សុខភាព

អ្វីទៅជាផលប៉ះពាល់នៃដុំស្បូនដល់ស្ត្រីមានផ្ទៃពោះ និងគភ៌

បានផុស

៥ years មុន

នៅ

ថ្ងៃព្រហស្បតិ៍ ១០ ធ្នូ ២០២០

ដោយ

ដុំស្បូន ជាដុំសាច់ដែលកើតចេញពីសាច់ដុំស្បូន។ ជាទូទៅដុំស្បូនជាដុំស្លូត តែវាអាចមានការរីកទំហំ ដែលធ្វើឲ្យមានការរំខានដល់សរីរាង្គដែលនៅក្បែរ ដូចជាប្លោកនោម ពោះវៀន និងតម្រងនោមជាដើម។ បើទីតាំងដុំស្បូន នៅក្នុងស្រទាប់រដូវ វាអាចឲ្យមានការរំខានដល់ការតោងជាប់របស់កូន ដែលជាកត្តាប្រឈមមុខនឹងភាពពិបាកមានកូន ឬការរលូតកូនញឹកញាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងករណីស្ត្រីមានផ្ទៃពោះ ហើយដឹងថាខ្លួនមានដុំស្បូន ស្ត្រីគួរតែមានការតាមដានជាមួយគ្រូពេទ្យឯកទេស ដើម្បីឲ្យមានការសម្រាលប្រកបដោយសុវត្ថិភាព។

ក. ការមានផ្ទៃពោះអាចជះឥទ្ធិពលទៅលើដុំស្បូនដូចជា

– ការឡើងទំហំនៃដុំស្បូន ដោយសារការកើនឡើងនៃចរន្តអ័រម៉ូន ក្នុងពេលមានផ្ទៃពោះ

‍‍‍ – ការឈឺចុកចាប់លើដុំស្បូនក្នុងពេលពពោះ។

ខ. ដុំស្បូនអាចផ្តល់ផលវិបាកដល់គភ៌ដូចជា

– ការរលូត ឬការសម្រាលកូនមុនខែ ចំពោះដុំស្បូនដែលទីតាំងនៅក្នុងស្រទាប់រដូវ។

– អាចរំខានដល់ការបង្វិលរបស់កូន ដែលធ្វើឲ្យកូនក្នុងផ្ទៃស្ថិតក្នុងទម្រង់មួយពិបាកសម្រាល។

– អាចជារនាំងខណ្ឌ រវាងមាត់ស្បូន និងកូន ដែលជាកត្តាសម្រាលតាមធម្មជាតិមិនបាន នឹងត្រូវប្រឈមមុខនឹងការសម្រាលដោយការវះកាត់។

– ការធ្លាក់ឈាមក្រោយសម្រាល ដោយស្បូនកន្ត្រាក់មិនបានល្អ។

គ. ការព្យាបាល

ការព្យាបាលដោយការវះកាត់ដុំស្បូន ក្នុងពេលពរពោះ ឬក្នុងពេលសម្រាលកូន ត្រូវមានការប្រុងប្រយ័ត្នខ្ពស់ ព្រោះវាអាចឲ្យមានការបាត់បង់ឈាមច្រើន ដោយសារស្បូនក្នុងពេលមានផ្ទៃពោះ គឺសំបូរសរសៃឈាមច្រើនជាងពេលមិនមានផ្ទៃពោះ។

“សូមស្ត្រីជាមាតា មេត្តាយកចិត្តទុកដាក់តាមដានសុខភាព ដោយការមកពិគ្រោះ ពិនិត្យផ្ទៃពោះ ពិនិត្យអេកូសាស្ត្រឲ្យបានទៀងទាត់ តាមការកំណត់ដោយគ្រូពេទ្យជំនាញ។ សូមអញ្ជើញមកទទួលការប្រឹក្សាច្បាស់លាស់ជាមួយគ្រូពេទ្យឯកទេសនៃមន្ទីរពេទ្យកាល់ម៉ែត ប្រសិនបើមានបញ្ហាដូចបានជូនជ្រាបខាងលើ”៕

អត្ថបទ៖ រស្មី

សូមចុចអាន៖ ស្ត្រីដែលមានក្រុមឈាមដក(-) ប្រឈមបញ្ហាអ្វីខ្លះពេលមានផ្ទៃពោះ

Related Topics:សុខភាព