ព័ត៌មានជាតិ
ក្រសួងបង្កើតផ្សារអនឡាញ Cambodia Trade ជំរុញការលក់ផលិតផលរបស់សហគ្រាសខ្នាតតូច និងមធ្យម
ក្រសួងពាណិជ្ជបានបង្កើតផ្សារពាណិជ្ជកម្មអេឡិចត្រូនិក ដើម្បីជួយលើកស្ទួយសក្តានុពលដល់សហគ្រាសធុនខ្នាតតូច និងមធ្យមនៅកម្ពុជា ក្នុងការលក់ផលិតផលដល់អតិថិជនទំាងទីផ្សារក្នុងស្រុក និងក្រៅស្រុក។

យោងតាមសេចក្តីប្រកាសព័ត៌មានរបស់ក្រសួងពាណិជ្ជកម្មចុះថ្ងៃទី០៩ មិថុនានេះ បានឱ្យដឹងថា ផ្សារពាណិជ្ជកម្មនេះ មានឈ្មោះថា CambodiaTrade ដែលប្រតិបត្តិការតាមរយៈគេហទំព័រ CambodiaTrade.com ក្រោមការគ្រប់គ្រងរបស់ក្រសួងពាណិជ្ជកម្ម និងមានការគាំទ្រផ្នែកហិរញ្ញវត្ថុពីកម្មវិធីពង្រឹងក្របខណ្ឌសមាហរណកម្ម ក្រោមគម្រោងអភិវឌ្ឍពាណិជ្ជកម្មតាមប្រព័ន្ធអេឡិចត្រូនិកកម្ពុជា ដែលមានគោលបំណងសំខាន់ក្នុងការជំរុញឱ្យទទួលបានអត្ថប្រយោជន៍ពីពាណិជ្ជកម្មតាមប្រព័ន្ធអេឡិចត្រូនិកសម្រាប់សហគ្រាសធុនតូច និងមធ្យម។
បើតាមក្រសួងពាណិជ្ជកម្ម សហគ្រាសធុនតូច និងមធ្យមដែលមានសិទ្ធិប្រើប្រាស់ផ្សារនេះលក់ផលិតផលបាន ត្រូវតែជាក្រុមហ៊ុន ឬសហគ្រាសដែលបានចុះឈ្មោះជាផ្លូវការជាមួយក្រសួងពាណិជ្ជកម្ម ឬមានលិខិតអនុញ្ញាតប្រកបអាជីវកម្ម, មានវិញ្ញាបនបត្រពន្ធប៉ាតង់ និងលេខអត្តសញ្ញាណសារពើពន្ធ ដែលមានសុពលភាពហើយអ្វីដែលសំខាន់ លក់ផលិតផលដែលផលិតនៅក្នុងប្រទេសកម្ពុជា។

ក្រសួងពាណិជ្ជកម្មបានបញ្ជាក់ថា លើសពីនេះទៀតសហគ្រាសធុន តូច និងមធ្យមត្រូវចុះឈ្មោះជាមុនសិនទើបអាចដាក់លក់ផលិតផលនិងអាចបំពេញស្តុករបស់ខ្លួន ដោយបង្ហោះផលិតផលរបស់ពួកគេនៅលើទំព័រហាងរបស់ខ្លួនបាន ហើយផលិតផលទាំងនោះនឹងត្រូវដាក់បង្ហាញនៅលើផ្សារនៅពេលដែលផ្សារត្រូវបានដាក់ឱ្យដំណើរការជាផ្លូវការ៕

អត្ថបទ៖ សំអឿន

-
ព័ត៌មានអន្ដរជាតិ៦ ថ្ងៃ ago
ពលរដ្ឋថៃ នៅជាប់ព្រំដែនមីយ៉ាន់ម៉ា កំពុងត្រៀមខ្លួនសម្រាប់ភាពអាសន្ន
-
ព័ត៌មានអន្ដរជាតិ៥ ថ្ងៃ ago
ថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
បច្ចេកវិទ្យា២ ថ្ងៃ ago
OPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានជាតិ៥ ថ្ងៃ ago
កម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ២ ថ្ងៃ ago
រដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានជាតិ១ សប្តាហ៍ ago
ព្យុះទី៣ និងទី៤ អស់ឥទ្ធិពល តែកម្ពុជានៅតែមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់
-
ព័ត៌មានអន្ដរជាតិ៤ ថ្ងៃ ago
«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ
-
សន្តិសុខសង្គម៤ ថ្ងៃ ago
អាវុធហត្ថបង្ក្រាបរថយន្ត ១ គ្រឿង លួចដឹកទឹកដោះគោស្រស់ ២៧ កេះ នាំចូលពីថៃ