ព័ត៌មានជាតិ
កូនស្រីលោក កែប ជុតិម៉ា កំពុងកាន់កិច្ចការជានាយករងរដ្ឋបាលសាលារាជធានីភ្នំពេញ
ក្រោយចូលនិវត្តន៍ពីតួនាទីជាអភិបាលរាជធានីភ្នំពេញ លោក កែប ជុតិម៉ា បានជាប់ឆ្នោតជាតំណាងរាស្ត្ររបស់គណបក្សប្រជាជនកម្ពុជា មណ្ឌលរាជធានីភ្នំពេញ រហូតមកដល់បច្ចុប្បន្ននេះ។ ជាមួយគ្នានេះ គេក៏បានដឹងដែរថា កូនស្រីម្នាក់របស់លោក កំពុងបម្រើការងារជាមន្ត្រីរាជការនៅសាលារាជធានីភ្នំពេញ។ កូនស្រីរបស់លោករូបនេះ គឺលោកស្រី តិម៉ា វិច្ឆិកាល។
តើលោកស្រី តិម៉ា វិច្ឆិកាល កំពុងកាន់តួនាទីអ្វីនៅសាលារាជធានីភ្នំពេញ និងមានប្រវត្តិសិក្សាបែបណាដែរ? «កម្ពុជាថ្មី» នឹងបង្ហាញដូចតទៅ ៖
លោកស្រី តិម៉ា វិច្ឆិកាល មានទីកំណើតនៅរាជធានីភ្នំពេញ មានឪពុកឈ្មោះ កែប ជុតិម៉ា និងម្ដាយឈ្មោះ ជុំ សាមីន។ លោកស្រី មានចំណងអាពាហ៍ពិពាហ៍ជាមួយលោក អ៊ឹង រចនា អតីតឯកអគ្គរាជទូតកម្ពុជាប្រចាំប្រទេសជប៉ុន និងបច្ចុប្បន្នជាអនុរដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ។
កាលកុមារភាព លោកស្រី តិម៉ា វិច្ឆិកាល រៀននៅសាលាបឋមសិក្សា និងអនុវិទ្យាល័យ ចតុមុខ ចាប់ពីឆ្នាំ១៩៨៧-១៩៩៥ និងបញ្ចប់កម្រិតថ្នាក់វិទ្យាល័យនៅក្នុងឆ្នាំ១៩៩៨ គឺនៅវិទ្យាល័យ ព្រះស៊ីសុវត្ថិ។ ក្រោយចប់កម្រិតមធ្យមសិក្សា លោកស្រីបានបន្តរៀនថ្នាក់បរិញ្ញាបត្រនៅសាកលវិទ្យាល័យជាតិគ្រប់គ្រង និងនៅឆ្នាំ២០០២-២០០៤ លោកស្រីទៅបន្តសិក្សានៅវិទ្យាស្ថានបច្ចេកវិទ្យា Canberra ប្រទេសអូស្ត្រាលី។ ក្នុងឆ្នាំ២០០៥ លោកស្រី តិម៉ា វិច្ឆិកាល ចូលរៀននៅសាកលវិទ្យាល័យភូមិន្ទភ្នំពេញ។ ស្របពេលជាមួយគ្នានេះ ក្នុងឆ្នាំ២០០៥ លោកស្រី ក៏ចាប់ផ្ដើមចូលបម្រើការងារជាមន្ត្រីរាជការនៅសាលារាជធានីភ្នំពេញ ដែលអំឡុងពេលនោះ ឪពុករបស់លោកស្រី គឺលោក កែប ជុតិម៉ា កំពុងកាន់តំណែងជាអភិបាលរាជធានីភ្នំពេញ។
តែយ៉ាងណា លោកស្រី នៅតែឆ្លៀតពេលបន្តការសិក្សានៅក្រៅប្រទេសបន្ថែមទៀត គឺនៅឆ្នាំ២០១៦ លោកស្រីបញ្ចប់ការសិក្សានៅវិទ្យាស្ថាន Geneva Graduate ប្រទេសស្វីស និងនៅឆ្នាំ២០១៩ បន្តការសិក្សាថ្នាក់អនុបណ្ឌិតនៅសាកលវិទ្យាល័យឡុងដ៍ ចក្រភពអង់គ្លេស ដោយនៅឆ្នាំ២០២១ ទទួលបានសញ្ញាបត្រអនុបណ្ឌិតផ្នែកគោលនយោបាយសាធារណៈ។ បន្ថែមពីនេះ ក្នុងនាមជាមន្ត្រីរាជការមួយរូប លោកស្រី តិម៉ា វិច្ឆិកាល ទទួលបានការបណ្ដុះបណ្ដាលវគ្គវិក្រឹត្យការមន្ត្រីជាន់ខ្ពស់ឆ្នាំ២០១៦-២០១៧ នៅសាលាភូមិន្ទរដ្ឋបាល។
ដោយហេតុថា លោកស្រីទទួលបានការសិក្សាច្រើន មានចំណេះដឹងខ្ពង់ខ្ពស់ គួបផ្សំនឹងបទពិសោធការងារសមគួរផងនោះ គឺនៅឆ្នាំ២០១៨ លោកស្រី ត្រូវបានប្រកាសតែងតាំងជានាយករងរដ្ឋបាលសាលារាជធានីភ្នំពេញ បន្ទាប់ពីលោកស្រី បានកាន់តំណែងនាយករងទីចាត់ការផែនការ និងវិនិយោគ ជាច្រើនឆ្នាំកន្លងមក។ បច្ចុប្បន្ននេះ លោកស្រី ក៏មានតួនាទីជាអនុប្រធានសហភាពសហព័ន្ធយុវជនកម្ពជារាជធានីភ្នំពេញ ផងដែរ៕
ដោយ ៖ ធឿន វ៉ាន់សុង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ