សេដ្ឋកិច្ច

គេហទំព័ររបស់អគ្គនាយកដ្ឋានគយ និងរដ្ឋាករកម្ពុជា បានធ្វើវិសិដ្ឋកម្មស្ថិតិ ទិន្នន័យថ្មី

បានផុស

២ សប្តាហ៍ មុន

នៅ

ថ្ងៃអង្គារ ៨ កក្កដា ២០២៥

ដោយ

អគ្គនាយកដ្ឋានគយ និងរដ្ឋាករកម្ពុជា (GDCE) បានប្រកាសពីការធ្វើវិសិដ្ឋកម្មគេហទំព័រស្ថិតិរបស់ខ្លួន និងការធ្វើបច្ចុប្បន្នភាពទិន្នន័យស្ថិតិពាណិជ្ជកម្មទំនិញអន្តរជាតិ ឆ្នាំ២០១៦ ដល់ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វិសិដ្ឋកម្មគេហទំព័ររបស់ GDCE ធ្វើឡើងដើម្បីសម្រួលបន្ថែមទៀតដល់អ្នកសិក្សាស្រាវជ្រាវ វិភាគ និងរៀបចំគោលនយោបាយនានា។

អគ្គនាយកដ្ឋានគយ និងរដ្ឋាករកម្ពុជាបានធ្វើការកែលម្អគេហទំព័រស្ថិតិពាណិជ្ជកម្មទំនិញអន្តរជាតិជំនាន់ថ្មី ដោយបានបន្ថែមនូវទម្រង់ស្ថិតិចាំបាច់ មួយចំនួន, កែលម្អឧបករណ៍ស្វែងរកទិន្នន័យ, បន្ថែមនូវចំណាត់ថ្នាក់ស្តង់ដាពាណិជ្ជកម្មអន្តរជាតិ (SITC) និងបានកែលម្អសោភ័ណភាព (User Interface) របស់គេហទំព័រជាដើម។

អគ្គនាយកដ្ឋានគយ និងរដ្ឋាករកម្ពុជា ក៏បានកែលម្អរចនាសម្ព័ន្ធទិន្នន័យ ដើម្បីបន្ថែមនូវព័ត៌មានចាំបាច់មួយចំនួនក្នុងសំណុំទិន្នន័យ ដែលតម្រូវឱ្យមានការធ្វើបច្ចុប្បន្នភាពតួលេខស្ថិតិចាប់ពីឆ្នាំ២០១៦ ដល់ឆ្នាំ២០២៣ ស្របតាមការកែតម្រូវឯកសារប្រតិវេទន៍គយមួយចំនួនផងដែរ។

លោកអ្នកអាចចូលទៅប្រើប្រាស់គេហទំព័រនេះបាន ដោយចូលទៅកាន់គេហទំព័រផ្លូវការរបស់ GDCE(www.customs.gov.kh) រួចស្វែងរកទំព័រ “ស្ថិតិពាណិជ្ជកម្ម” ឬចូលដោយផ្ទាល់តាមរយៈ អាសយដ្ឋាន https://stats.customs.gov.kh ចាប់ពីថ្ងៃទី១០ ខែកក្កដា ឆ្នាំ២០២៥ តទៅ៕