ការសិក្សាថ្មី៖ វីរុសកូវីដ-១៩ អាចរស់នៅលើសម្លៀកបំពាក់រហូតដល់៧២​ម៉ោង
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ការសិក្សាថ្មី៖ វីរុសកូវីដ-១៩ អាចរស់នៅលើសម្លៀកបំពាក់រហូតដល់៧២​ម៉ោង

បានផុស

នៅ

អ្នកស្រាវជ្រាវមកពីសាកលវិទ្យាល័យ De Montfort បានរកឃើញថា វីរុសកូវីដ-១៩ អាចជាប់នៅលើក្រណាត់រយៈពេលច្រើនថ្ងៃ ហើយពួកគេផ្តល់ដំបូន្មានឱ្យធ្វើការបោកគក់សម្លៀកបំពាក់ជាប្រចាំដើម្បីការពារការចម្លង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការសិក្សាស្រាវជ្រាវមួយបានរកឃើញថា មេរោគ Covid-19 ក៏ដូចជាប្រភេទវីរុសស្រដៀងគ្នាដទៃទៀតអាចមានជីវិតនៅលើសម្លៀកបំពាក់ ព្រមទាំងអាចចម្លងទៅផ្ទៃផ្សេងទៀតបានរហូតដល់ ៧២ ម៉ោង។

ការស្រាវជ្រាវដែលធ្វើឡើងដោយសាកលវិទ្យាល័យ De Montfort (DMU) ក្នុងទីក្រុង Leicester បានតាមដានប្រតិកម្មនៃវីរុសលើប្រភេទក្រណាត់ផ្សេងគ្នាដែលប្រើនៅក្នុងវិស័យថែទាំសុខភាព ហើយជាលទ្ធផល សារធាតុ polyester ដែលបង្កហានិភ័យខ្ពស់បំផុតក្នុងការបញ្ជូនវីរុស នៅតែជាប់លើក្រណាត់បន្ទាប់ពី៣ថ្ងៃ និងអាចផ្ទេរមេរោគទៅផ្ទៃផ្សេងទៀតបានផងដែរ។

អ្នកវិទ្យាសាស្ត្រនិយាយថា នៅលើក្រណាត់ធ្វើពីកប្បាស ១០០% វីរុសនៅរស់បានរយៈពេល ២៤ ម៉ោង ខណៈក្រណាត់ធ្វើពីសំឡី វារស់បានតែ ៦ ម៉ោងប៉ុណ្ណោះ។

ការសិក្សាដែលដឹកនាំដោយជីវវិទូ លោកស្រី Katie Laird អ្នកជំនាញជីវសាស្រ្ត លោកស្រី Maitreyi Shivkumar និងអ្នកស្រាវជ្រាវផ្នែកវេជ្ជសាស្ត្រ លោក Lucy Owen ឱ្យដំបូន្មានដូចៗញគ្នាថា រាល់ឯកសណ្ឋានសុខាភិបាលក្ដី ឬសម្លៀកបំពាក់អ្នកជំងឺក្ដី គួរតែបោកគក់នៅក្នុងមន្ទីរពេទ្យតាមស្តង់ដារបច្ចេកទេស ឬដោយម៉ាស៊ីនបោកគក់ឱ្យត្រឹមត្រូវ និងទៀងទាត់បំផុត។

ប្រសិនបើគិលានុបដ្ឋាយិកានិងបុគ្គលិកថែទាំសុខភាពយកឯកសណ្ឋានទៅផ្ទះ នោះពួកគេអាចទុកឱកាសឱ្យមេរោគចម្លងទៅកាន់ផ្ទៃផ្សេងក្នុងផ្ទះបាន។

ដូច្នេះវិធីសាស្រ្តល្អ ត្រូវបោកគក់សម្លៀកបំពាក់ជាចាំបាច់ ទើបអាចទុកចិត្តបានថាមេរោគត្រូវបានកម្ចាត់។ ការស្រាវជ្រាវបន្ថែមអនុសាសន៍ថា រាល់ឯកសណ្ឋានសុខាភិបាលគួរតែត្រូវបានសម្អាតនៅមន្ទីរពេទ្យ ឬកន្លែងបោកគក់រួចជាស្រចដើម្បីធានាសុវត្ថិភាព ពេលបុគ្គលិកត្រឡប់ទៅគេហដ្ឋានវិញ៕

ប្រែសម្រួល៖ សន្យា

ប្រភព៖ DAILY STAR

ចុចអាន៖ គួរប្រុងប្រយ័ត្ន! កុមារជាង ៣០០ នាក់ឆ្លងវីរុសកូរ៉ូណាបម្លែងខ្លួនប្រភេទថ្មីនៅអ៊ីរ៉ាក់

ចុចអាន៖ ការសិក្សា៖ ថ្នាំប្រឆាំង​ប៉ារ៉ាស៊ីតមានតម្លៃថោកអាចកាត់បន្ថយហានិភ័យនៃការស្លាប់ចំពោះអ្នកជំងឺកូវីដបានរហូតដល់៨០ភាគរយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៩ នាទី មុន

កំពង់ផែតម្លៃ១.៥លានដុល្លានឹងជួយលើកស្ទួយសេដ្ឋកិច្ចខេត្តកោះកុង ក្រោយសាងសង់ ចប់នៅឆ្នាំ២០២២

កូវីដ-១៩២៤ នាទី មុន

មួយ​សប្តាហ៍​នេះ​ ករណី​ឆ្លង​ជំងឺ​កូ​វីដ១៩​ថ្មី​នៅ​កម្ពុជា ​មានការ​ថយ​ចុះ​តែ​ករណី​ស្លាប់​បន្ត​កើនឡើង​

កីឡា៣០ នាទី មុន

៤​ចំណុច​ឆ្ពោះទៅរក​ជ័យជម្នះ​រៀងៗ​រវាង Brandon Vera និង Arjan Bhullar

កូវីដ-១៩៣៦ នាទី មុន

ថ្ងៃនេះ ប្រជាពលរដ្ឋ​រស់​នៅ​ក្នុង​តំបន់​បិទ​ខ្ទប់ ដោយ​ជំងឺ​កូ​វីដ​-១៩ ចំនួន​៥០០០​គ្រួសារ​ទៀត​ទទួលបាន​ស្បៀងអាហារ ពី​អាជ្ញាធរ​រាជធានី​ភ្នំពេញ​

ព័ត៌មានជាតិ៤១ នាទី មុន

វីដេអូ សិក្សា​ពី​កម្មវិធី “Smart 1,000 Grade 12 Video Collection” បាន​បញ្ចូល​ទៅក្នុង E-learning App របស់​ក្រសួង​អប់រំ​

Sokha Hotels

ព័ត៌មានពេញនិយម

Helistar Cambodia - Helicopter Charter Services