ការ​ចំណាក​ស្រុក​របស់​ឪពុក​ម្ដាយ​ធ្វើ​ឱ្យ​កូន​ប្រឈម​បញ្ហា​កង្វះ​អាហា​រូបត្ថម្ភ​​​ ​ខណៈបន្ទុក​ចិញ្ចឹមកូន​ធ្លាក់ទៅលើជីដូន​

ការធ្វើចំណាកស្រុក​របស់ឪពុកម្ដាយ​ធ្វើឱ្យទារក និងកូនតូចៗ ជួប​បញ្ហាច្រើន​ ​ដោយ​បន្ទុក​មើល​ថែ​ទាំទារក និងកូន​តូច​បាន​ធ្លាក់​ទៅ​លើជីដូន​ក្នុងគ្រួសារ​។

អង្គការទស្សនៈពិភពលោករកឃើញថា ទំនួលខុសត្រូវរបស់ជីដូន ក្នុង​ការថែទាំចៅ បានធ្វើឱ្យ​មាន​ការ​កើនឡើង នៅហានិភ័យផ្នែកសុខភាព កុមារ និងជីដូន​នៅពេល​ដែល​គ្រួសារពឹងផ្អែកទៅលើ​ប្រាក់​ចំណូលបានមកពីការងារ​នៅឯរោងចក្រ​វានាំឱ្យមាន​ការផ្ដល់​ចំណីអាហារ​ និង​ការបំបៅ​កូន​ដោយ​ទឹកដោះម្ដាយ​មិនបាន​គ្រប់​គ្រាន់​។

​លោកស្រី ជា ម៉ារី ប្រធានកម្មវិធីអាហារូបត្ថម្ភជាតិ បាន​លើកឡើងនៅក្នុងសិក្ខាសាលាស្ដីពី ការចូលរួមរបស់ជីដូនក្នុងគម្រោងអភិវឌ្ឍន៍សុខុមាលភាពរបស់កុមារនៅកម្ពុជានៅថ្ងៃទី ៧ ខែមេសានេះថា​ ដោយសារ​កម្សោយ​ការផ្ដល់​អាហារ​ដល់ទារក​ និងកុមារ​មិនបាន​គ្រប់គ្រាន់​ដែល​ធ្វើឱ្យ​បញ្ហាកង្វះ​អាហាររូប​ត្ថម្ភធ្ងន់ធ្ងរ​។

លោកស្រី Granna Pu Selvi ប្រធានបច្ចេកទេសផ្នែក​ កម្មវិធីអាហារូបត្ថម្ភ នៃអង្គការទស្សនៈ​ពិភព​លោក លើកឡើងថា មិនមែនតែកម្ពុជាទេ​នៅលើពិភពលោក រយៈពេលជាង ២ឆ្នាំនេះ មានការ​ប៉ះពាល់​ខ្លាំងទៅ​លើអា​ហារូបត្ថម្ភ​របស់កុមារ ជាពិសេស​នៅក្នុងប្រទេសកម្ពុជា ដែលមានបន្ទាត់ក្រីក្រខ្ពស់ ដូច្នេះ ជា​មួយ​បញ្ហាការផ្ទុះជំងឺកូវីដផង ធ្វើឱ្យកង្វះអាហារ​រូបត្ថម្ភ​សម្រាប់កុមារ ជាពិសេសកុមារ​ដែលនៅ​តំបន់​ដាច់​ស្រយាលខ្លាំង ដូច្នេះហើយ ស្ថានភាព​កង្វះ​អាហាររូបត្ថម្ភ និងភាពស្គមស្គាំង​របស់ក្មេង​កាន់តែខ្ពស់។

ប៉ុន្តែមិនទាន់​មានទិន្ន័យច្បាស់លាស់ទេ ដោយសារតែ ទិន្ន័យសង្គមសាស្ត្ររបស់រដ្ឋាភិបាល ដែលធ្វើ ៥ ឆ្នាំម្ដងមិនទាន់ចេញ។​ ទិន្ន័យពី CDHS ឆ្នាំ ២០១៤ កុមារក្រិនៗ ៣២ ភាគរយ កុមារស្គមស្គាំង ១០ ភាគរយ​ និងកុមារ​ទម្ងន់​តាមស្ដង់ដា ២៤ ភាគរយ​។

លោកស្រី Granna Pu Selvi ថ្លែងថា មានផលប៉ះពាល់ច្រើន នៅពេលដែលឪពុកម្ដាយចាកចេញ ហើយ​ទុកកូនឱ្យជីដូន ដូច​ជាការបៅដោះម្ដាយមិនបានគ្រប់គ្រាន់ រហូតដល់ ៦ ហើយបើជីដូនវិញ គឺ​ត្រូវទទួលបន្ទុក​មើល​ថែទាំចៅច្រើន ដូច្នេះគាត់ឆ្លើយតបទៅនឹងតម្រូវ​ការមើលថែទាំនៅ​មាន​ការ​ខ្វះ​ចន្លោះ ដូចជានៅ​ពេល​ដែលចៅឈឺ​ត្រូវយកចៅទៅពេទ្យ។

យាយដែលចាស់ៗ ទទួលខុសត្រូវលើការថែទាំចៅ មានទំនួលខុសត្រូវច្រើនណាស់ ក្នុងការមើល​ថែចៅ​ ត្រូវមើលតាំងពីការហូបចុក បណ្ដុះបណ្ដាលឱ្យចៅឆ្លាត។ ក្រៅពីនេះ គឺពួកគាត់ក៏ប្រឈម នឹងការស្ដីបន្ទោសពីឪពុកម្ដាយ ដែលថាថែទាំកូនមិនបានល្អទេ ដោយពួកគាត់​​ក៏ជួបបញ្ហា​ថប់​អា​រម្មណ៍​ក្នុងផ្លូវចិត្ត​ និងបង្កជាបញ្ហា និងជំងឺផ្សេងៗ។

ដើម្បីដោះស្រាយបញ្ហានេះ អង្គការទស្សនៈពិភពលោក​បាន​សាក​ល្បងគម្រោងមួយ​ដែលមាន​ឈ្មោះ​ថា បរិយាប័នជីដូន ដើម្បីកសាងចំណេះដឹង ជំនាញ អាកប្ប​កិរិ​យា​ដល់​ក្រុម​ជីដូន​ដែលមាន​តួនាទីជាអាណាព្យាបាល​ចំបង​ក្នុងការចិញ្ចឹមកុមារ​អាយុ​ក្រោម​​៥ ឆ្នាំ គម្រោង​នេះ​ បង្ហាញពី​លទ្ធផល​វិជ្ជមាន​ទៅលើការចិញ្ចឹម​ទារក និងកុមារតូច​។

អង្គការ ភាគីពាក់ព័ន្ធ ដែលធ្វើការជាមួយកុមារ​ត្រូវគិតពីជីដូន និងក្រុមគ្រួសាររបស់កុមារ ដូច​ជា​ការ​បណ្ដុះបណ្ដាល ផ្ដល់ជាចំណេះដឹង ការថែទាំកុមារ ហើយធ្វើការយកចិត្តទុក​ដាក់ទៅ​លើជី​ដូន​ដែល​មើល​ថែចៅ ក្នុងការកសាងសមត្ថភាពផ្នែកការការពារសង្គមទៅលើជីដូន។

គម្រោងបរិយាប័នជីដូនរបស់អង្គការទស្សនៈពិភពលោក បានធ្វើការសាកល្បងអនុវត្តរយៈពេល ១ ឆ្នាំ មកហើយ ដែលមានការរីកចម្រើនច្រើនទៅលើសូចនាករដែលបានបង្កើតឡើង។

ជាគម្រោង​ដែល​មានការរីកច្រើនច្រើនទៅលើការចិញ្ចឹមបីបាច់ទៅលើសុខមាលភាព បញ្ញាស្មារតី​របស់​កុមារ​តូចៗ​ ជាពិសេសទៅលើកុមារ ដែលមានអាយុដល់ ២ ឆ្នាំ៕

អត្ថបទ៖ ឡេង ដេត