ជីវិតកម្សាន្ដ

Miss Grand រតនគិរី ម៉ាច ដាវី លុតជង្គង់យំសុំទោស អ៊ឹម សុគន្ធា ក្រោយបែកធ្លាយដំណឹងរៀបការ

បានផុស

១១ ខែ មុន

នៅ

ថ្ងៃអង្គារ ១៨ មិថុនា ២០២៤

ដោយ

កញ្ញា ម៉ាច ដាវី ដែលជាបេក្ខភាពបវរកញ្ញាតំណាងខេត្តរតនគិរីក្នុងការប្រកួតកម្មវិធី Miss Grand Cambodia 2024 បានធ្វើឲ្យទស្សនិកជនចាប់អារម្មណ៍ និងភ្ញាក់ផ្អើលជាថ្មីបន្ទាប់ឃើញនាងយំលុតជង្គង់សុំទោសអ្នកនាង អ៉ឹម សុគន្ធា ជាអ្នកគ្រប់គ្រងស្ថាប័នមួយនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សកម្មភាពនេះត្រូវបានគេដឹងថា ជាការសុំទោសកំហុសក្រោយបែកធ្លាយដំណឹងកាលពីថ្មីកន្លងទៅពាក់ព័ន្ធរឿងរៀបការ និងបន្លំអាយុពីសំណាក់បេក្ខភាពបវរកញ្ញាតំណាងខេត្តរតនគិរីរូបនេះ។ ប៉ុន្តែរឿងនេះត្រូវបានសាមីខ្លួនច្រានចោលថា ជារឿងមិនពិតនោះទេ។

តាមរយៈវីដេអូត្រូវបានចែកចាយនៅលើបណ្តាញសង្គមដែលចូលរួមក្នុងកម្មវិធីសម្ភាសន៍មួយដឹកនាំដោយអ្នកនាង អ៉ឹម សុគន្ធា ជាអ្នកគ្រប់គ្រងស្ថាប័ន Miss Grand Cambodia 2024 ព្រមទាំងបេក្ខភាពជាច្រើននាក់ទៀតនោះ កញ្ញា ម៉ាច ដាវី បានយំលុតជង្គង់សំពះសុំទោសដល់អ្នកនាង អ៉ឹម សុគន្ធា ធ្វើឲ្យអ្នកគាំទ្រស្ទើរស្រក់ទឹកភ្នែកផងដែរ។

ជាមួយគ្នានោះ ក៏មានការលើកឡើងថា បញ្ហាគ្រប់យ៉ាងបញ្ចប់ទៅដោយភាពល្អប្រសើរ ដាវី នៅតែអាចបន្តជាមួយកម្មវិធី និងនៅតែអាចមានឱកាសដណ្តើមមកុដដូចដើមខ្ញុំមើលឡើងស្រក់ទឹកភ្នែកតាម។ សូមបញ្ជាក់ថា ក្រោយការប្រកួតឈុតតំណាងជាតិស្រាប់តែផ្ទុះដំណឹងថា ម៉ាច ដាវី Miss Grand Ratanakiri 2024 ធ្លាប់រៀបការ និងបានបន្លំអាយុឲ្យតិចជាមុនដើម្បីចូលរួមប្រកួតដើណ្តើមមកុដកម្មវិធីមួយនេះ។

ទោះបីជាយ៉ាងណា បន្ទាប់ពីបែកធ្លាយដំណឹងភ្ញាក់ផ្អើលខាងលើនេះនៅទំព័រហ្វេសប៊ុកផ្លូវការ Miss Grand Ratanakiri ភ្លាមៗនោះបានបង្ហោះសារច្រានចោលដំណឹងដ៏រស៊ើបនេះដោយអះអាងថា នឹងចេញមកបញ្ជាក់ភាពស្អាតស្អំឲ្យ ដាវី ឲ្យលឿនបំផុតតាមដែលអាចធ្វើទៅបាន៕

អត្ថបទ៖ ចាន់រ៉ា