ព័ត៌មានជាតិ
អតីតមេទ័ពជើងគោក លោក មាស សុភា ឈរជាបេក្ខជនពេញសិទ្ធិនៅខេត្តព្រះវិហារ
សប្ដាហ៍ក្រោយនេះ ការចុះបញ្ជីបេក្ខជនឈរឈ្មោះបោះឆ្នោតជ្រើសតាំងតំណាងរាស្រ្ត នីតិកាលទី៧ នឹងចូលមកដល់ ខណៈដែលគណបក្សប្រជាជន បានត្រៀមរួចជាស្រេចសម្រាប់បញ្ជីបេក្ខជនឈរឈ្មោះនៅទូទាំង២៥ រាជធានី-ខេត្ត។ ក្នុងនោះ មណ្ឌលខេត្តព្រះវិហារ ដែលមានតែ១អាសនៈ បានតែងតាំងលោក មាស សុភា ជាបេក្ខជនឈរឈ្មោះពេញសិទ្ធិក្នុងការបោះឆ្នោតខាងមុខ។
លោក មាស សុភា បច្ចុប្បន្នកំពុងកាន់តំណែងជាទេសរដ្ឋមន្ត្រី ទទួលបន្ទុកបេសកកម្មពិសេស និងជាអតីតមេបញ្ជាការនៃបញ្ជាការដ្ឋានកងទ័ពជើងគោក។ បន្ថែមពីនេះ លោក មាស សុភា គឺជាសមាជិកគណៈអចិន្ត្រៃយ៍គណបក្សប្រជាជន និងជាប្រធានក្រុមការងារគណបក្សផង និងជាប្រធានក្រុមការងាររាជរដ្ឋាភិបាលផងចុះមូលដ្ឋានខេត្តព្រះវិហារ។
បើតាមសេចក្ដីសម្រេចរបស់គណៈអចិន្ត្រៃយ៍គណបក្សប្រជាជនកម្ពុជាដែលមានចុះហត្ថលេខាដោយសម្ដេចតេជោ ហ៊ុន សែន ប្រធានគណបក្ស ក៏បានសម្រេចតែងតាំងបេក្ខជនបម្រុងចំនួន៦រូប រួមមាន៖ ១.លោក សំ លាងទ្រី ២.លោក មួង ឃីម ៣.លោក ឃឿង ណាត ៤.លោកស្រី ខូយ ប៊ុនថាន ៥.លោក ខៀវ សម្បត្តិ និង៦.លោកស្រី អ៊ាង ម៉ូនីកា។
ដោយឡែក លោក សួស យ៉ារ៉ា ដែលជាបេក្ខជនតំណាងរាស្ត្រជាប់ឆ្នោត ក្នុងនីតិកាលទី៦ (ឆ្នាំ២០១៨-២០២៣) គឺត្រូវបានថ្នាក់ដឹកនាំគណបក្សប្រជាជនកម្ពុជា ផ្លាស់ប្ដូរ និងតែងតាំងជាបេក្ខជនពេញសិទ្ធិឈរឈ្មោះលេខរៀងទី៣ មណ្ឌលខេត្តកំពង់ធំ ជំនួសវិញសម្រាប់ការបោះឆ្នោតជ្រើសតាំងតំណាងរាស្រ្ត នីតិកាលទី៧ ឆ្នាំ២០២៣ ខាងមុខនេះ៕
ដោយ៖ ធឿន វ៉ាន់សុង
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១១ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៩ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)