ស្ថាប័ន គ​.​ជ​.​ប ថា ជោគវាសនា​អនាគត​របស់​យុវជន ដែល​ដើរ​តាម​គណបក្ស LDP នឹង​ជួប​គ្រោះថ្នាក់​ដ៏​ធំ​មួយ – Kampuchea Thmey Daily
Connect with us
Helistar Cambodia - Helicopter Charter Services

ព័ត៌មានជាតិ

ស្ថាប័ន គ​.​ជ​.​ប ថា ជោគវាសនា​អនាគត​របស់​យុវជន ដែល​ដើរ​តាម​គណបក្ស LDP នឹង​ជួប​គ្រោះថ្នាក់​ដ៏​ធំ​មួយ

Published

on

ស្ថាប័ន​រៀបចំ​ការបោះឆ្នោត​នៅ​កម្ពុជា ឬ​ហៅថា គ​.​ជ​.​ប បាន​អះអាង​នៅថ្ងៃនេះ​ថា ជោគវាសនា​អនាគត​របស់​យុវជន ដែល​ដើរ​តាម​គណបក្ស​សម្ព័ន្ធ​ដើម្បី​ប្រជាធិបតេយ្យ (LDP) នឹង​ជួប​គ្រោះថ្នាក់​ដ៏​ធំ​មួយ ដោយសារ​តែ​គណបក្ស​នេះ បាន​អប់រំ បង្រៀន និង​ផ្ដល់នូវ​ចិត្តគំនិត អាកប្បកិរិយា សម្ដីសំដៅ ចំនួន​៣ សម្រាប់​សកម្មជន​រប​ស់​ខ្លួន​។

នៅក្នុង​សេចក្ដីថ្លែងការណ៍​របស់​ខ្លួន ដែល​បាន​ចេញ​ផ្សាយ​នា​ល្ងាច​ថ្ងៃនេះ​បាន​បញ្ជាក់​ថា ក្នុង​មួយ​អាណត្តិ​កន្លងមក​គណៈកម្មាធិការ​ជាតិ​រៀបចំ​ការបោះឆ្នោត (​គ​.​ជ​.​ប​) ពុំដែល​យក​ភាគី​ពាក់ព័ន្ធ​ទាំង​១១ ណាមួយ​ពាក់ព័ន្ធ​នឹង​ការបោះឆ្នោត​ជាស​ត្រូវ​នោះ​ទេ ទាំង​អតីត​គណបក្ស​សង្គ្រោះ​ជាតិ (CNRP) នៅក្នុង គ​.​ជ​.​ប ទាំង​អង្គការ​មិនមែន​រដ្ឋាភិបាល (NGO) ក្នុងស្រុក​ដែល​ស្ថិតនៅក្នុង​គ្រប់​ទម្រង់ ទាំង​អង្គការ​អន្តរជាតិ​នានា​ដែល​មក​ចូលរួម ទាំង​ប្រទេស​ជា​មិត្ត​មួយចំនួន ដែល​ចូល​មកជួយ​ដោយ​ស្មោះ​ក្នុង​ការរៀបចំ​ការបោះឆ្នោត​ទាំង​ថ្នាក់​មូលដ្ឋាន ទាំង​ថ្នាក់ជាតិ ដោយ​ជួយ​ទាំង​មធ្យោបាយ សម្ភារ​បោះឆ្នោត ជាពិសេស គឺ​អ្នកជំនាញ​ការបោះឆ្នោត​ពូកែៗ​មក​នៅ​ជាមួយ គ​.​ជ​.​ប តាំង​ពី​ដើម​រហូតដល់​ចប់ ដោយ​យើង​តែង​ធ្វើការ​ជាមួយគ្នា​ប្រកបដោយ​ភាពសុខដុមរមនា ស្ដាប់​មតិ​គ្នា​ទៅវិញទៅមក សំដៅ​រៀបចំ​ការបោះឆ្នោត​ឱ្យបាន​យុត្តិធម៌​ល្អ​បំផុត ដែល​គ្មាន​ភាគី​ពាក់ព័ន្ធ​ណាមួយ​គេ​អាច​បដិសេធ​បាន​នោះទេ​។

បើ​តាម​គ​.​ជ​.​ប លទ្ធផល​ដែល​កើតចេញពី​ការបោះឆ្នោត​ដោយ​សេរី ត្រឹមត្រូវ និង​យុត្តិធម៌ គឺ​នាំ​ឲ្យ​កើត​ស្ថិរភាព​ស្រុកទេស មានការ​រីកចម្រើន និង​ការអភិវឌ្ឍ​។ ក្នុង​ន័យ​នេះ គ​.​ជ​.​ប ពិតជា​មិន​ចង់បាន​នៅក្រោយ​ការបោះឆ្នោត កើតឡើង​នូវ​អស្ថិរភាព​សង្គម និង​វិបត្តិ​នានា ដែល​នឹង​នាំឱ្យ​អសកម្ម​ដល់​ដំណើរការ​ប្រកប​របរ​ចិញ្ចឹមជីវិត​ជា​ប្រក្រតី​ប្រចាំថ្ងៃ​របស់​ម្ចាស់​ឆ្នោត​នោះទេ​។ ការពិនិត្យ​បញ្ជី​ឈ្មោះ និង​ការចុះឈ្មោះ​បោះឆ្នោត ឆ្នាំ​២០២០ បាន​ប្រព្រឹត្ត​ទៅដោយ​រលូន និង​ជោគជ័យ​។ គ​.​ជ​.​ប ត្រេកអរ​យ៉ាងខ្លាំង​ចំពោះ​ភាគី​ពាក់ព័ន្ធ​ដែល​បាន​សាទរ​ចំពោះ​លទ្ធផល​ដ៏​ល្អ​ប្រសើរ​នេះ ប៉ុន្តែ គ​.​ជ​.​ប សោកស្ដាយ​ដោយសារ​គណបក្ស​សម្ព័ន្ធ​ដើម្បី​ប្រជាធិបតេយ្យ (LDP) បាន​បដិសេធ​មិន​ទទួលស្គាល់​លទ្ធផល​នៃ​ការចុះឈ្មោះ​បោះឆ្នោត ថែមទាំង​មានការ​តិះដៀល ស្អប់ខ្ពើម​ស្ថាប័ន​ជាតិ​សាសន៍​ខ្លួនឯង​។

គ​.​ជ​.​ប សង្កេត​ឃើញ​ថា ចាប់តាំងពី​ការ​ចាប់​ផ្ដើម​ការ​ដាក់​ភ្នាក់ងារ​គណបក្ស​នយោបាយ គណបក្ស​សម្ព័ន្ធ​ដើម្បី​ប្រជាធិបតេយ្យ បាន​ព្យាយាម​បង្កើតជា​បញ្ហា​ផ្សេងៗ​មិន​ឈប់ឈរ​។ ស្ទើរតែ​គ្រប់​ការិយាល័យ​ចុះឈ្មោះ​បោះឆ្នោត​ទូទាំង​ប្រទេស នៅពេល​សង្កេតការណ៍ នៅក្នុង​ការិយាល័យ​ចុះឈ្មោះ​បោះឆ្នោត ភ្នាក់ងារ​គណបក្ស​នេះ​បាន​បង្ក​ការ​អុកឡុក​នៅក្នុង​ការិយាល័យ​ចុះឈ្មោះ ដោយមាន​ការ​ឈ្លោះប្រកែក​គ្នា​ជាមួយ​មន្ត្រី​ចុះឈ្មោះ​បោះឆ្នោត រួច​ធ្វើ​សកម្មភាព​លួច​ថតរូប​ភាព ថត​សំឡេង និង​ទាញ​កញ្ឆក់​យក​ឯកសារ​របស់​សាមីខ្លួន​អ្នក​ចុះឈ្មោះ​បោះឆ្នោត ដោយ​ពុំបាន​សុំ​ការអនុញ្ញាត​។ ទោះបី​ក្រុម​ចុះឈ្មោះ​បោះឆ្នោត (​ក​.​ច​.​ប​) និង​អាជ្ញាធរ​ឃុំ សង្កាត់ បាន​ពន្យល់​ភ្នាក់ងារ​របស់​គណបក្ស​នេះ​យ៉ាងណា ប៉ុន្តែ​ភ្នាក់ងារ​គណបក្ស​នៅតែ​ចចេស​ប្រតិកម្ម​មិន​ព្រមស្ដាប់​តាម​ការណែនាំ ហើយ​បាន​ប្រើ​គ្រប់​វិធីសាស្ត្រ បង្ក​ភាព​រញ៉េរញ៉ៃ​។

គ​.​ជ​.​ប លើកឡើង​ទៀតថា ការវាយប្រហារ​យ៉ាង​គ​ឃ្លើ​ន​របស់​គណបក្ស​សម្ព័ន្ធ​ដើម្បី​ប្រជាធិបតេយ្យ មកលើ​គ្រប់​រចនាសម្ព័ន្ធ និង​ស្ថាប័ន​ជាតិ តាំងពី​រដ្ឋធម្មនុញ្ញ ច្បាប់បោះឆ្នោត រដ្ឋសភា ស្ថាប័ន​កំពូលៗ​របស់​រដ្ឋ ក្រុមប្រឹក្សាធម្មនុញ្ញ គ​.​ជ​.​ប អាជ្ញាធរ​ដែនដី​គ្រប់​ជាន់ថ្នាក់ គ្រប់​គណបក្សនយោបាយ​ទាំង​ប្រឆាំង​ទាំង​កាន់អំណាច រហូតដល់​ប្រជាពលរដ្ឋ ដែលជា​ម្ចាស់​សន្លឹកឆ្នោត គឺ​គ្មានអ្វី​ក្រៅ​តែ​ពី​ដើម្បី​បោកប្រាស់​ខ្មែរ​ទូទាំង​ប្រទេស​ឱ្យ​ឃើញ​ថា មានតែ​គណបក្ស​ខ្លួន​ទេ ដែល​ស្រឡាញ់​ជាតិ និង​ប្រជាជន​។ ហេតុ​ដូច្នេះហើយ​បានជា​គណបក្ស​នេះ​ប្រើពាក្យ​ស្លោ​កថា “​ប្រទេស​របស់​យើង បើ​អត់​សម្ព័ន្ធ (LDP) ទេ គឺ​រលាយ​ហើយ​”​។ គ​.​ជ​.​ប បាន​អះអាង​ថា ពាក្យស្លោក​នេះ មាន​ខ្លឹមសារ​ប្រហាក់ប្រហែលគ្នា​នឹង​ខ្លឹមសារ ដែលមាន​ចែង​ក្នុង​រដ្ឋធម្មនុញ្ញ​នៃ​របប​ប៉ុល ពត សម័យ​កម្ពុជា​ប្រជាធិបតេយ្យ ដែល​ខ្មែរ​គ្រប់រូប​ធ្លាប់​ភ្លក់​រសជាតិ​នេះហើយ​។

គ​.​ជ​.​ប បាន​សង្កេត និង​កត់សម្គាល់ឃើញ​នូវ​គ្រោះថ្នាក់​ដ៏​ធំ​មួយ ដែល​ប៉ះពាល់​ដល់​ជោគវាសនា​អនាគត​របស់​យុវជន​ផ្ទាល់ ដែល​ដើរ​តាម​គណបក្ស​សម្ព័ន្ធ​ដើម្បី​ប្រជាធិបតេយ្យ ពីព្រោះ​គណបក្ស​នេះ បាន​អប់រំ បង្រៀន និង​ផ្ដល់​នូវ​ចិត្តគំនិត អាកប្បកិរិយា សម្ដីសំដៅ ចំនួន​៣ សម្រាប់​សកម្មជន​របស់​គេ គឺ​៖ ទី​១. និយាយ​អ្វី ក៏​មិន​ស្ដាប់ ទី​២. ឱ្យធ្វើ​អ្វី ក៏​មិន​ធ្វើ ទី​៣. មានឱកាស គឺ​ប្រឆាំង​តបត​។ ដែល​ចិត្តគំនិត និង​អាកប្បកិរិយា សម្ដី​ទាំង ៣​ប្រភេទ​នេះ នឹង​នាំ​ដល់​យុវជន​ឱ្យ​ស្អប់ខ្ពើម​យកជាតិ​សាសន៍​ខ្លួនឯង​ជាស​ត្រូវ ជា​លទ្ធផល​យុវជន​ទាំងនោះ នឹង​ទទួល​មកវិញ​សុទ្ធតែ​សត្រូវ​ជុំ​ទិស​។

ជាមួយគ្នា​នោះ គ​.​ជ​.​ប ក៏បាន​អំពាវនាវ​ដល់​គ្រប់​ភាគី​ពាក់ព័ន្ធ ចូលរួម​ផ្ដល់​មតិយោបល់ និង​កែសម្រួល​ករណី​មាន​កំហុសឆ្គង ក្នុងន័យ​រិះគន់​ដើម្បី​ស្ថាបនា និង​បានស្នើ​ឲ្យ​គ្រប់ភាគី​ពាក់ព័ន្ធ​ចូលរួម​ជាមួយ គ​.​ជ​.​ប បន្តទៀត នៅក្នុង​ឆ្នាំ​២០២១ និង​ឆ្នាំ​ខាងមុខ ដើម្បី​គោរព​ឱ្យខាងតែបាន​នូវ​សិទ្ធិ​របស់​ម្ចាស់ឆ្នោត និង​ធានា​ថា ​គ្មានទេ​អស្ថិរភាព​ក្រោយ​ការបោះឆ្នោត ដោយ​តម្កល់​សន្តិភាព និង​ការអភិវឌ្ឍ​ជាធំ​។

ទាក់ទង​បញ្ហា​នេះ លោក ហង្ស ពុទ្ធា អ្នកនាំពាក្យ គ​.​ជ​.​ប បាន​ថ្លែងប្រាប់​កម្ពុជា​ថ្មី​នា​ល្ងាច​នេះ​ថា រឿងនេះ គ​.​ជ​.​ប ធ្វើ​សេចក្តី​ថ្លែង​ការ​ណ៍​ហើយ តែ​ការប្តឹង​ណាមួយ​មិនទាន់មាន​ទេ ប៉ុន្តែ​កន្លងមក គ​.​ជ​.​ប បាន​ប្តឹង​បុគ្គល​ម្នាក់​រួចហើយ គឺ​លោក អ៊ី សាំង​ឡេង ជា​អនុប្រធាន​គណបក្ស​សម្ព័ន្ធ​ដើម្បី​ប្រជាធិបតេយ្យ ដែល​បាន​ចោទប្រកាន់ គ​.​ជ​.​ប ថា ជា​ចោរ​ជាដើម​៕

ដោយ ៖ កោះ​កែវ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ12 mins ago

អាជ្ញាធរស្រុកកៀនស្វាយទុកពេលឲ្យពលរដ្ឋ៤ថ្ងៃរុះរើសំណង់រំលោភផ្លូវសាធារណៈ

ព័ត៌មានជាតិ16 mins ago

រក​ឃើញ​​​អ្នក​ឆ្លង​កូវីដ១៩ ចំនួន​២​នាក់​ ទៀត​នៅ​ប៉េង​ ហួត ៦០​ម៉ែត្រ​​

ព័ត៌មានជាតិ26 mins ago

គិតមក​ដល់​ល្ងាចនេះ ទីតាំង​ពាក់ព័ន្ធ​ព្រឹ​ត្តិ​ការណ៍​សហគមន៍​២០​កុម្ភៈ ចំនួន​៧៥​ទីតាំង ​ត្រូវ​បាន​អាជ្ញាធរបិទ

ព័ត៌មានជាតិ38 mins ago

ហ្វីលីពីន​អរគុណ​កម្ពុជា​ដែល​បាន​ផ្តល់​ការ​ការពារ​និង​គាំពារ​បាន​យ៉ាង​យ៉ាង​ល្អ​ដល់​ពលរដ្ឋ​ហ្វី​លីន​ធ្វើការ​និង​ស្នាក់នៅ​កម្ពុជា

ព័ត៌មានជាតិ45 mins ago

ភ្នំពេញ​នៅ​រដូវ​ប្រាំង​ ឆ្នាំ២០២១​នេះ​​ ​ខ្វះ​ភ្លើង​​​ប្រើ​ឬ​​ទេ?

Sokha Hotels

ព័ត៌មានពេញនិយម

Helistar Cambodia - Helicopter Charter Services