កីឡា

ការប្រកួតថ្ងៃទី២៨ មិថុនា ជាការសម្រេចបំណងធំមួយរបស់ ពេជ្រ អាទិទេព

បានផុស

១២ ខែ មុន

នៅ

ថ្ងៃចន្ទ ២៣ មិថុនា ២០២៥

ដោយ

ការប្រកួតនៅថ្ងៃទី២៨ ខែមិថុនា ឆ្នាំ២០២៥ នេះជាការសម្រេចបំណងធំមួយរបស់កីឡាករ ពេជ្រ អាទិទេព ដែលរូបគេចិញ្ចឹមចិត្តរង់ចាំការប្រកួតសងសឹកជាមួយអ្នកលេងគុនខ្មែរមកពីបាត់ដំបងគឺ ហាន់ ពី នេះជារហូតមកហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ ពេជ្រ អាទិទេព

កីឡាករ ពេជ្រ អាទិទេព ធ្លាប់លើកឡើងថា រូបគេចិញ្ចឹមចិត្តចង់សងសឹកអ្នកលេងគុនខ្មែរ ហាន់ ពី រហូតមក ព្រោះការចាញ់ក្នុងវគ្ដដំណើរឆ្ពោះទៅដណ្ដើមខ្សែក្រវាត់ Xtreme Kun khmer កាលពីជិតមួយឆ្នាំមុននៅឯសង្វៀនហង្សមាសមកម្ល៉េះ។

រូបភាពលើផេក Hang Meas Kunkhmer

សម្ដីរបស់ អាទិទេព៖ «ខ្ញុំចង់ជួបសងសឹក ហាន់ ពី រហូតមក ព្រោះកីឡាករ ហាន់ ពី បានបំបែកកំណត់ត្រាមិនដែលចាញ់របស់ខ្ញុំ។ មានអ្នកឌឺដងរហូតមកថា ធ្លាប់ចាញ់ ហាន់ ពី តើហី ឆ្លងកាត់ ហាន់ ពី សិនទៅ ឬស្គាល់ ហាន់ ពី អត់រាល់ពេលដែលខ្ញុំឡាយវីដេអូ (Live facebook) ម្ដង់ៗ»។ ទាំងនេះហើយដែលធ្វើឲ្យរូបគេខឹងចិត្តខ្លួនឯងចង់ទាមទានូវដែល ហាន់ ពី ជំពាក់ មកវិញ។

កីឡាករ ពេជ្រ អាទិទេព

អាទិទេព បន្ថែមទៀតថា មិនប្រាកដថាជំនួបគ្នាជាថ្មីនេះដឹងតែខ្លួនឈ្នះ ឬយ៉ាងណានោះទេ ប៉ុន្តែជាក្ដីបំណងមួយរបស់ខ្លួនចង់ឲ្យមានការប្រកួតជាមួយ ហាន់ ពី ម្ដងទៀត។ ការប៉ះគ្នានៅលើកទីមួយគឺដោយសារតែខ្លួនធ្វេសប្រហែស និងមើលស្រាលដៃគូទើបចាញ់ការប្រកួតមួយនោះ។

ពេជ្រ អាទិទេព ប៉ះ វ៉ាន់ វឿន

បញ្ជាក់ដែរថា កីឡាករកំពុងឡើងកូដ ពេជ្រ អាទិទេព ធ្លាប់ចាញ់ពិន្ទុកីឡាករ ហាន់ ពី កាលពីថ្ងៃទី២៨ ខែកញ្ញា ឆ្នាំ២០២៤ ក្នុងកម្មវិធីម៉ារ៉ាតុងឆ្ពោះទៅដណ្ដើមខ្សែក្រវាត់ Xtreme Kun khmer ទម្ងន់ ៥៧គីឡូក្រាមនៅសង្វៀនហង្សមាស។ ពួកគេទាំងពីរនឹងត្រូវប្រកួតសងសឹកជាថ្មីនៅថ្ងៃទី២៨ ខែមិថុនា ឆ្នាំ២០២៥ ក្នុងថ្ងៃ ពេជ្រ សម្បត្តិ និង សុខ ធី ផងដែរ។ រង់ចាំមើលទាំងអស់គ្នាថា ពេជ្រ អាទិទេព អាចសងសឹកបានវិញទេលើ ហាន់ ពី ៕

អត្ថបទដោយ៖ នួន ស៊ីណា