Connect with us

KPT+

វិធី​ស្វែងរក​កាមេរ៉ា​លាក់​នៅ​ក្នុង​បន្ទប់​ផ្លាស់​សម្លៀកបំពាក់

បានផុស

នៅ

ក្នុង​ស្រុក​យើង​ការ​បង្កប់​កាមេរ៉ា នៅ​ក្នុងបន្ទប់សម្រាកសណ្ឋាគារ ផ្ទះសំណាក់ តាម​បណ្ដា​ហាងសម្លៀក ឬបន្ទប់ផ្លាស់ខោអាវ ដើម្បី​លួច​មើល​ស្រីៗ ពុំ​ទាន់​មាន​លេចឡើង​គួរ​កត់សម្គាល់នោះ​ទេ។ យ៉ាងណាក្ដី មិនមែន​មានន័យថា គ្មាន​ការ​កើត​ឡើងនោះ​ដែរ។ ហេតុនេះ ចំណេះដឹង​អំពី​ការស្វែងរកកាមេរ៉ា​ដែល​លួច​បង្កប់​ក្នុងបន្ទប់ ស្រីៗ​គ្នា​យើង​គួរ​យល់ដឹង មិន​រំលង។

១. ស្កេន​បន្ទប់​រក​វត្ថុ​ដែល​គួរ​ឲ្យ​សង្ស័យ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មធ្យោបាយ​ងាយស្រួល​ក្នុង​ការ​ស្វែងរក​កាមេរ៉ា​ដែល​លាក់​ទុក ត្រូវ​ពិនិត្យ​មើល​ជុំវិញ​បន្ទប់​ដោយ​យកចិត្តទុកដាក់ មុន​ប្ដូរ​ខោអាវ ឬចូលសម្រាក ឬងូតទឹកជាដើម។ ស្វែងរក​ឲ្យ​គ្រប់ជ្រុង​ដើម្បី​អាច​មើល​ឃើញ​សញ្ញា​សង្ស័យ​កាន់​តែ​ច្បាស់ ជាពិសេស​ទៅ​លើ​វត្ថុ​មួយ​ចំនួន​ដូចជា ទូខោអាវ ​តុ ទូរទស្សន៍ គ្រឿង​តុបតែង ​ជញ្ជាំង អំពូលភ្លើង ឬ​ធ្នើ។ល។

២. ប្រើ​ពិល​ទូរសព្ទ

កញ្ចក់ជាកន្លែងងាយស្រួលក្នុងការលាក់កាមេរ៉ាជាងគេ។ ដូច្នេះ​អ្នក​គួរ​តែ​ពិនិត្យ​មើល​វា​ដោយ​យកចិត្តទុកដាក់​បំផុត។ ប្រសិន​បើ​អាច សូម​បិទ​ភ្លើង ហើយ​ប្រើ​ពិល​ទូរសព្ទ​ដើម្បី​ឆ្លុះកញ្ចក់។ ពន្លឺ​ចាំង​កញ្ចក់​នឹង​ធ្វើ​ឲ្យ​អ្នក​មើល​ឃើញ​វត្តមាន​នៃ​កាមេរ៉ា​ដែល​លាក់​នៅផ្នែកម្ខាងទៀត។

៣. សម្លឹង​មើល​កញ្ចក់ (ករណីក្នុងបន្ទប់ប្ដូរសម្លៀកបំពាក់)

បន្ទប់​ផ្លាស់​សម្លៀកបំពាក់ខ្លះ គេ​ប្រើ​កញ្ចក់​ឆ្លុះ​ពីរផ្លូវ ដែល​មានន័យថា ខាងណា​មាន​ពន្លឺ ខាង​នោះ​ជា​អ្នក​មើល​ឃើញ​រូប​ខ្លួនឯង ប៉ុន្តែអ្នកម្ខាងទៀតក៏មើលឃើញយើងបានដែរ។ បែប​នោះ​បើ​មាន​កាមេរ៉ា​បង្កប់ គេ​អាច​លួច​ថត​ខាង​យើង​បាន​យ៉ាង​ងាយ។ ដូច្នេះ​ត្រូវ​យក​ដៃ​បិទ​ពន្លឺ​លើ​កញ្ចក់ ពេលនោះ​អ្នក​នឹង​​មើល​ឃើញ​ថា វា​ជា​កញ្ចក់​ពិត​ឬ​មាន​ផ្លូវ​ពីរ​ឬអត់។

៤. ប៉ះ​កញ្ចក់

ជា​ធម្មតា​នៅ​ពេល​អ្នក​ប៉ះ​កញ្ចក់ វា​តែងតែ​មាន​ចន្លោះ​តូច​មួយ​រវាង​ម្រាមដៃ​និង​ស្រមោល​ក្នុង​កញ្ចក់​នោះ។ ប្រសិន​បើ​ឃើញ​បែបនេះ មានន័យថា នោះ​ជា​កញ្ចក់​ពិត។ ផ្ទុយទៅវិញ បើ​សិន​ម្រាម​ដៃ​ប៉ះ​ជាប់​នឹង​ស្រមោល​តែ​ម្ដង វា​ប្រហែល​ជា​កញ្ចក់​ពីរ​ផ្លូវ​ហើយ៕

ប្រែសម្រួល៖ សន្យា

ប្រភព៖ Bright Side

ចុចអាន៖គូស្នេហ៍មាន ៦ ចំណុចនេះអាចឈានដល់ចំណងអាពាហ៍ពិពាហ៍ប្រកបដោយសុភមង្គលបាន

ចុចអាន៖បង្កើន​ប្រាក់​ចំណូល​ប្រចាំ​ថ្ងៃ​ប្រសើរ​ជាង​មុន ជាមួយ​៦ចំណុចនេះ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៣៦ នាទី មុន

ចាប់ខ្លួន​មន្ត្រី​ម្នាក់​បញ្ជូនទៅ​តុលាការ រឿង​ស៊ីដាច់​ប្រាក់​៣ម៉ឺន​ដុល្លារ ដើម្បីរត់​ការចូល​ក្របខណ្ឌ​ប៉ូលិស

KPT+២ ម៉ោង មុន

រឿងពិត ៣យ៉ាង អំពីឆ្មាខ្មៅ អ្នកប្រហែលមិនធ្លាប់ដឹង

វប្បធម៌ ជំនឿ៤ ម៉ោង មុន

ប្រជ្រុយលើផ្ទៃមុខ ៤ កន្លែង តាមជំនឿជាមនុស្សពោរពេញដោយសំណាងល្អ

ព័ត៌មានជាតិ៤ ម៉ោង មុន

អភិបាលរង​ខេត្ត​ចុះ​ពិនិត្យ​ស្ថានភាព​បង្គោលព្រំ​ដែនកម្ពុជា​-​វៀតណាម ដែល​ប្រឈម​នឹង​ការបាក់​ស្រុត

ព័ត៌មានជាតិ៥ ម៉ោង មុន

ខេត្តបន្ទាយមានជ័យ ថ្ងៃនេះ​មានការ​បន្ធូរបន្ថយទោស ពី​៣​ខែ ដល់​៦​ខែ និង​៩​ខែ ដល់​ទណ្ឌិត​ចំនួន ២៧​នាក់​ក្នុងនោះ​មាន​ស្រី​ម្នាក់

Sokha Hotels

ព័ត៌មានពេញនិយម