KPT+

ហេតុអ្វីបានជាកូនៗ ជិតស្និទ្ធជាមួយជីដូនជីតាជាងឪពុកម្ដាយ?

បានផុស

៤ years មុន

នៅ

ថ្ងៃសុក្រ ៧ ឧសភា ២០២១

ដោយ

ជារឿយៗអ្វីដែលគ្រប់គ្នាមិនសូវពិភាក្សាញឹកញាប់ គឺទំនាក់ទំនងរវាងជីដូនជីតានិងចៅ។ ហើយទំនាក់ទំនងជិតស្និទ្ធរវាងជីដូនជីតានិងចៅៗ មានអត្ថប្រយោជន៍សម្រាប់ភាគីទាំងពីរ។

ជាទូទៅជីដូនជីតាអាចរកឃើញភាពសប្បាយរីករាយ និងគ្មានសម្ពាធជាងឪពុកម្ដាយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្វីដែលចៅៗទទួលបានពីជីដូនជីតារបស់ពួកគេ

មានគុណសម្បត្តិជាច្រើនសម្រាប់កុមារ ដែលជីដូនជីតាចូលរួមក្នុងជីវិតរបស់ពួកគេ។ ជាការពិតការសិក្សាបង្ហាញថា កុមារដែលមានជីដូនជីតាដើរតួក្នុងជីវិតពួកគេ មិនសូវទទួលរងពីជំងឺធ្លាក់ទឹកចិត្តនិងការថប់បារម្ភទេ។ ពួកគេក៏មានអារម្មណ៍ជឿជាក់លើខ្លួនឯង និងសុខស្រួលក្នុងការសាកល្បងនូវរឿងថ្មីៗ។ នេះប្រហែលមកពីការស្រលាញ់ និងការលើកទឹកចិត្តដែលជីដូនជីតាជាទូទៅ ផ្ដល់ដល់ចៅគ្រប់គ្នា។

ជីដូនជីតាមានទស្សនវិស័យពិសេសលើពេលវេលានិងតម្លៃគ្រួសារ

ជីវភាពរស់នៅប្រចាំថ្ងៃសម្រាប់គ្រួសារភាគច្រើន ហាក់ដូចជារវល់ខ្លាំង ជាពិសេសពេលក្មេងៗធំឡើងនិងចូលរួមសកម្មភាពកាន់តែច្រើនឡើងៗ ដោយសារតែកាលវិភាគដ៏មមាញឹកនិងការទទួលខុសត្រូវជាច្រើន ឪពុកម្ដាយអាចនឹងមានភាពរអាក់រអួលជាមួយនឹងបញ្ហាគ្រួសារ និងភាពស្មុគស្មាញនៃការចិញ្ចឹមកូន។

ម៉្យាងទៀតជីដូនជីតាតែងតែរកឃើញទុក្ខកង្វល់ទាំងនេះ ហើយអាចផ្ដល់នូវបង្អួចមួយទៅជារូបភាពធំ និងអត្ថប្រយោជន៍ទៅកុមារ។

ដោយសារបញ្ហានេះពួកគាត់អាចធ្វើជាអ្នកប្រឹក្សា និងជាមនុស្សគួរជាទីទុកចិត្តដល់ចៅ តាមវិធីដែលឪពុកម្ដាយមិនអាចធ្វើបាន។ ជីដូនជីតាមានពេលវេលាដើម្បីបង្រៀនមេរៀន ឬនិយាយរឿងរ៉ាវរបស់ពួកគាត់ទៅកាន់ចៅ។

អ្វីដែលជីដូនជីតាទទួលបានពីចៅៗមកវិញ

សម្រាប់ជីដូនជីតាទំនាក់ទំនងជាមួយចៅៗ អាចទទួលបានរង្វាន់ស្មើៗគ្នា។ ដោយសារជីដូនជីតាច្រើនតែដើរតួជាគ្រូបង្រៀនដល់ចៅ ឲ្យអភិវឌ្ឍទំនាក់ទំនង ដែលខុសពីទំនាក់ទំនងរវាងឪពុកម្ដាយនិងកូន។

ហើយជាការសំខាន់នោះគឺ ភាពចាំបាច់សម្រាប់សុខភាពផ្លូវចិត្តនិងរាងកាយរបស់មនុស្សវ័យចំណាស់ដែរ។
មិនចម្លែកទេដែលមនុស្សចាស់មានអារម្មណ៍ថាពួកគាត់គ្មានប្រយោជន៍ ឬមិនពាក់ព័ន្ធ។ នេះក៏អាចរួមចំណែកដល់ការធ្លាក់ចុះខាងផ្លូវចិត្ត និងអារម្មណ៍នៃភាពឯកោ ដែលពិបាកយកឈ្នះនៅពេលមនុស្សកាន់តែមានអាយុច្រើន ហើយចៅគ្រប់គ្នាជាអ្នកជួយកំណត់នូវភាពអវិជ្ជមានទាំងអស់នេះ។

ប្រភេទនៃការតភ្ជាប់និងគោលបំណងនេះ ជួយលុបបំបាត់បញ្ហាដូចជាភាពឯកោ និងការធ្លាក់ទឹកចិត្តដែលជារឿងធម្មតានៅក្នុងមនុស្សចាស់ ហើយអាចមានផលវិបាកដល់អាយុជីវិត។

លើសពីនេះទៅទៀតជីដូនជីតាជាច្រើនរាយការណ៍ពីអារម្មណ៍ ដែលមិនអាចពិពណ៌នាបាន នៃមោទនភាពនិងការស្កប់ស្កល់ ដែលបានមកពីការចូលរួមក្នុងជីវិតរបស់ចៅៗ ។ និយាយជារួម ការគាំទ្រដល់ជីដូនជីតាក្នុងតួនាទីទាំងនេះ មានសារៈសំខាន់ទាំងសងខាង៕

ប្រែសម្រួល៖ សាង ស្រីល័ក្ខ

ប្រភព៖familytoday

ចុចអាន៖ជំនួយសម្រាប់ឪពុកម្ដាយពេលមានកូនៗវ័យជំទង់ដែលមានបញ្ហា

ចុចអាន៖សកម្មភាពគួរនិងមិនគួរ ពេលកូនៗគេចមិនធ្វើលំហាត់កិច្ចការសាលា

Related Topics: