ក្រសួង​ទេសចរណ៍​ ប្ដេជ្ញាចិត្ត​ជំរុញ​កំណើន​ទេសចរណ៍​ក្នុង​ខេត្តមណ្ឌលគិរីទ្វេដង ដើម្បី​លើកស្ទួយ​ការ​អភិវឌ្ឍ​​មូលដ្ឋាន

លោក ហួត ហាក់ រដ្ឋមន្ត្រីក្រសួងទេសចរណ៍ បាន​ថ្លែង​ថា «ក្រសួងនិងប្តេជ្ញានាំយកនិង​ជំរុញ​កំណើន​ភ្ញៀវទេសចរ ទៅកាន់ខេត្តមណ្ឌលគិរី ឱ្យ​កាន់​តែ​កើន​ឡើង​ទ្វេដង​បន្ថែម​ដើម្បី​ជួយអភិវឌ្ឍន៍មូលដ្ឋាននិងបន្តពង្រឹងតាមតំបន់រមណីដ្ឋានដែលមានស្រាប់ ជា​ពិសេស​ទាក់ទាញ​អ្នក​វិយោគ​លើវិស័យ ទេសចរណ៍ ចូលបណ្ដាក់ទុនអភិវឌ្ឍន៍បន្ថែទៀតក្នុងខេត្តនេះ»។

រដ្ឋមន្រ្តីបានក្នុងឱកាសអញ្ជើញចូលរួមប្រកាសអនុក្រឹត្យប្រធានមន្ទីរទេសចរណ៍ខេត្តមណ្ឌលគិរី នារសៀលថ្ងៃទី១៦ ខែឧសភា ឆ្នាំ២០២៥ នៅសាលាខេត្តមណ្ឌលគិរី។ ក្នុងឱកាសនេះ លោក ហួត ហាក់ រដ្ឋមន្ត្រីក្រសួងទេសចរណ៍បានថ្លែងថា វិស័យទេសចរណ៍គឺជាឆ្អឹងខ្នងនៃសេដ្ឋកិច្ចជាតិ ហើយក៏ជាសេដ្ឋកិច្ចគ្រួសារដ៏សំខាន់ ដោយសារខេត្តមណ្ឌលគិរី មានលក្ខណៈ​ពិសេស​ខុសពីបណ្តាខេត្ត​ដទៃ ពោល​គឺ​មាន​អាកាស​ធាតុត្រជាក់ និងទេសភាពស្រស់ស្អាតស្ទើគ្រប់រដូវកាល ហើយមានរមណីយដ្ឋានធម្មជាតិយ៉ាងច្រើន ដែល​ជា​ភាព​អំណោយ​ផល​ល្អ​ដល់​ការ​ធ្វើ​ដំណើរ​កម្សាន្ត​របស់​ភ្ញៀវទេសចរណ៍​ជាតិ និងអន្តរជាតិមកកាន់ខេត្តមួយនេះ។

លោករដ្ឋមន្ត្រីក្រសួងទេសចរណ៍ បានបន្តថា សម្តេចធិបតីបានគាំទ្រយ៉ាងពេញទំហឹងលើយុទ្ឋនាការ រដូវកាលបៃតង ឬ Green season ដែល​ក្រសួងទេសចរណ៍​បាន​ដាក់​ចេញសម្រាប់​ចលនាទូទាំងប្រទេសកម្ពុជា ក្នុងការជំរុញភាពទាក់ទាញពីទេសចរណ៍​ទូទាំង​ពិភពលោកផងដែរ ។

លើក​ពី​នេះ លោក​ក៏​បានផ្តាំផ្ញើដល់ប្រធានមន្ទីរ ដែលទើបទទួលបានការតែងតាំងថ្មី ត្រូវបង្កើនកិច្ចសហការជាមួយអាជ្ញាធរមូលដ្ឋាននានា ដែលមានតំបន់ទេសចរណ៍ស្រាប់ ដើម្បីបង្កើនប្រសិទ្ឋភាពការងារនិងសម្រេចបាននូវចក្ខុវិស័យរបស់អង្គភាព៕