មហាក្សត្រិយានីអង់គ្លេស អង្វរអ្នកមិនចាក់វ៉ាក់សាំងកូវីដ ឲ្យគិតគេផង កុំគិតតែខ្លួនឯង

មហាក្សត្រិយានី Elizabeth ទី២ បានអំពាវនាវឲ្យអ្នករាល់គ្នាបង្កើនការចាក់វ៉ាក់សាំងកូវីដ១៩ ហើយព្រះនាង បានធ្វើការស្តីបន្ទោសខ្លាំងៗដល់អ្នកប្រឆាំងនឹងការចាក់វ៉ាក់សាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រះមហាក្សត្រិយានីព្រះជន្ម៩៤វស្សាអង្គនេះ មានបន្ទូលថា យើងទាំងអស់គ្នាត្រូវតែជួយកម្ចាត់មេរោគ ដែលព្រះនាងប្រដូចទៅនឹងរោគពិស។

ព្រះនាងមានបន្ទូលថា អ្នកដែលបដិសេធការចាក់វ៉ាក់សាំង គួរតែគិតអំពីអ្នកផ្សេងជាជាងខ្លួនឯង។

ប្រមុខរដ្ឋអង្គនេះដែលចាក់វ៉ាក់សាំងកាលពីខែមករា មានបន្ទូលទៀតថា បន្ទាប់ពីអ្នកបានចាក់វ៉ាក់សាំង អ្នកមានអារម្មណ៍ថាត្រូវបានការពារ។

កាលពីខែមុន ព្រះមហាក្សត្រីបានសម្រេចបញ្ចេញជាសាធារណៈនូវដំណឹងដែលព្រះនាងបានទទួលវ៉ាក់សាំងជាមួយព្រះស្វាមី ព្រះអង្គម្ចាស់ Philip ព្រះជន្ម៩៩វស្សាដើម្បីផ្ញើសារនៃក្តីសង្ឃឹមទៅកាន់ប្រទេសជាតិ។

ប៉ុន្តែនៅក្នុងការធ្វើអន្តរាគមន៍ដ៏កម្រនិងមិនធ្លាប់មានស្តីពីគោលនយោបាយរបស់រដ្ឋាភិបាល ព្រះមហាក្សត្រីបានស្តីបន្ទោសខ្លាំងៗ ដល់អ្នកដែលជ្រើសរើសមិនទទួលយកវ៉ាក់សាំងដោយមានបន្ទូលថា “វាពិតជាលំបាកណាស់សម្រាប់ប្រជាជនប្រសិនបើពួកគេមិនធ្លាប់ចាក់វ៉ាក់សាំងឬធ្លាប់ចាក់។ ប៉ុន្តែពួកគេគួរតែគិតអំពីអ្នកផ្សេងជាជាងខ្លួនឯង”។

ការលើកឡើងរបស់ព្រះនាងអំពីការចាក់វ៉ាក់សាំងបានកើតឡើង បន្ទាប់ពីមានស្ថិតិថា បុគ្គលិកមណ្ឌលថែទាំម្នាក់ក្នុងចំណោម៣នាក់ នៅតែមិនទាន់បានចាក់វ៉ាក់សាំងការពារជំងឺកូវីដ១៩ ដែលជាហេតុធ្វើឲ្យអាយុជីវិតរបស់ពលរដ្ឋងាយរងគ្រោះ មានហានិភ័យ។

វេជ្ជបណ្ឌិតម្នាក់ក្នុងចំណោម១០នាក់របស់ NHS ក៏មិនបានទទួលវ៉ាក់សាំងដែរ៕

ប្រែសម្រួលដោយ៖ Vann Vann

ប្រភព៖ Mirror

ចុចអាន៖ ស្ត្រីរកស៊ីផ្លូវភេទបង់ក្លាដែស ទទួលបានការចាក់វ៉ាក់សាំងកូវីដ

ចុចអាន៖ អាជ្ញាធរ​​​ខណ្ឌឫស្សីកែវ បដិសេធ បិទ​«សង្កាត់ ទួលសង្កែទី២ គីឡូម៉ែតលេខ៦ និងសង្កាត់​ប្ញស្សីកែវ ​»​