សង្ក្រាន្ត៥ថ្ងៃនៅថៃ គ្រោះថ្នាក់ចរាចរណ៍ សម្លាប់មនុស្ស ១៧១នាក់

គិតត្រឹមព្រឹកថ្ងៃពុធទី១៦ខែមេសាឆ្នាំ២០២៥ តួលេខមនុស្សស្លាប់ដោយសារគ្រោះថ្នាក់ចរាចរណ៍ ក្នុងពិធីបុណ្យសង្ក្រាន្តរយៈពេល៥ថ្ងៃនៅប្រទេសថៃ មានចំនួន១៧១នាក់ ខណៈ ១ ២០៨នាក់រងរបួស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់ Bangkok Post, តួលេខនេះគឺគិតចាប់ពីថ្ងៃទី១១ដល់១៥ខែមេសា ហើយករណីភាគច្រើនគឺបង្កឡើងដោយការបើកបរហួសល្បឿនកំណត់។

យោងតាមនាយកដ្ឋានគ្រប់គ្រងនិងបង្ការគ្រោះមហន្តរាយ, ខេត្តដែលកើតគ្រោះថ្នាក់ចរាចរណ៍ច្រើនជាងគេគឺ Phatthalung មាន៤៤ករណី ខណៈកន្លែងមានមនុស្សស្លាប់ច្រើនជាងគេគឺទីក្រុងបាងកក ១៥នាក់ ចំណែកខេត្តដែលមានមនុស្សរបួសច្រើនបំផុតគឺ Lampang ៤៧នាក់។

យ៉ាងណាក្តី តួលេខនេះគឺធ្លាក់ចុះបើធៀបនឹងរយៈពេលដូចគ្នាកាលពីឆ្នាំមុន ដែលបើគិតចាប់ពីថ្ងៃទី១១ដល់១៥ខែមេសាឆ្នាំ២០២៤ គឺមានគ្រោះថ្នាក់ចរាចរណ៍ ១ ៥៦៤ករណី ស្លាប់មនុស្ស២០៦នាក់ និងរបួស ១ ៥៩៣នាក់៕

អត្ថបទ៖ សុខ សុវណ្ណ

ចុចអាន៖ ថៃ ព្រមាន! យុវជនបង្ហោះរូបស្រាតពេលលេងសប្បាយបុណ្យសង្ក្រាន្ត ប្រឈមជាប់ពន្ធនាគារ៥ឆ្នាំ