សុខភាព

រាកមួល ក៏អាចជារោគសញ្ញានៃជំងឺមហារីកពោះវៀនធំបានដែរ!

បានផុស

៤ years មុន

នៅ

ថ្ងៃពុធ ៣១ មីនា ២០២១

ដោយ

ជំងឺរាករួស ជាជំងឺធម្មតាៗ ញឹកញយ ហើយភាគច្រើនបណ្តាលមកពីមេរោគ (ពុលចំណីអាហារ) ហើយការវិវត្តជាទូទៅមិនធ្ងន់ធ្ងរ លើកលែងតែករណី រាគខ្លាំងក្លាច្រើនៗ ឬ រាកមួល ដែលមានរយៈពេលលើសពី ៤ថ្ងៃ។ ជំងឺរាកអាចស្តែងជា៖ រាគលាមករាវដូចទឹក រាកទឹកលាយកាក ឬរាកមួល(សំបោរលាយឈាម)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រីឯជំងឺមហារីកពោះវៀនធំ ជាជំងឺដុំដំបៅមហារីកដែលប៉ះពាល់ពោះវៀនធំហើយអាចសាយភាយទៅសរីរាង្គផ្សេងៗ និង បណ្តាលឲ្យបាត់បង់ អាយុជីវិត ព្រោះថា៖

– វាជាជំងឺដែលសំបូរក្នុងចំណោមជំងឺមហារីកក្នុងពិភពលោក ជាប់ចំណាត់លេខ៣លើបុរស និងលេខ២លើស្ត្រី

– ជាជំងឺដែលអាចព្យាបាលបាន (នៅដំណាក់កាលដំបូង)

– តែជាជំងឺដែលអាចការពារបាន (៥០%)។

ក) តើមហារីកពោះវៀនធំមានរោគសញ្ញាយ៉ាងដូចម្តេច?

– ក្រុមមហារីកពោះវៀនធំមួយចំនួន មានរោគសញ្ញា៖

• ហូរឈាមតាមទ្វារលាមក, រាកមួល

• ឈឺពោះ តឹងពោះ ចង្អោរ ក្អួត

• ចុះទម្ងន់

• ស្លេកស្លាំងខ្វះជាតិដែក

• ជួនរាក ជួនទល់លាមក

– ក្រុមមហារីកពោះវៀនធំមួយចំនួនទៀតមិនមានស្តែងជារោគសញ្ញាអ្វីសោះ

ខ) តើត្រូវធ្វើរោគវិនិច្ឆ័យ ជំងឺមហារីកពោះវៀនធំបានយ៉ាងដូចម្តេច?

ចំពោះការធ្វើរោគវិនិច្ឆ័យ គឺយើងត្រូវពឹងផ្អែកលើការឆ្លុះពោះវៀនធំ

រោគសញ្ញាដូចបានរៀបរាប់ខាងលើ សូមបងប្អូនប្រុងប្រយ័ត្ន និងមកពិគ្រោះតាមដានយ៉ាងយកចិត្តទុកដាក់ ជាមួយក្រុមគ្រូពេទ្យឯកទេសនៅមន្ទីរពេទ្យកាល់ម៉ែត ដើម្បីរកមូលហេតុច្បាស់លាស់ និងឈានទៅរកការព្យាបាលប្រកបដោយប្រសិទ្ធិភាពខ្ពស់ ព្រមទាំងទប់ស្កាត់រាល់ផលវិបាកផ្សេងៗដែលអាចកើតមានឡើង ជៀសវាងការបង្កឲ្យមានគ្រោះថ្នាក់ដល់អាយុជីវិត៕

អត្ថបទ៖ រស្មី

សូមចុចអាន៖ កុំចេះតែជឿផ្ដេសផ្ដាស!ពេទ្យថា ខ្ទឹមសមិនអាចការពារវីរុសកូវីដបានទេ

Related Topics: