កីឡា

មិនទាន់ដឹងអីផង អ្នកគាំទ្រអង់គ្លេស ទិញសំបុត្រវគ្គផ្តាច់ព្រ័ត្រ World Cup រួចទៅហើយ (មានវីដេអូ)

បានផុស

១ year មុន

នៅ

ថ្ងៃព្រហស្បតិ៍ ១ ធ្នូ ២០២២

ដោយ

អ្នកគាំទ្រអង់គ្លេសដែលមានក្តីសង្ឃឹមខ្ពស់នៅប្រទេសកាតា បានចំណាយប្រាក់ច្រើនជាង ៥០០ផោន (ជាង៦០០ដុល្លារ) ទិញសំបុត្រចូលទស្សនាការប្រកួតបាល់ទាត់ពិភពលោកវគ្គផ្តាច់ព្រ័ត្រ រួចបាត់ទៅហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អង់គ្លេស ទើបតែឆ្លងផុតវគ្គចែកពូល World Cup ហើយនឹងប្រកួតជាមួយ សេណេហ្គាល់ ក្នុងវគ្គ១៦ក្រុមចុងក្រោយនៅថ្ងៃអាទិត្យទី០៤ខែធ្នូនេះ។

ពួកគេបានចាប់ផ្ដើមយុទ្ធនាការ World Cup ដោយបំបាក់អ៊ីរ៉ង់ ៦-២ បន្ទាប់មកស្មើជាមួយអាមេរិក ០-០ និងចុងក្រោយឈ្នះវែលស៍ ៣-០ យ៉ាងងាយស្រួល។

ប៉ុន្តែទម្រង់លេងរបស់ពួកគេបានធ្វើឲ្យអ្នកគាំទ្រមានទំនុកចិត្តខ្លាំង ហើយពួកគេក៏បានទិញសំបុត្រដ៏ថ្លៃសម្រាប់វគ្គផ្តាច់ព្រ័ត្ររួចរាល់ផងដែរ។

អ្នកគាំទ្រម្នាក់ ដែលជាអ្នកពន្លត់អគ្គិភ័យចូលនិវត្តន៍ឈ្មោះ Nick Martin បាននិយាយថា “អាចថាយើងជាមនុស្សល្ងង់ ប៉ុន្តែខ្ញុំបានចំណាយប្រាក់ ៥៤០ផោន រួចទៅហើយសម្រាប់សំបុត្រវគ្គផ្តាច់ព្រ័ត្រ។ អ្នកអាចស្រមៃឃើញទេថា អ្នកមិនមានសំបុត្រ ហើយអង់គ្លេសបានឈានដល់វគ្គផ្តាច់ព្រ័ត្រ?”។

អ្នកចាត់ការក្រុមជម្រើសជាតិអង់គ្លេសលោក Gareth Southgate

រីឯអ្នកគាំទ្រម្នាក់ទៀតនិយាយថា “វាជាបទពិសោធមួយដែលមិនអាចបំភ្លេចបាន ហើយយើង នឹងឃើញក្រុមជម្រើសជាតិអង់គ្លេសឈានដល់វគ្គផ្តាច់ព្រ័ត្រ ហើយឈ្នះពាន”។

ប្រសិនបើអង់គ្លេសឈានដល់វគ្គផ្តាច់ព្រ័ត្រមែននោះ វានឹងក្លាយជាព្រឹត្តិការណ៍ World Cup ដ៏ជោគជ័យបំផុតរបស់ពួកគេចាប់តាំងពីឆ្នាំ១៩៦៦មក ដែលកាលនោះ ពួកគេបានឈ្នះពាននៅលើទឹកដីខ្លួនឯង៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Star

ចុចអាន៖ កីឡាករអង់គ្លេសមួយរូប សម្រេចចិត្តបោះបង់ចោល World Cup វិលត្រលប់ទៅប្រទេសវិញ យ៉ាងតក់ក្រហល់