ព័ត៌មានអន្ដរជាតិ
ហ្សេលេនស្គី៖ អ៊ុយក្រែនត្រៀមជំនួបផ្ទាល់ជាមួយរុស្ស៊ី តែក្រោយមានបទឈប់បាញ់ពេញលេញសិន
ប្រធានាធិបតីអ៊ុយក្រែនលោក វ៉ូឡូឌីមៀរ ហ្សេលេនស្គី បានប្រកាសថា អ៊ុយក្រែនត្រៀមខ្លួនរួចរាល់ដើម្បីចូលរួមការចរចាដោយផ្ទាល់ជាមួយរុស្ស៊ី ប៉ុន្តែបន្ទាប់ពីបទឈប់បាញ់ពេញលេញត្រូវបានអនុវត្តជាមុនសិន។
វាគឺជាការផ្លាស់ប្តូរយ៉ាងសំខាន់ក្នុងជំហររបស់ក្រុងកៀវ ព្រោះកន្លងមកអ៊ុយក្រែនធ្លាប់បានបដិសេធការចរចាផ្ទាល់ជាមួយក្រុងមូស្គូ ចាប់តាំងពីការចាប់ផ្តើមនៃការឈ្លានពានរបស់រុស្ស៊ីក្នុងខែកុម្ភៈឆ្នាំ២០២២។
នៅក្នុងសន្និសិទសារព័ត៌មានដែលធ្វើឡើងនៅទីក្រុងកៀវកាលពីថ្ងៃទី២២ខែមេសា លោក ហ្សេលេនស្គី បាននិយាយថា៖ «ប្រសិនបើរុស្ស៊ីត្រៀមខ្លួនសម្រាប់បទឈប់បាញ់ពេញលេញមួយ បន្ទាប់មកបទឈប់បាញ់ពេញលេញត្រូវបានបង្កើតឡើង យើងបានត្រៀមខ្លួនរួចជាស្រេចសម្រាប់ការចរចាជាមួយពួកគេ»។
ការលើកឡើងរបស់មេដឹកនាំអ៊ុយក្រែន ធ្វើឡើងបន្ទាប់ពីមានសេចក្តីរាយការណ៍ថា ប្រធានាធិបតីរុស្ស៊ីលោក វ្ល៉ាឌីមៀរ ពូទីន បានសម្តែងការបើកចំហចំពោះការសន្ទនាដោយផ្ទាល់ជាមួយក្រុងកៀវ ទោះបីជាមិនមានផែនការជាក់ស្តែងណាមួយត្រូវបានធ្វើឡើងក៏ដោយ។ យ៉ាងណាមិញ វិមានក្រឹមឡាំង មិនបានយល់ព្រមចំពោះសំណើរបស់អ៊ុយក្រែន ក្នុងការបន្តបទឈប់បាញ់បុណ្យ Easter នាពេលថ្មីៗនេះទេ ហើយអ៊ុយក្រែនអះអាងថា ការបន្តការវាយប្រហារដោយយន្តហោះគ្មានមនុស្សបើកអំឡុងពេលបទឈប់បាញ់នោះបង្ហាញថា វាមិនមែនជាបទឈប់បាញ់ពិតប្រាកដនោះឡើយ។
កាលពីថ្ងៃទី២១ខែមេសា លោក ហ្សេលេនស្គី បានប្រកាសថា អ៊ុយក្រែននឹងចូលរួមក្នុងកិច្ចចរចាសន្តិភាពជាមួយចក្រភពអង់គ្លេស បារាំង និងសហរដ្ឋអាមេរិកនៅទីក្រុងឡុងដ៍នាថ្ងៃពុធសប្ដាហ៍នេះ។ លោកបញ្ជាក់ថា ការពិភាក្សានេះមានគោលបំណងសម្រេចបានបទឈប់បាញ់ដោយគ្មានលក្ខខណ្ឌ និងបង្កើតសន្តិភាពយូរអង្វែង។
យ៉ាងណាមិញ យោងតាមប្រភពពីសារព័ត៌មាន Financial Times មន្ត្រីកំពូលអាមេរិក២រូបគឺ រដ្ឋមន្ត្រីការបរទេស Marco Rubio និងប្រេសិតលោក ដូណាល់ ត្រាំ គឺលោក Steve Witkoff នឹងដកខ្លួន ដោយមិនធ្វើដំណើរទៅទីក្រុងឡុងដ៍ ដើម្បីចូលរួមក្នុងកិច្ចចរចាសន្តិភាពរបស់អ៊ុយក្រែនទេ។ ទោះបែបនេះ សហរដ្ឋអាមេរិក បានចាត់តាំងលោក Keith Kellogg ដែលជាប្រេសិតម្នាក់ទៀតរបស់លោកត្រាំ មានតួនាទីចរចាដោយផ្ទាល់ជាមួយទីក្រុងកៀវ ឲ្យទៅចូលរួមក្នុងកិច្ចប្រជុំនោះជំនួសវិញ៕
ដោយ៖ ឈាង
ចុចអាន៖ ពូទីន ប្រកាសបើកចិត្ត ចរចាដោយផ្ទាល់ជាមួយអ៊ុយក្រែន ដើម្បីបញ្ចប់សង្គ្រាម
-
កីឡា៤ ថ្ងៃ agoអបអរសាទរ! អេស្ប៉ាញ ជាជើងឯកពិភពលោក World Cup 2026 ក្រោយឈ្នះ អាហ្សង់ទីន
-
ព័ត៌មានជាតិ៤ ថ្ងៃ agoពលរដ្ឋអាចស្នើប្តូរបណ្ណកម្មសិទ្ធិមានកំហុស ឬ QR Code ស្កេនមិនចេញ បាននៅមន្ទីររៀបចំដែនដី រាជធានីភ្នំពេញ
-
ព័ត៌មានជាតិ១ សប្តាហ៍ agoប្រធានមន្ទីររៀបចំដែនដី ៖ កំណែទម្រង់ថ្មី ការស្នើសុំបណ្ណកម្មសិទ្ធិនៅភ្នំពេញ ចំណាយពេលត្រឹម ១ ខែប៉ុណ្ណោះ
-
សន្តិសុខសង្គម២ ថ្ងៃ agoទើបរៀបការ ២ ខែ! នារីម្នាក់ ត្រូវបុរសស្គាល់តាម Facebook បោកមកធ្វើការនៅភ្នំពេញ សម្លាប់ក្នុងផ្ទះសំណាក់ ពេលនេះសមត្ថកិច្ចចាប់បានឃាតកហើយ
-
កីឡា៤ ថ្ងៃ agoជ័យជម្នះប្រវត្តិសាស្ត្រ! កម្ពុជា ឈ្នះ ឥណ្ឌូណេស៊ី គ្រងជើងឯកពាន Sea V. Cup 2026
-
កីឡា៤ ថ្ងៃ agoស័ក្តិសមបំផុត! វឿន វាសនា ឈ្នះ ពានឯកត្តជន ២ ម្នាក់ឯង ក្រោយជួយកម្ពុជា គ្រងជើងឯក SEA V. Cup 2026
-
កីឡា៥ ថ្ងៃ agoលោក កែវ រ៉េមី ក្រុមជម្រើសជាតិតេក្វាន់ដូ ITF ប្ដេជ្ញាលើកទង់ជាតិខ្មែរជាថ្មីនៅម៉ុងហ្គោលី
-
សន្តិសុខសង្គម១៧ ម៉ោង agoកាប់សម្លាប់ប្រពន្ធនៅខេត្តកំពង់ស្ពឺ រួចជិះម៉ូតូគេចខ្លួនទៅស្រុកកំណើតដល់ពាក់កណ្ដាលផ្លូវជួបគ្រោះថ្នាក់ចរាចរណ៍ស្លាប់ភ្លាមៗ