ព័ត៌មានអន្ដរជាតិ
ស្ត្រីរកស៊ីផ្លូវភេទបង់ក្លាដែស ទទួលបានការចាក់វ៉ាក់សាំងកូវីដ
ប្រទេសបង់ក្លាដែសបានចាប់ផ្តើមចាក់វ៉ាក់សាំងការពារជំងឺកូវីដ ១៩ ដល់អ្នករកស៊ីផ្លូវភេទពីផ្ទះបនធំៗបំផុតរបស់ប្រទេស និងជាទីតាំងរបស់ស្ត្រីរកស៊ីផ្លូវភេទប្រមាណ ១,៩០០ នាក់ ។
រហូតមកដល់ពេលនេះប្រទេសអាស៊ីខាងត្បូងមួយនេះបានចាក់វ៉ាក់សាំងរបស់ក្រុមហ៊ុន AstraZeneca ដល់មនុស្សជិត ៣ លាននាក់ហើយដែលមានអាយុលើសពី ៤០ ឆ្នាំ ប៉ុន្តែបានលុបចោលការកម្រិតអាយុសម្រាប់អ្នករកស៊ីផ្លូវភេទនៅឯទីក្រុង Daulatdia នៅភាគខាងលិចប្រទេស ។
លោក Asif Mahmud ប្រធានផ្នែកសុខភាពនៅទីក្រុង Daulatdia បានប្រាប់ទីភ្នាក់ងារសារព័ត៌មាន AFP ថា “យ៉ាងហោចណាស់អ្នករកស៊ីផ្លូវភេទ ១០០ នាក់បានទទួលការចាក់វ៉ាក់សាំងប្រឆាំងនឹងជំងឺកូវីដ ១៩ ។ វាចាំបាច់ណាស់ក្នុងការចាក់វ៉ាក់សាំងដល់អ្នករកស៊ីផ្លូវភេទ ។ មនុស្សរាប់ពាន់នាក់បានទៅផ្ទះបនជារៀងរាល់ថ្ងៃ ហើយអ្នករកស៊ីផ្លូវភេទនៅតាមផ្ទះបនធំៗងាយនឹងឆ្លងវីរុសនេះណាស់” ។
ប្រទេសនេះបានផ្តោតលើការចាក់ថ្នាំបង្ការលើមនុស្សចាស់ បុគ្គលិកសុខាភិបាលជួរមុខ និងកម្លាំងសន្តិសុខចាប់តាំងពីការចាក់វ៉ាក់សាំងបានចាប់ផ្តើមនៅដើមខែនេះ ហើយគ្រោងនឹងចាក់វ៉ាក់សាំងលើប្រជាជនប្រមាណ ៨០ ភាគរយ ។
ប្រទេសបង់ក្លាដែសគឺជាប្រទេសមួយក្នុងចំណោមប្រទេសមូស្លីមមួយចំនួនដែលការរកស៊ីផ្លូវភេទមានលក្ខណៈស្របច្បាប់សម្រាប់ស្ត្រីដែលមានអាយុលើសពី ១៨ ឆ្នាំ ហើយយ៉ាងហោចណាស់មានផ្ទះបនចំនួន ១១ កន្លែងកំពុងប្រតិបត្តិការនៅទូទាំងប្រទេសដែលមានប្រជាជនចំនួន ១៦៨ លាននាក់ ។
កាលពីខែមីនាអាជ្ញាធរបានរឹតត្បិតការទៅកាន់ផ្ទះបនទាំងអស់នៅពេលពួកគេដាក់ការបិទទូទាំងប្រទេសក្នុងរយៈពេលជាច្រើនខែពាក់ព័ន្ធនឹងជំងឺកូវីដ ១៩ ។
មេដឹកនាំសហគមន៍បាននិយាយថា បញ្ហានេះធ្វើឲ្យប៉ះពាល់ដល់ជីវភាពរបស់អ្នករកស៊ីផ្លូវភេទ និងគ្រួសាររបស់ពួកគេយ៉ាងខ្លាំងដែលពឹងផ្អែកលើអាហារ និងថវិកា ហើយពួកគេជាច្រើនបានចាកចេញពីផ្ទះបនដើម្បីធ្វើការនៅតាមដងផ្លូវ ។
ប្រទេសបង់ក្លាដែសកំពុងទិញវ៉ាក់សាំងកូវីដរបស់ក្រុមហ៊ុន AstraZeneca ប្រហែល ៣០ លានដូសពីវិទ្យាស្ថាន Serum នៃប្រទេសឥណ្ឌា ហើយនឹងទទួលបាន ៦៨ លានដូសផ្សេងទៀតពីកម្មវិធី COVAX ដែលជាកិច្ចខិតខំប្រឹងប្រែងជាសកលដើម្បីលើកទឹកចិត្តដល់ការចែកចាយប្រកបដោយសមធម៌សម្រាប់ប្រទេសក្រីក្រ ។
គួរបញ្ជាក់ថា គិតត្រឹមពេលនេះប្រទេសបង់ក្លាដែសមានករណីឆ្លងជំងឺកូវីដ ១៩ ចំនួន ៥៤៤,៩៥៤ ករណី និងមានអ្នកស្លាប់ចំនួន ៨,៣៨៤ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ អំពើហិង្សាផ្ទុះឡើងក្នុងការបោះឆ្នោតបង់ក្លាដែស ស្លាប់និងរបួសមនុស្សជាង៣០នាក់
-
ព័ត៌មានជាតិ៧ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៤ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៣ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៣ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ១ ថ្ងៃ agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន