប្រុស។ លោកថាសម្រាប់សិល្បៈបច្ចុប្បន្នក្រៅតែថតសម្តែងរឿងនេះ គឺនៅមានភាពយន្តជាច្រើនទៀតដែលកំពុងថតនិងត្រៀមថតឆាប់ៗនេះផងដែរ៕

អត្ថបទ ៖ ចាន់រ៉ា