ព័ត៌មានអន្ដរជាតិ
អាជ្ញាធរថៃរឹបអូសព្រុយត្រីឆ្លាមជាង៤០០នៅអាកាសយានដ្ឋាន ដោយគ្រោងរត់ពន្ធទៅចិន
ព្រុយត្រីឆ្លាមជាង ៤០០ ត្រូវបាននាយកដ្ឋានគយរបស់ប្រទេសថៃស្ទាក់ចាប់បានក្នុងប្រតិបត្តិការរួមគ្នាជាមួយអាជ្ញាធរចិន ដើម្បីប្រយុទ្ធប្រឆាំងនឹងការរត់ពន្ធ។ នេះបើយោងតាមការចេញផ្សាយរបស់កាសែត Bangkok Post នៅថ្ងៃទី០៣ខែឧសភានេះ។
ព្រុយត្រីឆ្លាមចំនួន៤០២ព្រុយនេះត្រូវបានរកឃើញក្នុងចំណោមទំនិញនៅអាកាសយានដ្ឋានសុវណ្ណភូមិក្នុងខេត្ត Samut Prakan ដោយផ្អែកលើការសម្របសម្រួលជាមួយការិយាល័យប្រឆាំងការរត់ពន្ធនៅក្នុងអគ្គរដ្ឋបាលគយ (GACC) នៃប្រទេសចិន។ ព្រុយត្រីឆ្លាមទាំងនេះមានទម្ងន់១០២គីឡូក្រាម និងមានតម្លៃប្រមាណជាង២លានបាត( ៦ម៉ឺនដុល្លារ)។
បើតាមមន្ត្រីគយបានផ្តល់ព័ត៌មានថា ទំនិញដែលអាចបំពានលើអនុសញ្ញាស្តីពីពាណិជ្ជកម្មអន្តរជាតិក្នុងបទប្បញ្ញត្តិនៃប្រភេទសត្វព្រៃ និងរុក្ខជាតិជិតផុតពូជ កំពុងឆ្លងកាត់ប្រទេសថៃ។ ដោយធ្វើការជាមួយនាយកដ្ឋានជលផល និងក្រុមហ៊ុនអាកាសចរណ៍ Thai Airways International (THAI) មន្ត្រីបានរកឃើញទំនិញខុសច្បាប់ដែលជាព្រុយត្រីឆ្លាមនេះ មានប្រភពមកពីប្រទេសទ្រីនីដាដ និងតូបាហ្គោ ហើយកំពុងបញ្ជួនទៅកាន់ប្រទេសចិន។
ទាក់ទងទៅនឹងករណីជួញដូរសត្វខុសច្បាប់នេះកាលពីខែមីនាឆ្នាំនេះ ទាហានម៉ាឡេស៊ីក៏បានស្ទាក់ចាប់បានគ្រោងឆ្អឹងជ្រូកព្រៃ ៤០០គីឡូក្រាម ដែលអ្នករត់ពន្ធប៉ុនប៉ងនាំចូលទៅក្នុងប្រទេសថៃផងដែរ៕
អត្ថបទ៖ ប៊ុន សុភាព
-
ព័ត៌មានអន្ដរជាតិ៧ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានជាតិ៧ ថ្ងៃ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៥ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត
-
ព័ត៌មានអន្ដរជាតិ៥ ថ្ងៃ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព