ព័ត៌មានជាតិ
ហេតុអ្វី មណ្ឌលគិរីក្លាយជាតំបន់ទេសចរណ៍ទាក់ទាញនារដូវវស្សា?
មណ្ឌលគិរី ត្រូវបានគេស្គាល់ថា ជាទឹកដីនៃភ្នំដែលក្រាលគ្របដោយរុក្ខជាតិ វាលស្មៅ និងព្រៃឈើចម្រុះជាប្លុកៗ
ហើយគោលដៅទេសចរណ៍ដ៏ល្បីល្បាយ នាភូមិភាគឦសាននេះ តែងផ្តល់ទស្សនីយភាព គួរឱ្យចង់គយគន់គ្រប់រដូវ ពិសេសនារដូវវស្សាតែម្តង។ អំឡុងពេលវេលាដែលមានភ្លៀងធ្លាក់ញឹកញាប់នេះ រុក្ខជាតិនឹងលូតលាស់ឡើង បង្កើតបានជាទិដ្ឋភាពពណ៌បៃតងខៀវខ្ចី ផ្តល់នូវអារម្មណ៍ស្រស់ស្រាយ និងជំនួយដល់សុខភាពភ្នែកថែមទៀត។
ជាមួយនឹងទេសភាពធម្មជាតិ វាលស្មៅបៃតង ទឹកជ្រោះ ជ្រលងដងអូ និងធនធានធម្មជាតិដ៏សម្បូរបែប មណ្ឌលគិរី តែងជាជម្រើស សម្រាប់ទេសចរធ្វើដំណើរកម្សាន្ត ពិសេសនៅក្នុងរដូវវស្សានេះ ក៏ព្រោះតែរៀងរាល់រដូវដែលមានភ្លៀងធ្លាក់ និងត្រជាក់ ពពកនឹងចុះទាបហ៊ុំព័ទ្ធព្រៃឈើ និងតំបន់នានាក្នុងខេត្តនេះ មើលទៅ ហាក់ដូចជាឋានសួគ៌ លើទីដែលមនុស្សរស់នៅ។
ពីមួយឆ្នាំទៅមួយឆ្នាំ គោលដៅទេសចរណ៍ដ៏ល្បីល្បាយនេះ បានអភិវឌ្ឍន៍ភាពឡូយឆាយរបស់ខ្លួនជានិច្ច មិនត្រឹមតែជា តំបន់ទេសចរណ៍ធម្មជាតិ និងបានបន្ថែមនូវតម្រូវការមួយចំនួនទៀត សម្រាប់ទេសចរជាតិ និងអន្តរជាតិ ដូចជាកន្លែង ទេសចរណ៍បែបច្នៃប្រឌិត និងការស្នាក់នៅបែបទំនើបផងដែរ។
បច្ចុប្បន្ន មណ្ឌលគិរី ក្លាយជាតំបន់ទេសចរណ៍សម្បូរបែប មិនថាការកម្សាន្ត និងការស្នាក់នៅ និងអាចទស្សនាផ្ទះប្រពៃណី បងប្អូនជនជាតិដើមភាគតិច និងការបង្ហាញពីវប្បធម៌របស់ពួកគាត់ផងដែរ។ ក្រៅពីនេះ មណ្ឌលនៅមានតំបន់ទេសចរណ៍ ទាក់ទាញជាច្រើន ដូចជា រមណីយដ្ឋានភ្នំដោះក្រមុំ សមុទ្រឈើ ទឹកជ្រោះរមនា ដាក់ដាំ ភ្នំណាមលៀរ ទឹកជ្រោះប៊ូស្រា រួមនឹងកន្លែងកម្សាន្តជាច្រើនទៀត និងអាចទស្សនាដំរីព្រៃធម្មជាតិភូមិពូតាំងទៀតផង។
ចំពោះការធ្វើដំណើរកម្សាន្តមកកាន់ខេត្តទេសចរណ៍មួយនេះ នារដូវភ្លៀងធ្លាក់ មិនសូវមានជាបញ្ហាចោទប៉ុន្មានទេ ក៏ព្រោះតែទីនេះ មានកន្លែងកម្សាន្តលក្ខណៈធម្មជាតិច្រើន បើទោះជាមានបញ្ហាអាកាសធាតុក៏ដោយ៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង