អ្នក​មាន​សំណាង​ពី​ក្រុមហ៊ុនទឹកត្រចៀកកាំ ចេ.រ៉ូយ៉ាល់ ញញឹមបិទមាត់មិនជិត

ដើម្បីថ្លែងអំណរគុណដល់អតិថិជនដែលតែងតែគាំទ្រទទួលទានទឹកប្រចៀកកាំ ចេ.រ៉ូយ៉ាល់ ក្រុមហ៊ុនបានបង្កើតកម្មវិធីផ្សងសំណាង ដោយផ្ដល់ជា ម៉ូតូ HONDA WAVE 2025 ឆ្នាំងដុតឬអាំងសាច់អគ្គិសនី ទឹកត្រចៀកកាំ ចេ.រ៉ូយ៉ាល់ជាច្រើនកេស។

តាមរយៈ​ការ​ផ្សាយផ្ទាល់លើទំព័រហ្វេសប៊ុក ចេ.រ៉ូយ៉ាល់ កាលពីថ្ងៃទី០២ ឧសភា កន្លងទៅបានរកឃើញអ្នកមានសំណាងចំនួន១៤រូប ដែលទទួលបានរង្វាន់ប្រចាំខែមេសា។ លោក ស៊ឹម សុភ័ក្រ ប្រធានប្រតិបត្តិការផ្នែកលក់ និងតំណាងក្រុមហ៊ុនទឹកត្រចៀកកាំ ចេរ៉ូយ៉ាល់ នាព្រឹកថ្ងៃទី១៧ ខែឧសភា ឆ្នាំ២០២៥ បានដឹកកង់អគ្គិសនី១គ្រឿង ទៅប្រគល់ជូនអ្នកមានសំណាងគឺ អ្នកស្រី ទ្រី វួចទីន រស់នៅភូមិរកាកោង ឃុំរកាកោង ស្រុកមុខកំពូល ខេត្តកណ្ដាល។ អ្នកស្រី វួចទីន សម្ដែងនូវភាពរីករាយ និងអះអាងថា «ជាសំណាងពិតប្រាកដរបស់ខ្ញុំ…ខ្ញុំតាមដានការផ្សាយផ្ទាល់ជុំគ្រួសារ ឮគេប្រកាសចំឈ្មោះ ហ៊ោពេញផ្ទះ»។ អ្នកស្រីបន្តថា «ទឹកត្រចៀកកាំឆ្ងាញ់ ហើយតម្លៃល្អ…ក្នុងកេសទឹកត្រចៀកកាំ ចេ.រ៉ូយ៉ាល់មានសន្លឹកបណ្ណផ្សងសំណាង ខ្ញុំបានបំពេញព័ត៌មាន ហើយថតផ្ញើមកក្រុមហ៊ុន»។

ចំពោះរង្វាន់ ម៉ូតូ HONDA WAVE ២០២៥ សំណាងបានទៅលោក ចៀវ ចាន់ដា រស់​នៅ​ភូមិ​ព្រៃទា សង្កាត់​ចោមចៅ ខណ្ឌពោធិ៍សែនជ័យ រាជធានីភ្នំពេញ។ លោក ចាន់ដា អះអាងថា «មិននឹកស្មានថា ខ្ញុំមានសំណាងធំដូច្នេះឡើយ…កំពុង​តាម​ដាន​ការ​ផ្សាយផ្ទាល់​កម្មវិធី​ចាប់រង្វាន់ជាមួយភរិយា ស្រាប់តែតំណាងក្រុមហ៊ុន ចាប់ចំសន្លឹកបណ្ណដែលជាឈ្មោះ និងលេខកូដរបស់ខ្ញុំ។ សម្រាប់ខ្ញុំ លើកទី១ហើយដែលទទួលបានសំណាង…អរគុណក្រុមហ៊ុនដែលបង្កើតកម្មវិធីផ្សងសំណាងនេះ»។

តំណាងក្រុមហ៊ុនទឹកត្រចៀកកាំ ចេរ៉ូយ៉ាល់ លោក ស៊ឹម សុភ័ក្រ បញ្ជាក់ថា «ក្រៅពីលោក ចៀវ ចាន់ដា និងអ្នកស្រី ទ្រី វួចទីន គឺមានរង្វាន់សន្ធឹកសន្ធាប់ផ្សេងទៀតដូចជា ទូរសព្ទដៃ ឆ្នាំងដុតឬអាំងសាច់អគ្គិសនី ទឹកត្រចៀកកាំ ចេ.រ៉ូយ៉ាល់ជាច្រើនកេស បានធ្លាក់ដល់ដៃអតិថិជនរបស់យើង។ ចំពោះការចាប់រង្វាន់ជាបន្តទៀត ក្រុមហ៊ុននឹងជូនដំណឹងនៅលើទំព័រហ្វេសប៊ុក J. Royal Bird’s Nest »។

សូមបញ្ជាក់ជូនថា ទឹកត្រចៀកកាំ ចេ.រ៉ូយ៉ាល់ ត្រូវបានផលិត ចែកចាយលក់លើទីផ្សារជូនអតិថិជនបានទទួលទាន តាំងពីឆ្នាំ២០២២ ក្រោមសម្លោកថា «ចេរ៉ូយ៉ាល់ អាថ៌កំបាំងនៃសុខភាព»៕