ព័ត៌មានអន្ដរជាតិ

ជំនន់ទឹកភ្លៀងវាយប្រហារខ្លាំងក្នុងខេត្ត Chonburi ប្រទេសថៃ

បានផុស

១ year មុន

នៅ

ថ្ងៃសៅរ៍ ៣ ឧសភា ២០២៥

ដោយ

យោងតាមការចេញផ្សាយរបស់សារព័ត៌មាន The Nation នៅថ្ងៃទី០៣ខែឧសភានេះ ភ្លៀងធ្លាក់យ៉ាងគំហុកបានវាយលុកទីក្រុង Pattaya ក្នុងខេត្ត Chonburi ប្រទេសថៃ នៅថ្ងៃសៅរ៍ បណ្តាលឱ្យមានទឹកជំនន់យ៉ាងធ្ងន់ធ្ងរនៅក្នុងតំបន់ជាច្រើននៅទូទាំងទីក្រុង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភ្លៀងធ្លាក់ដែលអូសបន្លាយជាង៣ម៉ោង បានលិចផ្លូវ និងធ្វើឱ្យផ្លូវជាច្រើនមិនអាចធ្វើដំណើរបានទាំងរថយន្តតូច និងធំ។យោងតាមមន្ត្រីក្នុងតំបន់បានឱ្យដឹងថា តំបន់មួយក្នុងចំណោមតំបន់ដែលរងគ្រោះខ្លាំងជាងគេគឺផ្លូវ Pattaya Third Road ដែលជាតំបន់ទំនាបដែលតែងតែជន់លិចក្នុងពេលមានភ្លៀងធ្លាក់ខ្លាំង។

រថយន្តជាច្រើនគ្រឿងត្រូវបានគេប្រទះឃើញលិចទឹក និងរងការខូចខាត។ ដូចគ្នានេះដែរ នៅលើផ្លូវរថភ្លើងឆ្ពោះទៅ Khao Talo ទាំងរថយន្តនិងម៉ូតូត្រូវជន់លិច ហើយទុកចោល។

អាជ្ញាធរមូលដ្ឋានថៃបានចេញសេចក្តីប្រកាសជាសាធារណៈដាស់តឿនអ្នកបើកបរឲ្យជៀសវាងផ្លូវលិចទឹក ដើម្បីការពារកុំឲ្យខូចខាតយានយន្ត និងការពារទ្រព្យសម្បត្តិសាធារណៈ។

គួរបញ្ជាក់ថានាយកដ្ឋានឧតុនិយមថៃ បានព្យាករណ៍នៅថ្ងៃសៅរ៍នេះថា នឹងមានភ្លៀងធ្លាក់ ផ្គរ រន្ទះ ខ្យល់កន្ត្រាក់ និងភ្លៀងធ្លាក់ខ្លាំង ទំនងជានៅទូទាំងប្រទេសថៃ។ នៅតំបន់ភាគខាងកើត នឹងមានភ្លៀងធ្លាក់រាយប៉ាយ ផ្គរ រន្ទះ និងភ្លៀងធ្លាក់រាយប៉ាយ នៅតំបន់ Chachoengsao, Chon Buri, Rayong, Chanthaburi និង Trat៕