Connect with us

ព័ត៌មានជាតិ

ខេត្តកែប ប្រកាស​ដាក់​ឲ្យដំណើរការ​សាលាដំបូង និងអយ្យការអមសាលាដំបូង

បានផុស

នៅ

ខេត្តកែប៖ កាលពីព្រឹកថ្ងៃ ២៤ កញ្ញា​ រដ្ឋមន្រ្តី​ក្រសួង​យុត្តិធម៌​បាន​ប្រកាស​ដាក់​ឲ្យ​ដំណើរការ​សាលាដំបូងខេត្តកែប និងអយ្យការអមសាលាដំបូងខេត្តកែប ​រួមទាំង​​ប្រកាស​ចូលកាន់មុខតំណែងមន្រ្តី​បម្រើការងារ​ផង​ដែរ។

ឯកឧត្តម កើត រិទ្ធ បាន​បញ្ជាក់​ថា ថ្ងៃទី២៤ ខែកញ្ញានេះ ចារទុកជាថ្ងៃប្រវតិ្តសាស្រ្តថ្មីមួយទៀត សម្រាប់ទឹកដីខេត្តកែប ដែលមានសាលាដំបូង និងអយ្យការអមសាលាដំបូង ដើម្បីបម្រើសេវាយុតិ្តធម៌ជូនប្រជាពលរដ្ឋ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឯកឧត្តមរដ្ឋមន្រ្តីមានប្រសាសន៍ថា ផ្អែកតាមច្បាប់ស្តីពីការរៀបចំអង្គការតុលាការ តម្រូវឱ្យមានសាលាដំបូងមួយនៅបណ្តារាជធានី-ខេត្តនៅទូទាំងប្រទេស សំដៅបង្ខិតការផ្តល់សេវាយុត្តិធម៌ឱ្យកាន់តែខិតជិតប្រជាពលរដ្ឋ និងផ្តល់ភាពងាយស្រួលដល់ប្រជាពលរដ្ឋ តាមរយៈការកាត់បន្ថយការចំណាយពេលវេលា និងថវិកាក្នុងការធ្វើដំណើរទៅទទួលយកសេវាយុតិ្តធម៌។

ទន្ទឹមនេះ វត្តមាននៃសាលាដំបូងខេត្តកែប និងអយ្យការអមសាលាដំបូងខេត្តកែបនេះ នឹងអាចជួយសម្រាលបន្ទុកសំណុំរឿងរបស់សាលាដំបូងខេត្តកំពត ជាពិសេសអាចជួយជំរុញឱ្យមានការដោះស្រាយបណ្តឹងរបស់ប្រជាពលរដ្ឋនៅក្នុងខេត្តកែប បានកាន់តែឆាប់រហ័សជាងមុនទៅទៀត។

ឆ្លៀតក្នុងឱកាសនេះ ឯកឧត្តមរដ្ឋមន្ត្រី បានថ្លែងអំណរគុណដល់ប្រធានសាលាដំបូងខេត្តកំពត និង ព្រះរាជអាជ្ញានៃអយ្យការអមសាលាដំបូងខេត្តកំពត ដែលបានបំពេញការងារដោះស្រាយសំណុំរឿងកន្លងមក ទាំងសំណុំរឿងរបស់ប្រជាពលរដ្ឋខេត្តកំពតខ្លួនឯងផង ទាំងសំណុំរឿងរបស់ប្រជាពលរដ្ឋខេត្តកែបផង។

សូមបញ្ជាក់ថា សាលាដំបូងខេត្តកែប និងអយ្យការអមសាលាដំបូងខេត្តកែប នឹងមានសមត្ថកិច្ចលើ សំណុំរឿងដែលទទួលពីប្រជាពលរដ្ឋចាប់ពីថ្ងៃទី២៤ ខែកញ្ញា ឆ្នាំ២០២១ នេះតទៅ។ ចំពោះសំណុំរឿងដែលមានមុនថ្ងៃទី២៤ ខែកញ្ញា នេះ ត្រូវបន្តស្ថិតនៅក្រោមចំណាត់របស់សាលាដំបូងខេត្តកំពត និងអយ្យការអមសាលាដំបូងខេត្តកំពតដដែល។

នា​ឱកាស​នោះ​ដែរ ក៏​មាន​ការ​ប្រកាស​ចូលកាន់មុខតំណែងជាផ្លូវការរបស់ឯកឧត្តម ហន សុខេមរិន ជាប្រធានសាលាដំបូងខេត្តកែប និង​ឯកឧត្តម ខាន់ សុផល ដែលត្រូវបានតែងតាំងជាព្រះរាជអាជ្ញានៃអយ្យការអមសាលាដំបូងខេត្តកែប៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៣ នាទី មុន

លោកស្រី ឱ វណ្ណឌីន ជំរុញឱ្យគ្រប់មណ្ឌលសុខភាពត្រូវយកចិត្តទុកដាក់ខ្ពស់ក្នុងការព្យាបាល និងថែទាំអ្នកជំងឺ

ព័ត៌មានជាតិ១៦ នាទី មុន

នាយករដ្ឋមន្ត្រី បញ្ជាក់ថា ការដាក់ចេញគោលនយោបាយ គឺដើម្បីផលប្រយោជន៍ពលរដ្ឋ មិនមែនសម្រាប់ធ្វើយានអវកាសទេ

ជីវិតកម្សាន្ដ៣៤ នាទី មុន

“Queen of Tears” ជាប់ចំណាត់ថ្នាក់កំពូលទាំង ៣ របស់ Netflix ជាស៊េរីមានអ្នកទស្សនាច្រើនជាងគេ

ព័ត៌មានអន្ដរជាតិ៣៥ នាទី មុន

លោកតាប្រមូលអេតចាយនៅ ថៃ សម្រេចក្ដីស្រមៃទៅលេងសមុទ្រជាលើក​ដំបូងក្នុងជីវិត

ព័ត៌មានជាតិ៣៧ នាទី មុន

ដំណើរឆ្ពោះត្រៀមខ្លួន របស់សាលារៀន ដើម្បីកសាងភាពធន់ និងធានាគុណភាពអប់រំ

Sokha Hotels

ព័ត៌មានពេញនិយម